خلو أملكم في ربنا كبييير واكيد هنحبط الإحباط💪❤😊يلا ي شباب زمن الغسيل جا سلاااام ودعواتكم م تنسو❤وخلو بالكم من نفسكم😻❤قفلته الفيديو ورقدته علشان انوم بس م قدرته بقيت اتقلب يمين وشمال بعدها قولته ياخ انا مالي ربنا يشفيهو ،،،الصباح نزلته المطبخ لقيت امي شغاله تطبخ،قولته ليها غريبه اليوم بتطبخي من الصباح مالك؟قالت لي انتي م عارفه يعني؟قولته ليها شنووو؟قالت لي اخو ايات دة عياااان مرقد في مستشفى ال...واسي ابووك معاهم عندو يومين،قولته ليها اهااا اي شايفه صورو في الفيس سبحان الله هو مالو قال ؟قالت لي عندو فشل كلوي ،واحدة دي فشلت عديل وأثرت على التانيه لدرجه انو شبه التانيه فقدت وظايفها،،وكمان قالو عندو مشاكل في القلب غاايتو الله يكتب سلامتو،قولته ليها امين وبعدين هو مش كان برة السودان ولا شنو؟قالت لي شغلو كلو برة في سويسرا وكان بتعالج هناك لكن فتح ليهو شركه هنا في السودان مع تلاته من اصحابو مهندسين ونزل عشان يشتغلو هنا،،قولته ليها مخو مقفل بطريقه م طبيعيه يعني في زول بخلي علاج سويسرا بحااااالها وبنزل السودان هنا عشان يتعالج؟دة تخلف منو على فكرة يلا يستااااااهل 😪امي قالت لي خلي النضمي الكتير وهاك ابشري لي الجزر دة وبعدين انتي م ماشه معانا المستشفى؟😒💔قولته ليها بري م ماشه انتي عارفه انو انا جني وجن جو المستشفيات دة💔قالت لي مصيركك تشتغلي فيها😴قولته ليها للزمن داك الله كريم😕😎بعدها عدت كم يوووم وكل يوم ناس امي ماشين وجاين وكل مرة بقولو حالتو بقت اسوأ،وانا كنت متابعاهو في الأنستغرام والتويتر والفيس ،بس كان فضول مني ساااي ،والغريبه م كان بحسس الناس بي مرضو دة نهائي،م عرفتو متصنع المثاليه،ولا عايز يثبت شنو بالظبط ،بس كان محيرني شديد،،،في يوم بابا جا داخل البيت بعد.صلاة العشاء كدة،لقانا قاعدين كلنا مع بعض وبنتونس في سيرة قصي ،بابا قال لينا مجتمعين في الحرم انشاءالله،قولته ليهو ويااااك ي بابا تعال اقعد كدة اشرب ليك كبايه عصييير 😘قال لي تعبان والله طالع ارتاح شويه كدة وطالع المستشفى كمان،امي قالت ليهو اها الولد بقى كيف الليله م قدرته امشي عليهم،قال ليها والله دخلوهو عنايه مكثفه لأنو وضعو اتدهور شديد ،دة غير مشاكل القلب الفجأة ظهرت مرة تانيه،،امي قالت ليهو كررر علي ي حليلو مسكين انشاءاللع ربنا يقومو بالسلامه،قال ليها والله انشاءالله لكن في حالتو الأنا شايفها دي م اظن الا لو عندو باقي عمر،،،قولته ليهو هو زاتو مخلوق غبي خلاص ي بابا يعني زول بخلي مستشفيات سويسرا كلها وبجي بتعالج في السودان ؟