،،بابا طلع وقفل وراهو الباب وانا بقيت ماسكه يد نظارتي ومدخلاها في خشمي وباكل فيها ،،،قصي عاين لي كدااا قال لي النظارة دي حتتكسر على فكرة لو جعانه المستشفى فيها مطعم تحت😊طلعته نظارتي وقولته ليهو وانت مركز مالك حرة اكلها ولا ابلعها ،وبعدين انت مش عيان يلا نوم نومكك،،قال لي فكرك انو وجودك في الغرفه بخلي الواحد ينوم؟قولته ليهو ليه ماسكاك من عيونك انا؟😒قال لي قاطعه الأوكسجين من الغرفه😊اخخخ انا بس م حبيت ارد ليهو لأنو عندو رد لأي حاجه الحيوان دة اتلفته منو وسكته😡اصلا دي عمايل ابوووي ختاني في موقف زفت خلاص،بقيت اهز في رجولي وشغاله في تلفوني،فضلنا 6ساعات متواصله على الحاله دي هو ساكت وانا ساكته،الدكتور المتابع بجي بديهو طله وبطلع،،،اخر مرة الدكتور دخل ليهو قال لي بعد م الدرب دة يخلص فكيهو ليهو تمام؟قولته ليهو طيب،،،وانا انشغلته بالتلفون ونسيت موضوعو،وهو شبه نايم فجأة اسمعو بقول اخخخخ،،،اتلفته عليهو لقيت الدرب مليان دم وم مشى قمته جريت عليهو قولته ليهو دة شنووو😱😨قال لي انتي بتسأليني انا؟قولته ليهو طيب دقيقه شكلو الوريد انفجرر،،قعلته منو الدرب ،قولته ليهو كدة احسن؟قال لي ااايوة بس مصصصدع شديد،قولته ليهو طيب دقيقه أكلم الدكتور،،،طلعته مشيت غرفه الدكتور وحكيت ليهو الحصل ،،جا جاري شاف الدرب ملان في محلو ومعظمو دم،قال لي بي نهرة دة شنو دة بالك وين انتي ؟😡قولته ليهو انا م انتبهته ليهو بس😥💔قال لي م انتبهتي كيف يعني معقوله ياااخ الدرب دة عندو تقريبا ساعه وانتي م انتبهتي ليهو؟؟سكته وبقيت اعاين ليهو ،الدكتور قال ليهو عندك شي واجعك؟قال ليهو بس راسي واجعني شديييد،وبالفعل كان مصدع شديد لمن عروق راسو ظهرت،الدكتور شال ورقه كتب لي فيها دواء قال لي امشي الصيدليه سرعه جيبيهم ،،،مشيت جبتهم وجيت بعد م اداهم ليهو شويه كدة رجع نام،،،بعدها دوامي خلص رجعته بيتنا ،كنت متضايقه من نفسي عارفه ليه،صباح اليوم التاني صحيت على صوووت فاتن بتقول لي انتي نايمه؟نايمة ليها شنو؟وجرت مني الغطى💔نطيت وقعدته ليها في نص السرير قولته ليها مالك ياخ😡قالت لي انتي م عارفه؟قولته ليها م عارفه وم دايرة اعرف ورجعته اتغطيت،قالت قصي امس بالليل تاني تعب واسي نحن ي دووووب جينا من المستشفى،قولته ليها شنووو ؟كيف يعني مالو الحاصل عليهو شنوو؟😳قالت لي والله م عارفه لانو م خلونا ندخل لكن الولد دة زاتو مرضو م اتعرف شنووو،،،نزلته من السرير قولته ليها انا ماشه المستشفى،قالت لي وانا ماشه انوم لانو مرهقه بجد😴جهزته سريع وطلعته المستشفى ،اول م دخلته غرفتو لمن جاتني لفه راس من شوفتو،يااااخي اتنفخ بصورة م عاديه ولونو بقى اصفرر عديل،قولته ليها دكتورة هناء في شنو مالو تاني؟قالت لي والله ي شهد م عارفين زاتو مالو ،مرة وضعو يستقر ومرة يتدهور،اسي امس الأخصائين ديل كلهم مساهرين في راسو ،،،قولته ليها سبحان الله والله ي ربي يكون مالو المشكله وين؟