#باحثةللعشق
بارت15
#قصةوفة
حسام: ممكن تهدين شويه، هي مو كالتلج انها رايحه للحمام، شفتيها بالحمام؟
ملك: دخلت شفتها يا حسام ودورت عليها بكل مكان تكون راحت مع عمر مثلا.
حسام: انتن شفتن الدكتور عمر جوه.
ملك: لا
حسام: شلون يعني، ملك اهدي شوية.
ملك: اني اكول يمكن احتمال يكون كان موجود وطلب يوصلها، لعد وين راح تكون راحت
حسام: حتى لو هذا جانت راحح تجي تبلغنا علمود نروح احنا البيت.
ملك: انت صح شراح نسوي هسه
حسام: تعالي نروح يمكن تكون اخذت تكسي راحت حتى تعوفنه لوحدنا.
ملك: يا رب يا حسام، تكون راحت مثل ماتكول.
حسام وملك راحوا على بيت هاله، ملك نزلت بسرعة من السيارة وبقا ادك على باب بقوه وتدعي تلكه هاله الباب انفتح وابو هاله واكف.
ملك: اهلا يا عمي، مساء الخير.
والد هاله: اهلا يا ملك، مساء النور
ملك: عمي ممكن تقول لهاله انه اني هنا.
والد هاله: هي هاله مو وياج
ملك: يعني هاله ما راحت.
والد هاله: هي مو جانت وياج، هاله وين؟
ملك: والله يا عمي ما اعرف، اني وحسام كاعدين بالسيارة ننتظرها تطلع من الكلية علموظ نروح، كالت راح تدخل الحمام وبعدين تجي وراي ولما اتأخرت دخلت ادور ومالكيتها
والد هاله: هاله وين راحت يعني.
ملك: عمي لعد البس ونروح نبلغ الشرطة.
والد هاله: اصبري يا بنتي راح البس واجي وياكم، استر يارب.
والد هاله دخل يلبس بسرعة وهو قلقان ومايعرف يفكر ياريت وين تكون راحت ، والدة هاله طلعت من الحمام سالت زوجها هومنو اللي جان يدك الباب، وزوجها كاللها ملك هي جانت ادك الباب
والدة هاله: لعد انت ليش تلبس وين رايح
والد هاله: رايح لمركز الشرطه ، ملك جاي تكول هاله ماكو ومالاكينها
والدة هاله: انت شتكول يمه بنتي وين اريد بنتي.
والد هاله: انا راح اروح اسوي بلاغ وماكدر اصبر شوية يمكن تجي لو اروح هسه، مجاي اعرف اتصرف.
والدة هاله: زين اتصل بالدكتور عمر يمكن يكون شافها او راح تروح وياه.
والد هاله: صح احتمال شافها أو عرض انه يوصلها، أخابره بالاول قبل ما اطلع.
والدة هاله: لعد اتصل عليه بسرعة انا خلص حاسة انه راح يصيرلي شي، يارب استر على بنتي.
والد هاله رفع سماعة الموبايل وطلب رقم الدكتور عمر، ويدعي الله انه يكون موجود، السماعة انرفعت وعمر يرد.
عمر: السلام عليكم، منو وياي؟
والد هاله: اني والد هاله يا عمر، شاخبارك يا ابني.
عمر: بخير الحمد الله، شبيك يا عمي صوتك غريب اكو شي.
والد هاله: جنت اريد اسالك على هاله ماشفتها لمن كنت بالكلية بعد الظهر.
عمر: اني فعلا هسه راجع من شوية، لمحت واحدة مرة جبيرة جانت تحجي وياها وبعدين ركبت السيارة ومشت.
والد هاله: اشوكت الكلام هذا صار بالضبط؟
عمر: تقريبا من ساعة او ساعة وربع هيج شي ، ليش اكو شي
والد هاله: هاله ما رجعت لحد هسه للبيت، وملك جت تسال عليها لأنها دورت عليها بالكلية ومالاكيتها
عمر: اشلون حجي هذا الساعة راح تصير 8 زين وين راحت، زين والمرة اللي اني شفتها تحجي وياها يمكن قريبتكم اوصفلك المرة يمكن تعرفها.
والد هاله: احنا مالنا كرايب ابغداد نهائي.
عمر: لعد منو هاي العجوزه اللي جانت تحاجيها؟
والد هاله: شكرا يا عمر، اني راح اروح ابلغ بمركز الشرطه والله يستر.
عمر: اني جاي وياك عمي انتظرني اني راح امر عليك، وهم لان اني اخر واحد شافها.
والد هاله: زين بسرعة يا عمر اني جاهز، انتظرك ولا اروح وانت تلحكني للمركز
عمر: لا يا عمي ثواني وراح اكون يم باب البيت.