دة غباء على فكرة بالمنطق كدة الناس بتسافر علشان تتعالج برة مش بتشيل مرضها وبتجي بي كرعيها لي بلد المرض زاتو😪💔قال لي الزول دة عاارف وضعو حيتدهور وجااي زول موت عدييل لأنو مستحيل يكون م عارف وضعو م بيستحمل ينزل السودان ولا لأ،💔قولته ليهو يلا المفروض يخلوهو يموت بالبطيئ ولا تتعبو نفسكم معاهو اصلا طالما جاي زول موت خلوهو يموت ويريح الناس بس،،امي قالت لي شهد في زول بموت قبل يومو؟فاتن قالت لي نفسي افهم انتي منفعله مالك احساس انو مرقدنو ليك في غرفتك وكدة😂💔قولته ليها فعلا فارسني لانو متخلف شديد بس الله يشفيهو غايتو،،،ابوي قال لي الناس ديل مرض القلب دة زي العندهم وراثه كدة لانو سمعته انو عندهم اخوهم الكبير السنه الفاتت مات بي زبحه غايتو دة الله يقومو بالسلامه بس،،،بعدها بي يومين جاتنا خالتي مها،خالتي دي متزوجه وعندها ولدين ماشاءالله عليهم وراجلها في السعوديه،زوله ظريفه شديد ❤قولته ليها اوووعى تقولي لي راجعين بكرة ولا بعد بكرة فهمتي؟قالت لي ههههه لالا م ماشين الا تطردونا 😂😛قولته ليها لا انشاءالله م حنطردكم 😂😅❤وانا فاتحه تلفوني وبقلب فيهو كدة فجاة اتصلت علي اريج قالت لي شهد صحي ود اهلك مات؟😲😳قولته ليها ود اهلي منو البقيتي تهلوسي بيهو دة ي بت يموت حيلكك😒قالت لي والله سمعوه اسي في واحدة منزله صورتو في بوست قالو مات اسي قولته اتأكد منك وااااي😭😭😭قولته ليها ي بت م مات انتي مجنونه ولا حاجه لو مات كان سمعنا دقيقه اسي بتصل على بابا وبديك خبر،،اتصلته على بابا م برد ،تاني اتصلته عليهو كمان م رد،رجعته ليها قولته ليها عايني بابا م برد لكن م اظن لأنو بقولو عمر الشقي بقي وشقي الحال اللئيم دة م بموت بالساهل😪قالت لي شهد عليك الله خليك جادة شويه طيب إتصلي على ماذن ،قولته ليها ي بت ماذن في ماليزيا لسه م نزل السودان من شهر العسل وم اظن في زول كلمو نهائي،وبعدين ياااخ لو مات انتي عندك اعتراض في حكم ربنا؟مات خلاص مات هو النبي تحت التراب هو يطلع شنوو يعني بطلي سخافه،قالت لي شهد يغسي عليك الولد شاااب وبعدين لو كنتي محلو تتوقعي منو حيقول كدة؟قولته ليها للأسف انا م محلو اوكي؟يلا بااي م تمعطيني😴😒👋بعد م قفلته منها سامعه صوت امي بتتكلم بالتلفون وبتقول:خلاص انا جايه اسي ووووب علي ربنا يتلطف فيهو ،ربنا يتلطف فيهو ،انا لله وانا اليه لراجعون،،،طبعا اتخلعتهه طلعته من الغرفه من غير م أحس قولته ليها ماما في شنو المات منوو؟قالت لي قصي دة قالو تعبان خلااااص لأنو كلاهو الإتنين فشلت تماما واسي هو في الدقايق الأخيرة انا ماشه،طبعا فجأة حيلي برد خلاص قولته ليها انتظري انا جايه معاك،قالت لي م بنتظرك انا،قولته ليها توب بس ي ماما انتظري،،،شلته توبي حتى م لبستو،وصلنا المستشفى امي خلتني في العربيه ونزلت مستعجله دخلت المستشفى،انا نزلته وراها وشايله توبي في يدي الساعه وقتها كانت تقريبا ماشه لل12مساء،لما حصلته البوابه لبسته التوب ودخلته وجاريه ورا امي،،وصلنا لقينا الناس دي حالتهم