#باحثةللعشق
بارت الخامس
#قصةوفة
هاله كاعدة تنقل المحاضرات اللي فايتتها من ملك وملك دخلت عليها بصينية النسكافية والكيك
هاله: اووو منو اللي جايب هل الكيكه الحلوة هاي ها؟ ( هيلين غمزت لملك )
ملك: شنو رأيج بيها، حسام اللي جابها لما اجو زارونا البارحه.
هاله: بس انتيِ جايبة لمنو هل كيك هذا كله.
ملك: ليه اني وانتي بس.
هاله: تسلم ايدج، بس اني مراح اكدر أكل كل هذا اكطعي لي قطعة زغيرة.
ملك: ليش يا لولو هاي كيكة حسام لازم تأكلين.
هاله: وهو انا كلتلج ماريد، حاكل منها بس قطعه زغيرة.
ملك كطعت لهاله قطعه أزغر وقدمت لها الطبق
هاله: كوليلي اخبار حسام شنو هي؟
ملك: بخير الحمد الله، على فكرة يسلم عليج
هاله الله يسلمه، ها ما لمح لش البارحة لما زاركم.
ملك: هو ما قال شي صريح بس طلب مني ما أتأخر بره البيت لوكت متأخر وانه هاي اخر مرة ومراح تتكرر ثاني مره.
هيلين: ولهسه تسالين يحبج ولا لا، ألف مبروك يا ملوكة ربي يوفقكم بإذن الله.
ملك: تسلمي يا لولو ربي يسهل ويتقدم بسرعة مو مليت
هاله: مستعجلة على شنو، الصبر يا حبيبتي على طول مستعجلة. ( وضحكت هالة على ملك)
ملك: هياتني صابرة اشفتيني سويت يعني.
هاله: زين اكعدي اهدي هيج واشرحي لي الجزء هذا مو فاهمته حتى اعرف انقله.
ملك: شوفين واشرت لهاله على الصفحه قصدج هذا
هال: اي وبدون استعجال اريد افهم لان بيومها اني ما كنت مركزة خالص، وما تعلقين على كلامي سامعه. ( هالع رفعت راسها وضحكت لملك وغمزت لها)
كعدت ملك تشرح لهاله الاجزاء اللي ماكانت مركزة بيها وبعدين لما خلصوا ام ملك جانت محضرة العشا اصرت انه هاله تتعشى وبعدين تروح.
هاله طلعت من عند ملك وبطريقها لبيتها وهي ماشية وقربت على البيت شافت الدكتور عمر وهو ماشي بسيارته، استغربت وكعدت تفكر معقول يكون ساكن بنفس الشارع مالهم طلعت ولكت امهاوابوها كاعدين يتفرجون على المسلسل.
هاله: السلام عليكم ورحمة الله وبركاته.
الاب: وعليكم السلام ورحمة الله، حمد الله على سلامتج يا حبيبتي.
الام: وعليكم السلام ور حمة الله، شسويتي يا حبيبتي احضرلج العشاء.
هاله: تسلمي يا ماما اي اتعشيت عد ملك، خاله ما خلتني اطلع الا لما اتعشى بالاول وتسلم عليج هواي .
الام: الله يسلم ويسلمها، اريد بيوم اروح ازورها صارلي هواي ماشايفتها .
هاله: ان شاء الله، اني راح ادخل غرفتي اغير ملابسي واكعد شوية وانام تصبحون على خير.
الاب: وانتي من اهله يا حبيبتي مامحتاجة شي يا لولو
هاله شكرا بابا كله تمام.
دخلت غرفتها سرحانه وتفكر بالدكتور عمر ومعقول يكون جارهم، وتكول بسرها هو اكيد جارنا بدليل اول يوم دراسة ركب وياهن نفس التكسي، غيرت هدومها ودخلت كعدت بسريرها وتدعي الله حتى تكدر تنام.
عمر وهو جاي يدك باب خطيبته، فتحت ليلى الباب وهي ترحب بيه وابوها يسال عمر وصل
ليلى: اي بابا، اتفضل عمر.
ليلى دخلت عمر عند ابوها بالصالون وراحت تحضر السفرة وتساعد امها.
الاب: منور يا دكتور ليش اتأخرت هلكد ووين الحجية ليش ما جت .
عمر: هذا نورك يا عمي، والله امي جانت جاية بس حست بشوية تعب.