قالت لي والله ي شهد علمي علمك بس حالتو م بتطمن نهاائي،،كلامها كان كلام زول يائس من حاله مريضو،،،قعدته وفضلته اعاين ليهو واقول في نفسي :انت ليه غبي كدة عارف روحك حتموت تجي تموت في السودان مقابر اروبا دي مالها عيبها شنو م بتشيلكك😕😒شويه كدة قولته لنفسي ي شهد استغفري دة كلام شنوو دة،،،ياخي الولد بقى عايش على الأجهزة ،لأنو معظم جسمو موصل بالأجهزة،،مشيت المكتب لي ابوي ،قعدته اتكلم معاهو قولته ليهو بابا م ممكن الحاله الفيها ود الناس دة،يعني انت ملاحظ انو م بيموت هو بس حتى اهلو شايفهم محبطين،انا بجد حالة امو واخوانو كانت يرسى عليها ،كأنو منتظرين في دقايق يقولو ليهم زولكم دة مات،بابا قال لي اوول شي الشي الاكتشفتو انو الزول دة العلاجات م بتتجاوب معاهو لأنو اصلا حالتو النفسيه سالبه جدا،وطوول م هو بالحاله دي العلاج م حيتجاوب معاهو ابدا،حيكون عايش كدة زول عايش وبتنفس بس كل فترة وفترة حالتو حتدهور،قولته ليهو غريبه بس حسب م بعرف هو عكس كدة؟طلعته مشيت ليهو في الغرفه لقيتو صاحي،قولته ليهو صباح الخير✋قال لي صباح النور❤قولته ليها اها اليوم بقيت كيف انشاءالله في تحسن؟قال لي الحمدلله 😊قمته عاينته ليهو وابتسمته،انتبه لي قال لي دي نفسنه منك ولا حاجه؟هزيت ليهو راسي بمعنى (لا)قال لي اها مالك؟قولته ليهو بقيت كلبووظي 😂😁قال لي والمعنى؟قولته ليهو يعني بقيت سمييين وشكلك إتغير😷😂قال لي بجد؟حتى انا حاسي بي نفسي بقيت تقيل 😊سكت على كدة،قولته لنفسي دة مالو ثقيل كدة الواحد م يتكلم معاهو نهائي😕😒قولته ليهو اممم ممكن سؤال؟قال لي ممكن جواب؟قولته ليهو ننننننن دة استظراف يعني😒قال لي يمكن 😊قولته ليهو لا بجد عايزة اسألك سؤال،،قال لي في الحالتين حتسألي قولي مالك؟قولته ليهو انت نازل من سويسرا للسودان هنا علشان تتعالج ولا علشان تموت؟قال لي وانتي بقيتي دكتورة عشان تسألي اسإله زي دي؟؟قولته ليهو دة اعتبرو جواب يعني؟قال لي لأ؟قولته ليهو طيب انت بينك وبين الموت خطوات وعارف انو جسمك م بستجيب للعلاج وبعد دة كلوو متفائل؟قال لي الموت علينا حق خليهو يجي وقت م يجي بس،😊من كلامو دة إتأكدته انو انا بتكلم مع زول يائس،قولته ليهو على فكرة انت زول ثقييل شديد عارف حاجه زي دي؟قال لي إكتشفتي الذرة يعني؟عايزة ارد ليهو جاتتي مكالمه،كانت من اريج،اول م فتحته قالت لي ي زفته انتي وين؟قولته ليها في المستشفى ليه مالك؟قالت لي عارفاك في المستشفى قصدي في الطابق الكم لأنو نحن برة في المستشفى،قولته ليها شنوو؟الجابكم المستشفى شنوو انتو مجانين؟قالت لي مع السلامه وقفلت الخط في وشي،قولته دي مالها المتخلفه دي؟قصي قال لي انتي دايما منفعله كدة؟الاستكانه مهمه على فكرة😊قولته ليهو شكرا نصايحك وفرها لنفسك،قال لي انتي سنجل ولا حاجه؟قولته ليهو نعم؟😕😒قال لي لانو السنقل دايما بتكون عبارة عن واحدة منفسنه وبتنكد على غيرها دي حالتك صح؟