حاله وكل واحد واقع في التاني،دة غيير المستشفى المقلوبه بيت بكى ،في واحدة كانت بتصرخ بي اعلى صوتها وبتقول:احييييي ولدي القطعته قلبي، احيييي ي الحنين الهدي وررضي 😭😭😭😭😭😭فايت وين مفارق امك ،مخليني لمنو انا تاني اقول الحنين لمنو😭😭😭😭😭😭😭💔امي دخلت ليها في الغرفه قالت ليها امنه استغفري استغفري ،قالت ليها استغفر الله ي سوسن لكن ولدي داير يفارقني ي سوسن انا اقول ي منو تاني😭😭😭😭والمرة فجأة اغمى عليها،امي قالت ليها وين الممرضات ديل خلو يجو يدوها مهدئ ولا اي شي،طبعا انا بقيت واقفه وبعاين في حاله الناس دي خلاااص حتى الصبر العندهم انتهى،لقيت واحدة بس فيهم عاقله واقفه وماسكه تلفونها ومدياني ضهرها ،قولته ليها لو سمحتي هو مات متين؟اتلفتت علي وفتحته ليها خشمي😨😱وهي بقت تعاين لي بي غضب كدة😡قالت لي انتي الجابك هنا شنوو؟؟فجأة امي نادتني مشيت عليها وم رديت على سؤالها،ماما قالت لي ناس المستشفى ديل عواليق خلاص ياخي مستشفى كبير زي دة وم فيهو اهتمام؟هاك ي شهد ركبي الدرب دة ،قولته ليها وين الممرضات؟قالت لي والله عندي ربع ساعه بنادي فيهم م اشتغلو بي شغله،قولته ليها طيب جيبي الدرب ،شلتو منها ركبتو لي ام قصي،طلعته من الغرفه،وطلعته قعدته في المقاعد برة جات واحدة قعدت جنبي وبتبكي،قولته ليها خير مالك؟قالت لي عندي اختي مرقدة هنا في المستشفى وتعبانهه والله،قولته ليها اهااا ربنا يكتب سلامتها مالها ؟قالت لي قبل فترة ولدت ولادة قيصريه هنا في المستشفى دي ،وبعد فترة المرض فجاة بقت تتعب وبطنها دي تلويها وم بتقدر تقعد بيها خمسه دقايق والليل م بتنوم،قاعدة سته شهور على الحاله دي،جينا راجعنا الدكتور قال كويسه بس دي مضاعفاات م اكتر ،ومكان العمليه بقى يعمل مادة عدييل كدة،عملنا صورة اشعهه واتضح انو في حاجه في بطنها ،اها بعد م راجعنا مدير المستشفى وعملو ليها فحوصات طلعو ناسين ليها شاش في بطنها اتخيلي؟قولته ليها انتي جااااااااااااااادة وااااي لكن😱قالت لي الحمدلله بس والله اختي ظي لحق الموت وجات راجعه،قولته ليها اها وانتو سكتو؟م اشتكيتو الدكتور العمل العمليه ابدا ؟قالت لي مدير المستشفى قال لينا عشان سمعة المستشفى م تتكلمو والمستشفى حتتكفل بي تكاليف علاجها كلها وحيدوها تعويض،قولته ليها حتى ولو دة موضوع م بتسكت عليهو ،انتي عارفه انو الخطأ دة ممكن يتكرر من الدكتور مرة واتنين وتلاته؟وحيضيع ناس كتار ،المفروض يتعرض للمسائله القانونيه بجد،قالت لي ي بتي نحن الجرجرة دي زاتها م قدرها ،اااهم شي اختي ترجع ليها عافيتها وتاني م عندنا شغله،طبعا وترتني ونرفزتني بس م قدرته اقول ليها حاجه. ابدا،،،شويه كدة بابا جا نازل ،واحد جا مسكو قال ليهو اها ي عمي عبدالله الحاصل شنو قصي كيف اسي؟