#باحثةللعشق
البارت السابع
#قصةوفة
عمر وصل البيت حاير ومخنوك وروحه طالعه من الدنيا، دخل غرفته وهويفكر بكل شي فجاءة الباب اندك
عمر: منو؟
الام: انا ماما يا حبيبي؟
قام عمر فتح الباب لامه ودخلها كعدت على الكرسي.
عمر: معقول ادكين الباب يا امي، انت تفتحين وتدخلين كبل يا حبيبتي.
الام: خفت تكون بتغير ملابسك، ها طمني شسويت ويه ليلى؟
عمر اتفاجأ من كلام امه اله، ومستغرب هي شلون عرفت انه راح قابل ليلى مع انه ما كاللها انهم راح يتقابلون.
عمر: هذا شنو منوكالج إني رحت اشوف ليلى؟
الام: طبعا عرفت ومن غير ما احد يكولي.
عمر: شلون!!!!
الام: كلبي دليلي دير بالك تفكر إني ما حاسة بيك، المهم طمني شصار؟
عمر: ماصار شي هي مرتبة امورها انها راح تسافر ولا كأني خطيبها وليه رأي بالموضوع.
الام: والبعثة هاي شكد مدتها ؟
عمر: تكول سنتين بس راح تضغط على نفسها وتخلصها بسنة ونص.
الام: وانت شنو شايف ؟
عمر: اني محتار يا أمي، أكمل وياها واصبر والا انهي كل شيء وكل واحد يشوف نصيبه.
الام: ليش هيج تحجي يا عمر.
عمر: مو حاسس إني أمثل الها شي، رائيي عدها مثل عدمه يا أمي.
الام: عادي يا عمر يمكن حابة تكون بنفس مستواك العلمي ويكون بينكم تكافؤ أكثر.
عمر: والله يا امي مااعرف، انا اليوم حسيت إني احجي ويه وحدة ما اعرفها.
الام: لهل درجة ، انت اكيد تبالغ.
عمر: ابدا والله هاي مرتبة كل شي، وماخذة قرارها لعد هي جانت تضحك عليا وتحاول تحسسني انها تقنعني وتتحايل عليه، شوريني يا امي شسوي وشلون اتصرف ؟
الام: هذ قرارك انت ولازم تفكر بي زين قبل ما تأخذه، لانه هاي حياتك انت والحياة يا ابني ما تنعاش الا مرة وحدة، اني بس مش ماريد أظلم ليلى ومن داخلي اريدك تنطيها فرصة.
عمر: حاضر يا أمي انا راح افكر بكلامج، المهم انتي شسويتي اليوم عامله الدوه اللي غيره الدكتور مريحج؟
الام: أحسن بهواي الحمدالله، ربي يخليك ليه يا حبيبي ويريح بالك يارب، اكول لعزيزة تحمي الك الاكل قبل ما تنزل تروح.
عمر: ماشي يا حبيبتي، راح اغير هدومي واجي اتغدى.
الام طلعت من غرفه ابنها وتدعيله انه الله ينور له طريقه، ويأخذ القرار الصح بارتباطه.
نادر كاعد ويهشلته بالنادي يشاقه ويضحك، احمد صديقه هسه وصل نادر من شافه صاحله احمد وراحله وسلم عليه وبوسه
احمد: ندور اخبارك شنوزهاي انت وين يا عم ما تروح الكلية ولا شنو؟
نادر: لا طبعا اروح انت اللي وين؟
احمد : اني موجود بكل وكت بس انت اللي ما ماخذ بالك، شنو اللي ماخذ عقلك !!!
نادر: والله ابدا ماكو.
احمد: عليه الكلام هذا ، شنو حب جديد ولا شنو؟ ( واحمد يغمز لنادر )
نادر: مو حب بس بداية اعجاب، بنت مثل الكمر حتى اسمها حلو مثلها.
احمد: نادر ما انت كلت هذا الشي على سهيلة وخليتها تحبك وعلكتها بيك وبعدين بزعت منها وعفتها.
نادر: لا لا هاله هاي غير أي بنت انا قابلتها، هي هاي.
احمد: مو انت هم كلت هيج على سهيلة هو هو نفس الكلام اذكرك شكلت.
نادر: صدكني هاله غير سهيلة تماما.
احمد: الله يستر، المهم اني عمي حاجاني ووصاني عليك.
نادر: بابا اتصل بيك انت يوصيك عليه.
احمد: عمي قلقان عليك حيل مايريد اللي صار السنة اللي فاتت يصير هل السنة هاي هم.
نادر: اني مو زغير حتى تكون رقيب عليه واني اعرف شسوي زين.