قولته ليهو واااو ي عظيييم انت دقيقه اديك جائزة نوبل على الإكتشاف العظيم دة ننننننن😒😒😒 ضحكك ضحكه استهتار كدة،عاينته ليهو بغيييظ وسكته،فجأة الباب فتح واسمع ليك صووت اريج بتقول لي زفتووووونه😻رفعته راسي عاينته ليها وقولته ليها انتييييي😨😱قالت لي م انا بس نحن ،اسيل وروبي جو داخلين ووراهم ابووي،قولته ليهم انتو الجابكم هنا شنوو؟😨اريج قالت ليهو شايف ي عمو عبدالله بتك دي معاملتها لينا كيف؟😒بس إكسيكيوزمي ي شهد نحن م جاين ليك ابدا نحن جاين نسلم على قصي اوكي😌؟اسيل قالت ليها بالظبط كدة ي قصي كيفكك معليش جينا داخلين شمال بس الحيوانه دي بتخلينا نطلع من طورنا إحم إحم المهم اخيييرا قدرنا شوفناك عندنا فترة بنقول ليها خلينا نزورك بس م بترضى، قصي قال ليهم هههه حباب طلتكم والله،بابا قال ليهم شباب انا اسي دخلتكم بالرغم من انو م صح تدخلو عشان كدة من غير إزعاج تمام؟قالو ليهو تمام تسلم ي عمو 😻بعد م طلع روبي قالت لي قصي هااااي انا ربا بس السجم ديل بدلعوني روبي 😻😅قال ليها اهليين ي سلام احلى اسم والله😻قالت ليهو هههه اي طبعا طبعا على فكرة انا مرسله ليك ادد فترة م قبلتو وجايه هنا اشاكلك 😁😂قال ليها طيب لو كل يووم حتجي تشاكليني معناها م حأقبلو وحأخليك تجي تشاكليني 😂✋اسيل قالت ليهم ي جماعه خلونا نختصر الموضوع ونعمل لينا قروب واتساب وم تنسى ضيف معاك جكس ي قصي 😻هيييي قصدي اصحابك لو عايز😻😂😁😷قعد يضحكك قال ليها جدا تأمري أمر انتي❤اريج قالت ليهن هيييي روقن كدة دقيقه ،سلااااام قصي خبراتك م حأقول ليك مشتاقين لأنو انت اساسا م بتعرفني ولا حأقول ليك الجديد شنو لأنو م بعرف القديم المهم عوافي ياااخ ومبسووطه بي شوفتك😻قال ليها تسلمي ي ست البنات طلتك دي احلى طلهه ❤قولته ليهم هييي انتو بطلو همجيه فاكرين نفسكم في غابه ؟اريج قالت لي اها ي دكتورة شهد مالك😕😒اسيل قالت لي نحن م جاينك على فكرة ماشي؟قولته ليهم طالما م جايني معناها اتخارجو اطلعو برة لأنكم عملتو لينا ازعاج،قصي قال لي دقيقه دقيقه عملو ليكم ازعاج انتي ومنو ؟؟قولته ليهو حيكون انا ومنو يعني؟قال لي مريضه انتي ولا انا؟حمرته ليهو،قال ليهم م تركزو معاها صحبتكم دي منفسنهه سااي😂😁اريج ضحكت قالت ليهو بالظاااابط اكبر منفسنه يلا انت كدة بقيت زوولي شديد😻😂😂😂😂😂💔💪قولته ليها كويس بعد تطلعو من هنا حسابي معاكم بعدين،روبي قالت لي بعد م نطلع حنبلكك ي بيبي معليش 😂😂😂😷قصي قال ليهم أفضل حل اساسا انتو مستحملنها كيف😷اريج قالت ليهو دقيقه ابلكها قبل م نطلع 😂😂😂😂😂😂✋طبعا بقيت واقفه وبعاين ليهم وهم بتفاصحو وميتين من الضحك😒💔اسي ديل صحبات بالله 😕لما قامو طالعين قالو ليهو شهد دي منفسنه سااي يعني لو قعدت معاك 40ساعه حتخليك تبقى زيها حاول م تركز معاها😛😂قولته ليهم انتووووو 😨يلا برة من هنا ي سجم منك ليها😡😕😒بعد م طلعو قصي قعد يضحكك،،،قولته ليهو خير مالك؟قال لي مستغرب هم متحملنك كيف بنات زي قطع المارشيميلو الا انتي شوكه في نصهم؟؟؟