بابا قال ليهو والله ي جماعه الدكاترة ديل عملو البقدرو عليهو تاني بس على الله،ومسك ابو قصي وقال ليهو ي يوسف شد حيلك بس❤أمجد قال ليهو كيف يعني ي عمي عبدالله كلامك دة م بطمن ،طبعا أمجد دة اخو قصي ،إتلفت على الحيطه وبقى يبكي ،والناس دي فجأة إتوترت وبقت تبكي ،،،فجأة سمعنا صوت واحدة بتصرخ بأعلى صوتها ،الناس كلهم مع الصراخ دة طلعو فوووق،اتسابقو جزؤ في الأصانصير وجزؤ بالسلالم💔انا زاتي لقيت نفسي تلقائيا جاريه معاهم،لما وصلنا لقيناها مرة ولدها عمرو 11سنه قالو مات جوة غرفه الغسيل،المرة بتصرخ وبتقول ليهم:ولدي جبتو ليكم كوويس وماشي بي رجليهو وبتكلم وبتونس وبضحك،عملتو في ولدي شنووو؟كتلتو لي ولدي بي كترة المسكنات الأديتوها ليهو الله يعزبكم عزبتوني وحرقتو قلبي على ولدي الوحييييد م عندي غيرو😭😭😭😭😭😭طبعا انا لقيت نفسي ببكي معاها من غير م احس والله بكيت بكا كأنو بقربني وكأني بعرف الشافع دة😭😭😭😭💔فجأة اسمع ليك واحد بقول ليها :ي زوله هي ولدك جبتي لينا منتهي نحن عملنا العلينا بلاش حركات معاك،قالت ليهو ولدي جبتو ماااشي بي كرعيهو بس كان عندو ألم في جنبتو اليمين،شويه شويه عملتوها لي فشل كلوي واديتوهو ادويه لمن فشلتو ليهو كلاهو الله يحرق قلوبكم😭😭😭واحد دكتور كبير قال ليهم سوقو لينا المرة دي من هنا غير انها بتكذب كمان عامله لينا ازعاج عام للمرضى سوقوها من هنا قولته ليكم ،،،يعني اسلوبهم كان زفت شديد،حتى معاملتهم ليها م معامله واحدة فقدت طفلها في اللحظه دي ومن حقها تقول العايزاهو،انا م عجبني الإسلوب بس م حبيت أتدخل نهائي م عارفه المنعني شنو،اتحركته وقفته في السلم،فجأة الدكتور جا نازل ومعاهو دكتورة ولا ممرضه م عارفه كان بتكلم معاها وبقول ليها:اعملو حسابكم ماف زول من اهل الشافع دة يعرف انو مات قبل م يدخلوهو غرفه الغسيل تمام؟قالت ليهو لالا انشاءالله ماف زول بعرف،،،هنا انا اتخلعته من السمعتو وجسمي كلو بقى يرجف،معقوله في دكاترة كدة وفي مستشفيات بالوساخه دي؟ي ربي هم بسموهم ملايكه الرحمه على أي اساس؟؟على طول نزلته،لقيت المرة الولدها مات نزلوها بالأصانصير وكانت لسسسه بتبكي وبتصرخ بأعلى صوتعا،الدكتور قال للممرضات بي صوت عالي ونهرة كدة م تسكتو الزفته دي وطيروها برة نحن عندنا مرضى م ممكن😡الناس كلها بقت مخلوعه وبتعاين ليهو،طبعا هنا انا انفعلته م قدرته استحمل قولته ليهو دقيقه دقيقه انت منو؟اتلفت علي بي غضب قال لي انتي معي انا؟قولته ليهو في زول هنا اسلوبو زفت غيرك؟قال لي انتي انا المدير الطبي بتاع المستشفى انتي المنو؟قولته ليهو اذا انت المدير الطبي شي طبيعي انو المرضى يموتو ،انت م بتعالج فيهم انت بتموتهم بالبطيئ وبتاخد قروشهم،،،قال لي ي زوله هي احترمي نفسكك م داير قله ادب بتاعت بنات صغار انا بلديكي فاهمه؟