اغتصبوا طفولتي ...حكاية رباب
للكاتبة ام نور
البارت ١٢
ضليت فتره تقريب ٣اشهر اني عايشه
ملكة
الاكل يوصلي لحد مكاني
وباليل الحجيه تجي يمي
وتطرد عباس
اخاف يجي شارب ويأذيني
وره ل ٣ اشهر ضليت اكوم واتحرك
وراجعت دكتوره كالت زال الخطر منج
عباس اريد ادرس انت مو وعدتني
مو وكتها هسه
لا لعد يمته
كومي بالسلامة والله كريم
لا لا وضليت ابجي
لاتبجين مو زين على الجاهل
خلص وعد مني اذا شهر الجاي طلع
بيج ولد
ثاني يوم اسجلج درسين
واذا بنيه ؟؟؟؟
الله كريم لكل حادث حديث
عباااس
هااا؟؟؟
امي شنو اخبارها
اشو ماكو صار ٣ اشهر لاسألت عليه
ولامرتلي
هسه دعوفيها شلج بيها لاهيه بحياتها
لا عباس فدوه اريد اروح اشوفها اليوم
اخاف صاير بيها شي
ماعدها احد غيري لوتموت بالبيت
محد يدري بيها
حتى جيران ميدخلولها
اي ميدخلولها غير من وره سوالفها
ماشي اخذج اليوم
ابات يمها ليله حباب
رحت لامي ادح بالباب ادك محد يفتحه
تعجبت عباس عنده مفتاح البيت
فتح الباب ودخلت
امي مدده بالفراش وجهه اصفر
ولافه ربطه ع شعرها
رحت ركاض عليها ودنكت بوستها
شبيج يمه هاي شصاير بيج
بس تباوعلي وماتحجي
ودموع تنزل من عينها
ركضت على عباس شبيها امي
اخذنه لدكتور
اخذتها وهاي علاجها فوك راسها
شبيها ؟؟؟
ضليت ادك وابجي
امي باوعتلي
رباااب بس سامحيني
مسامحتج يمه بس كومي ع حيلج
انتي سامحيني عايفتج بحدج
وانتي مريضه
امي صاير بيها مرض خبيث
واصل لاخر مراحله
وحتى الكيمياوي مافايد وياها
باقيه تنتظر رحمة ربها
بقيت يومين يم امي
اغسللها واوكلها واركض ركاض من تريد شي
حتى نسيت اني حامل
اليوم الثالث الفجر سمعت امي
تتنفس قوي
طفرت من نومي يمه يمه شبيج
امي غركانه بعركها
صايره غطة ماي
ضليت اضرب بوجها
ماكو شوي وضلت لاتتحرك ولاتحوس
عرفت امي ماتت
اول مره اشوف ميت
ضليت مااعرف شنو اسوي
اصرخ وابجي من الخوف رحت شردت
للغرفة الثانيه وقفلت الباب
ياسبحان الله ليش البشر من يموت
كل اقاربه وناس ليمه يخافون منه
ليش نخاف من الميت ؟؟؟
هو قبل دقايق احنه يمه نبوس ونحضن بي
بمجرد ماتطلع الروح
نحس مو منه صار
ونتبره من كل عشرتنه وياه
يصير شي مرعب بالنسبه النه ؟؟؟
امر عجيب وماعرفت تفسيره
اخذت نقال امي واتصلت على عباس
ماجاوب
اكيد بعده متأثر بالشرب وماراح يحس منا لضهر
خابرت ع عمتي وكتلها عمه فدوه لحكيني
امي ماتت واصرخ
ولج عوبه لاتبجين بطنج جاهل
عجيب هاي الناس لماترحم
يابشر امي لماتت علمود طفل
بعدني ماشايفته
تحرمني حتى من حق الدمعه !!!
ناس دور بس مصالحها
عفت نقال وطلعت اركض ع الجيران
واتوسل بيهم امي ماتت
رغم جيرانا محد جان يدخل علينه
ولااحد يحبنه
بس كلها فزعت النه
ماكو دقايق ونترس بيتنه ناس
وكل الاجراءات سوها وللعصر بلشت الفاتحه
بس ماخذوني وياها للمقبره
كالو مو زين عليج
حااااامل
ماتت امي وعافتني وحيده
عافتني لعباس
مجبوره اسايره مابقالي احد غيره
لازم منا ورايح استغل عمري
واستغل جمالي نفس ماعلمتني امي
واكسب عباس
وللقصة المزيد
هذا بااارت قصير
لعيون لي تفاعلوا وطلبوا بعد باااارت
حبايب ليطلبون اكثر من بارت
والله لو مامشغوله ماكان قصرت وياكم
واكيد انتو ماتقبلون اقصر بدوامي وبيتي
حبايب علقوا علمود من انزل بارت جديد
يوصل الكم اشعار
وانشاء الله البارتات القادمة راح اطولها الكم
تدللون