الاب: ألف سلامة عليها، زين هي شلونها هسه
عمر: انا انطيتها الدوه ودخلت تنام.
الاب: الله يبارك لك بيها.
الام: اهلا اهلا منور يا دكتور قلقتنا عليك، لعد امك ليش مااجت.
عمر: هسه جنت اكول لعمي تعبت شوية انطيتها الدوه ودخلت تنام.
الام: جان بنفسنا تتعشى ويانا ونكعد وياها مشتاكتلها هواي.
عمر: الجايات اكثر ان شاء الله، هي هم تسلم عليكم .
الام: بإذن الله، الله يسلمها.
ليلى دخلت عليهم للصالون
ليلى: اتفضلوا العشاء جاهز.
الاب: اتفضل يا دكتور، منورنا والله.
الام: ليلى سوتلك أصناف، راح تاكل اصابع ايديك وراها.
عمر: تسلم ايديج يا ليلى.
ليلى: تسلم يا عمر، يارب الاكل يعجبك.
كامو وراحو حتى يتعشون كعدت ليلى بصف عمر وابو ليلى على راس ميز الطعام وامها جانت كاعدة على يمين زوجها، الميز كان مليان أصناف كثيره.
الاب: عمر انت ما محتاج اعزمك، هذ بيتك الياكل على ضرسه ينفع نفسه .
عمر: اكيد يا عمي.
ليلى: ما تقلق يا بابا اني راح اخذ بالي منه.( وليلى تباوع لعمر وتضحك اله)
عمر: تسلم ايدج ليلى.
ليلى: ذوق وكولي شنو رأيك .
عمر اكل وكان طعم الاكل حلو لدرجة انه ما صدق انه ليلى اللي مسويه الاكل، مواضيع الاكل والمطبخ مو من اهتمامات ليلى اللي دايما يهمها المكياج والرشاقة واصحابها والنادي.
عمر: تسلملي ايدج الاكل يجنن.
ليلى: ألف عافية بالهنا.
لما خلصوا الاكل ابو ليلى اقترح يأخذون القهوة بالحديقة
الاب: اتفضل يا عمر تعال يا حبيبي نكعد بالحديقة الجو حلو.
عمر: اتفضل يا عمي.
دخلوا كعدوا بالحديقه والجو كان جميل جدا، دخلت الخدامة بصينية القهوة حطتها كدامهم وطلعت. الاب: اخبار الكلية والشغل شلونها.
عمر: كله تمام.
الاب: الله ينطيك الصحة والعافية، جنت اريد احجي وياك بموضوع .
عمر: اتفضل يا عمي.
عمر حس انه ابو ليلى راح يفتح وياه موضوع انهم يتمموا الزواج بسرعة وماكو داعي للتأجيل أكثر من هيج
الاب: انت تعرف انه كان المفروض نتمم زواجكم من سنة تقريبا لولا وفاة الوالد رحمة الله عليه.
عمر: الله يرحمه، اي فعلا يا عمي.
الاب: انما اكو ظروف صارت احتمال تأجل الارتباط والزواج هم سنة.
عمر: خير يا عمي، شنو الظروف اللي جدت هسه.
الاب: ليلى جانت مقدمة على بعثة بره العراق، وزميلتها اللي كان المفروض تطلع البعثة اعتذرت وصارت عدها ظروف، وبطبيعة الحال اتصلوا على ليلى لأن هي مرشحة للبعثة هسه.
عمر من داخله ارتاح نوعا ما لأنه كان حاب يأجل العرس ومو يعرف يتحجج بشي، كان حاب انه هو و ليلى يقربوا من بعض أكثر، لكن فكرة سفرها حتبعدها عنه فترة طويلة.
عمر: وليش ليلى ما بغلتني من قبل بكل هذا.
الاب: انا اللي كلتلها ماكو داعي نكولك وخصوصا انها ما كانت حتسافر لكن سبحان الله الظروف اتغيرت فجاءة.
عمر طلع من عد ليلى وجواه مشاعر متضاربة يفرح ولا يزعل، يفرح انه عرسه اتأجل ولا يزعل انه ليلى حتبعد المدة هاي ومراح يكدر يقترب منها ويفهموا بعض قبل الزواج الموضوع اتعقد جدا وهو مابيده شي غير انه يوافق ويصبر وخصوصا حزنه على والده وتعب والدته ماخلن اله نفس باي شي