احمد زعل من نادر وجان يريد يمشي ويعوفه، لكن نادر لزم ايديه وكعد يحجي وياه
نادر: يا احمد لاتسوي هيج وياي اني مو زغير
احمد: نادر انت حبيبي واخويه وتعرف اني اشكد احبك وتهمني مصلحتك.
نادر: اعرف بس بلا جو الرقيب هذا مراح يمشي وياي والله.
نادر انولد واتربى ب ابوظبي، والده يشتغل مهندس، ناجح جدا بشغله وللأسف هو ابنه الوحيد لان زوجته اتوفت وهو عمره 13 سنة ولهل شي والده مايكدر يربيه عدل جان كدامه حلين اما يبعثه عد بيبته وعمته يتربى بوسط اهله أو يتزوج حتى يلكي وحده اداري نادر ويتربى بحضنه، فاضطر أنه يتزوج مره ثانيه لكن نادر رفض زوجة ابوه وكان رافض انه وحده تحل محل امه، كان يكرهها بس لأنها حلت محل امه مع انها كانت ام اله واستحملته هواي وتعامله أحسن معامله لأنها حبته وحبت ابوه.
أما والد احمد فكان يشتغل مهندس في فرع الشركة اللي بالشارقة وبعدين انتقل لأبوظبي وبقى هو ووالد نادر اعز اصدقاء ونادر واحمد كانوا دائما مع بعض وكملوا بنفس المدرسة لحد ما خلصوا الثانوية و دخلوا الجامعة.
نادر واحمد قدموا ودخلوا مع بعض نفس الكلية، والد احمد فضل انه يسافر ويرجع ويستقر بالعراق لاجل ابنه بعكس والد نادر اللي رفض انه يعوف شغله بالامارات وسافر نادر مع زوجة ابوه، نادر للأسف بسبب قرار ابوه قرر انه يرسب اول سنة بالكلية حت يضغط عليه انه يرجع يكعد وياه بالعراق مثل والد احمد، لكن الاب كان يفكر شلون يأمن مستقبل ابنه في حين انه بأسلوبه هذا كان يضيع ابنه من ايده. احمد كال لنادر حتى يروحون
احمد: يلا يا ابني خلي نروح، الوقت اتأخر وهسه خالة سعاد قلقانه عليك.
نادر: روح انت اني بعد وكت عليه.
احمد: يلا نروح، ورانه كلية الصبح من وكت.
نادر: انا راح روح براحتي، روح انت حتى تنام من وكت وتكعد تروح للكلية من وكت .
احمد: اوك يا نادر بس باجر لما تجي الكلية مرلي ضروري لازم اشوفك.
هاله جانت تحجي ويه ملك ويتفقن انهن يطلعن بعد الكلية يتمشن ويشترن شوية حاجات ناقصتهن .
هاله: شلونج يا ملوكة، يسعد مسائج يا قمر.
ملك: شلونج لولو، شاخبارج وشاخبار القراية وياج؟
هاله: كله تمام بس اريد نكعد نقرا سوى شوية
ملك: حاضر عيوني الج لولو.
هاله: كلتي لماما وبابا انه احنا راح نطلع بعد الكلية.
ملك: اي موافقين، كالولي مادام طالعة ويه اوك.
هاله: تمام، سلميلي عليهم هواي.
ملك: يوصل، شاخبار نادر احجيلي .
هيلين: مو وكتها هسه باجر ان شاء الله.
ملك: اها، ماتكدرين تحجين.
هيلين: زين إنج فهمتيها لوحدج. ( ضحكن ملك وهاله)
ملك: خلص باجر ان شاء الله نحجي، تصبحين على خير.
هاله: وانتي من اهله.
هيلين دخلت غرفتها حتى تنام وامها دخلت وراها وانطتها فلوس بايدها وهاله سألتها
هيلين: شنو ذني ماما؟
الام: الج يا حبيبتي بابا يكول جيبي كل اللي نفسج بي
هاله: بس ذن هواي واني وياي مصروفي.
الام: يا حبيبتي مصروفج هذا علمودج انتي، انما ذن حتى تشتري اللي نفس بي.(هالة حضنت امها وبوستها )
هاله: ربي يخليكم ليه، ولا يحرمني منكم ابدا.
الام: ويخليج يا حبيبتي ويحفظج دائما يارب.
هاله: اشكري بابا لحد ما اشكره بنفسي.
الام: اكو بنت تشكر ابوها، بطلي سوالف الجهال ويلا عل نوم حتى تكعدين مصحصحه للكلية باجر وراج يوم طويل ان شاء الله.
هاله: حاضر يا ماما تصبحين على خير.
الام: وانت من اهله يا حبيبتي.
