#باحثةللعشق
بارت الاخير
#قصةوفه
نادر انقل للمستشفى لأنه دخل بغيبوبة من العمود الحديد اللي وكع على راسه ساعة العركه
عمر وصلهم البيت، واتفق وياهم انه راح يمر يأخذهم علمود يروحون باجر للمركز ويقفلون المحضر مثل ما رامي طلب منهم.
ابو نادر رجع لما عرف الخبر من زوجته، وبقى كاعد يم ابنه بالمستشفى على امل انه يكعد وندم على اللي سواه، بس خلص فات وقت الندم.
عمر حاول يشرح لهاله السبب وراء تغييره من ناحيتها، لكن هي رفضت تسمع أي شيء، حبت تذوكه من نفس الكاس اللي شربها منه، زارهم هواي حتى يحاول يقابلها بعد الحادثة لكن هي كانت تحجج انه نفسيتها تعبانة ماتكدر تشوف أي احد وتحاول تنسى اللي صار
والد هاله كعد اتكلم وياها وحاول يخفف عنها اللي صار، وهي اعترفت له انها غلطت لما ما حجت له عن موضوع نادر، وصارحته بإعجابها وحبها لعمر.
ملك راحت زارتها بالبيت ، حاولت تأخذها وتطلع لكنها كانت رافضة كل شيء، التجربة كانت صعبة عليها.
ملك خابرت هاله علمود تبلغها بموعد خطوبتها، وإنها محتاجتها وباها بالتجهيزات، لكن هاله اعتذرت الها لأنها ماتكدر تطلع وتعبانة، ملك عذرتها لكن شرطت عليها انها لازم تكون وياها يوم خطوبتها من الصبح.
مر 15 يوم واليوم خطوبة ملك، اول ما كعدت الصبح اتصلت على هاله حتى تجهز نفسها.
ملك: صباح الخير يا لولو، جهزي نفسج شوية وراح امر عليج مثل ما اتفقنا.
هاله: ألف مبروك يا ملك، اني مراح اكدر اطلع مصدعة من ساعة ما كعدتت.
ملك: مراح اروح للصالون لوحدي، ها زين. (ملك بالموبايل لهاله)
هاله: من صدك تعبانه يا ملك.
ملك: لا يا ست انتي صرتي مثل الورد هياتج، لولو حازعل منج مو كافي عفتيني نزلت جبت فستان الخطوبة لوحدي.
هاله: مالي نفس يا ملك من صدك، بس اني هواي فرحانه علمودج انتي وحسام ربي يسعدكم يارب.
ملك: انا مو رايحة للصالون من غيرج وهذا اني كلتلج عشر دقائق وحكون عندج جهزي نفسج.
هاله كامت لبست وحطيت ميك اب خفيف علمود تداري السواد اللي تحت عينها، ما حبت تزعل ملك بيوم مثل هذا لأنه ملك مو بس وصديقة عمرها هاي أختها، خلصت وطلعت من غرفتها وابوها شافها وهو سعيد وفرحان انها راح تطلع اخيرا.
هاله: بابا ملك راح تمر عليه وراح نروح للصالون.
الاب: ماشي بنتي، اي هي جان لازم ملك تنخطب حتى تطلعين.
هاله: اعذرني بابا التجربة كانت صعبة واني جنت ماكدر فعلا ومالي نفس.
الاب: هياتج اتعلمتي منها إنج لازم تحجين لبابا وماما كل شي، انتي غلطتي لمن ضميتي عليه موضوع الولد هذا وانه كان يضايقك دائما.
هاله: ما تخيلت انه كل هذا يصير يا بابا.
الاب: صار خير وربج سترها ولولا الله والدكتور عمر ما كنت اعرف شراح اسوي
الام: اي والله لولا كرم الله والدكتور عمر، ربي يبارك له ويوم ما نفرح بيج يا حبيبة ماما.
هاله: ربي يخليكم ليه ولا يحرمني منكم ابدا.