قولته ليهو انا كمان ابوي مدير طبي في مستشفى بس للأسف انا لو ابوي زيك كدة بحرقو بي بنزين تمام؟اول شي مستشفتك عموما زي الزفت ماف اهتمام بالمرضى ،دة غيييير اسلووب دكاترتك وموظفينك الزي الزفت ،بس الإسلوب الزفت بادي منك ومنتهي بيهم وجاي تقول لي مدير طبي،ياخي انت اول شي محتاج دروس في الأخلاق بقيت دكتور كيف انت؟فجاة سمعته بابا قال في شنو هنا ي جماعه؟اتلفته عليهو وسكته،الدكتور قال ليهو دي واحدة م مربيه اهلها فاكنها هنا في المستشفى ي مستر عبدالله ،،،بابا قال ليهو إذا اهلها فاكنها في المستشفى ي دكتور عاطف معناها كلامك دة موجه لي انا شخصيا لأنو انا ابوها،،،طبعا الدكتور سكتتت وبلع لسانو م قدر يقول كلمه،قال ليهو الحاصل شنو مالها البت دي؟قولته ليهو اسلوبو زفت مع المرضى م ممكن واحدة تكون فاقدة شلفعها في اللحظه دي ويقول ليهم طيرو الزفته دي من هنا بأي حق بتتكلم مع الناس بالإسلوب دة انت ؟بابا قال لي شهد اسكتي انتي وي دكتور عاطف كدة تعال معاي ساقو ومشى،وانا اتفششتهه فيهو وي دوب حسيت بي طعم الراحه لأنو كنت مغيوظه منو ،،شويه كدة تاني سمعنا قالو قصي تعب في غرفه العنايه المكثفه ،الناس كلها طلعت ليهو،بس م خلوهم يدخلو طابق العنايه المكثفه لأنو م بدخلو ليهو الا الدكاترة والممرضين،بتاع الأمن شغال يلز في الناس ويقول ليهم يلا اتحركو من هنا يلا سريع،قام لزاني قولته ليهو لو سمحته زح يديك مني وم تلمسني،قال لي دايرة تعملي شنو يعني؟قولته ليهو شوف احترم نفسك وياك تلزني او تهبشني فاهم والله اكسرها ليك،فجأة امي قالت لي الناس في شنو وانتي في شنو؟😡في واحدة قالا ليهو عليك الله خليني ادخل اشوف اخووي حلفتك بالله،قال ليها ي زوله قولنا ماف دخلول للطابق دة يعني ماف دخول يلا اتحركو من هنا،قولته ليهو طيب رايك شنو انا حادخل ؟وقف وربع لي يدينو قال لي وريني حتدخلي كيف ،والله الباب دة انتي بالذات الليله م حتعتبيهو😡قولته ليهو كويس نشوف😊طلعته تلفوني اتصلته على بابا،في البدايه فصل مني المكالمه،تاني اتصلته عليهو رد قال لي ياخي مالك؟قولته ليهو انا جنب باب طابق العنايه هنا تعال ،قال لي في شنو؟قولته ليهو بابا ياخ تعال بس😭قفل في وشي الخط،،طبعا الناس كلها نزلت فضلته انا بس واقفه ومربعه يدي لبتاع الأمن،،فجاة ابوي جا طالع لقاني واقفه،بتاع الامن قال ليهو سلام عليكم ي دكتور😻❤بابا قال لي في شنو ي شهد مالك ياخ؟قولته ليهو انا عايزة ادخل ودة م خلاني ادخل😭قال لي معاهو حق لأنو م قاعدين يدخلو زول في الطاقم دة غير المرضى ،قولته ليهو لكن انا عايزة ادخل اشوفو بس خمسه دقايق😭قال لي ي بت انتي م بتفهمي امشي اقعدي مع امك يلا،قولته ليهو م ماشه😭😔بابا قال لبتاع الأمن عليك الله دخلها لي دي شنو وجع الراس دي ياخ،بتاع الأمن قال ليهو ي دكتور لكن انت عارف تعليمات الإدارة كيف،قال ليهو اااي عارف معليش انا بتكلم مع دكتور عاطف دخلها،قال ليهو خلاص كويس،طبعا ابتسمته ورفتهه ليهو حاجبي نظام بغيظ فيهو وكدة😛💪دخلته باب قال لي اقيفي هنا م تمشي مكان،قولته ليهو اقيف وين انا دايرة اشوفو😥قال لي خلاص ي شهد خليك واقفه هنا سامعه😡ومشى خلاني بقيت واقفه واتلفت يمين وشمال،فجأة جات واحدة دخلت غرفه كدة،وشويه كدة جات طالعه ولابسه كمامه وبتاعات ولابكوت وجوينتات،بعد م خليتها مشت طوالي دخلته ،كانت غرفه تبديل ملابس،طوالي شلته لي لابكوت وكمامه وقفازات ،وجيت طالعه ،وصلته غرفه العنايه لغيت الدكاترة كلهم واقفين ،الغرفه كانت كلها دكاترة ،،وبابا بقول ليهو جيبو جرعه ادرينالين سرعه ضربات قلبو زايدة شديد،دخلته طبعا انا وقفته في محلي وبقيت م قادرة اتحرك من محلي،،،بس بعاين للزول القدامي دة،ابدا م كان هو ،شكلو متغير 360 درجه،وشو شاحب،وكأنو زول ميت موت سريري ومنتظرين قلبو يقيف،حالتو كانت حاله زول بعد ثانيه واحدة بس حيغطوهو بقطعه قماش ابيض وحيقولو لي اهلو البركه فيكم💔بقيت اعاين ليهو واعاين لجهاز القلب ،الخطوط كانت ماشهه سريييع ،وقصي دة بنفسو فيهو بالقوة،طبعا انا دخلته في حاله تانيه،اي نعم انا في المشرحه شفته جثث بس ابدا م حصل شفته منظر بني أدم عايش بالإسلوب دة،طلعته من الغرفع وتلقائيا لقيت نفسي ببكي،،،فضلته واقفه برة نص ساعه كامله،طلعو ممرضات اتنين برة الغرفه وبقو يبكو ،انا قولته خلاص معناها مات شويه كدة الدكاترة جو طالعين،قولته خلاص حيقولو مات بابا قال ليهم خليكم مراقبين اذا حصل اي تطور ،قولته ليهو مات؟كلهم قعدو يعاينو لي،بابا قال لي لالا تعب شويه لكن وضعو استقر اسي،بعد م طلعنا راجعين على البيت قلبي كان واجعني من حالتو الشوفتها عليهو دي ،قولته ليهو بابا المستشفى دي م تمام،قال لي كيف يعني؟حكيت ليهو بالحصل وبالسمعتو من الدكتور،،قال لي دي مشكله والله دقيقه انا بتكلم مع يوسف اسي لو وافق طوالي ننقلو مستشفتنا ،،،وبالفعل دة العملو بابا اتصل على ابو قصى ووافق وعلى طول نقلوهو مستشفى ناس بابا،بعد م نقلوهو بي يوومين صحيت الصباح بدري مع زمن بابا البطلع فيهو الشغل،لبسته وطلعته ،لما قام طالع قولته ليهو بابا استنى،قال لي ماشه وين انتي؟قولته ليهو ماشه معاك المستشفى😅قال لي ماشه معي المستشفى لشنو ي بت؟قولته ليهو بابا انا لسه اجازتي فضل فيها شهرين على بال م تخلص سوقني معاك المستشفى😥قال لي اسوقك لشنو انتي م نصيحه ي بت هووووي؟قولته ليهو دايرة اشتغل اي شغل بس م دايرة اقعد في البيت ورزان سافرت الشارقه😭قال لي تمشي تقعدي ساي يعني سمح ارح...قولته ليهو ارح😻طبعا شايله لابكوتي في يدي واااهم شي نظارتي م بنساها😂💔وصلنا المستشفى وماشه وراهو زي الهبله لغايه م وصلنا الطابق الخامس،دخلنا غرفه كدة وقال ليهم صباح الخير،الغرفه كانت غرفه قصي فيها دكتورات اتنين وتالتهم دكتور،قالو ليهو اهلين ي مستر صباح النور،قال ليهم اها الزول دة الليله اصبح كيف في كدة ولا كدة؟قالو ليهو لا تمام الحمدلله ماف تطور لكن،،،قال ليهم لالا حالتو كدة مستقرة افضل لينا من تدهور،وبقى يفحص فيهو،،،وانا واقفه وبعاين ليهو يعني انا بجد كنت مستغربه من الحاله الهو فيها،،،الوضع دة اسسستمر اسبووع ماف اي تطور في حاالتو وكان م بفتح نهائي بس عايش على الأجهزة والدربات،في يوم رجعته البيت بدري ورقدته نمتتته ،بابا كان مداوم في المستشفى عشان عندو عمليات،صحيت الساعه 8 جهزته نفسي وطلعته مشيت المستشفى،اووول م فتحته باب الغرفه قولته ليهم صباح الخيير ي شبااااا...لقيت الغرفه فااضيه ،قولته خلاص مات وبقيت اقول معقوله يكون مات؟ليه بابا م كلمني ولا اتصل علي حتى وقعدته ابكي،في محلي داك وقعته في الكرسي وبقيت ابكي لمن اتنهد،شويه كدة اسمع ليك حركة ناس وزول بقول براحه براحه عليهو،رفعته راسي لقيتهم سايقين قصي في كرسي ومدخلنو الغرفع،طبعا م صدقته فضلته قاعدة وبعاين ليهم لا قادرة اقوم ولا قادرة اقعد كويس،دكتورة هناء قالت لي صباح الخير ي شهد انتي جيتي متين؟م كنت قادرة اتكلم ولا حتى اتحرك بس بعاين لي قصي،،،رفعوهو رقدوهو في السرير ،دكتور راشد قال لي ي اختنا مالك الليله شكلك منفسنه من الصباح البكاك منوو😁💔مسحته دموعي قولته ليهو الحصل شنوو؟قال لي امس حالتو اتحسنت وصحى واسي سوقناهو عملنا ليهو فحوصات في المعمل مالك انتي؟بابا جا داخل قال ليهم صباح الخير ي شباب،قالو ليهو صباح النور،قال ليهو قصي اها الليله كيف؟ملامح وش قصي كانت بتقول انو متضايق وقرفااان من اي شي،قال ليهو بصوت مبحوح الحمدلله،بابا قال ليهو عارفك زهجته من الوضع دة لكن انشاءالله تتحسن وتطلع من جو المستشفى دة،قال ليهو انشاءالله تسلم ي عم عبدالله،صوتو كان متهي رسمي،بابا قال للدكاترة ي شباب امس ساهرتو واكيد عايزين ليكم راحه امشو اخدو ليكم نومه وارتاحو وارجعو الدوام المساء تمام؟قالو ليهو تمام قامو طالعين وانا طالعه وراهم بابا قال لي استني انتي ماشه وين؟قولته ليهو ماشه معاهم 😥قال لي اها وتخلو لي المريض براهو يعني م بتجي انا قصدي هم يمشو وانتي تناوبي بدلهم لمن يجو،قولته ليهو كيف يعني؟😳قال لي مش دايرة تشتغلي؟يلا دة شغل خليك هنا في الغرفه دي وراقبيهو لي ولو حصلت اي حاجه اتصلي علي تمام؟يلا ي إبني انا زاتي ماشي اخد لي راحه شويه كدة،،،قصي قال ليهو تمام ،،،بابا طلع وقفل وراهو الباب وانا بقيت ماسكه يد نظارتي ومدخلاها في خشمي وباكل فيها ،،،قصي عاين لي كدااا قال لي النظارة دي حتتكسر على فكرة لو جعانه المستشفى فيها مطعم تحت😊
يتبع......