قولته ليهو نعم 😒✋سكت م ردة لي بس اكتفي بالضحكك،غيااظ خلاص😡بسس من ناحيه كنت مرتاحه لأنو اول مرة اشوفو بضحك كدة يعني جيتهم فيها فايدة نوعا ما..💔المساء بابا قاال لي ارجعي البيت بعد كدة،قولته ليهو لالا م عايزة ارجع...قال لي ارجعي البيت ي بت قولته ليك،قولته ليهو بابا حأرجع معاك بكرة الصباح بس اصلا الساعه اسي 9 وانا م بحب اركب مواصلات بالليل دة،قال لي طيب تمام بعدين لو عايزة تنومي تعالي مكتبي انا اسي عندي عمليه ،قولته ليهو طيب دخلني معاك😻قال لي مجنونه انتي ولا شنو ؟😒قولته ليهو خلاص خلاص ربنا يوفقك💔😁بعدها رجعته غرفه قصي لقيتو بحاول يصلح المخدة،قولته ليهو انت مش قالو ليك م تتحرك؟قال لي وانا اي حاجه قالو لي م تعملها م اعملها يعني؟قولته ليهو طيب دقيقه ارفع راسكعلشان اصلحها ليكك،صلحته ليهو المخدة وبقيت اعاين ليهو قولته ليهو كدة كيف؟عاين لي وسكت،في اللحظه دي اتصلت علي فاتن قالت لي سمعتي بالحصل😳قولته ليها شنووو؟قالت لي علي خطب بت عمو زهرة وعرسو الجمعه الجايه،،طبعا نزلته التلفون وسكتته مسااافهه حسيت كأنو زول اداني ضربه في راسي،قولته ليها احم واااو مبروووك عليهو يتهنو ببعض ي رب،وقفلته الخط،طبعا ملامح وشي اتغيرت فكرته لقيت قصي بعاين لي،قال لي خيير المات ليكم منوو؟قولته ليهو ماف زول مات،قال لي ملامح وشك م بتقول كدة ،،،فجأة دموعي جات جاريه مع اني م متعودة ابكي قدام زول ابدا،يمكن دي كانت لحظه ضعف مني،،،قال لي لا بجد في شنو ؟قولته ليهو قولته ليك ماف شي مسحته دموعي وطلعته برة الغرفه وبقيت ابكي،فضلته برة الغرفه تقريبا نص ساعه بعدها غسلته وشي وجيت راجعه،اول م دخلته بقى يعاين لي وضحك،م سألتو سكته سااي،قال لي وشكك لما تبكي م بتقابل😁😂💔قولته ليهو شكرا،قال لي على فكرة م سألتك فضوول مني بس كل زول فينا في لحظات ضعف كدة بكون محتاج لزول يفضفض ليهو عشان يرتاح😊قولته ليهو وانت شايف انو انت الزول دة😒😕قال لي نوعا ما😁قولته ليهو وانا لما سألتك م جاوبته على سؤالي احكي ليك ليه؟قال لي طيب حرة ،😊قولته ليهو فعلا حرة😒انتو الأولاد عموما كدة الواحد يتثاقل ويعمل فيها الود الواو نظام برستيجو وكدة وبعدين تتعولقو في البنات وتكرهوهم حياتهم وأم اليوم الولدوهم فيهو😡قال لي دي ردة فعل واحدة مشوكشنها😂😁😷قولته ليهو نننننن بالله😒قال لي عرسو متين انشاءالله؟قولته ليهو منو هو؟قال لي الشوكشك دة😁قولته ليهو م عارفه وربعته ليهو يدي،قال لي وم عندك فضول تعرفي؟قولته ليهو لا وانا مالي يعرس واحدة ولا يجيبهم دسته هو حر😒✋قال لي ااايوة كدة ولا في بالك حتى صح؟قولته ليهو ابدا،قال لي اسمو منو طيب،من غير م احس قولته ليهو علي المتخلف،😕هيييي قصدي م عارفه 😒😨ضحك قال لي وهزة راسو،قولته ليهو مالك😒😅قال لي سبتو بعض ليه؟سكته،قال لي لو حابه تحكي وتتنفسي عااادي وبكرة حنصبح ولا كأنو حكيتي لي حاجه،قولته ليهو المشكله كانت شخصيه والموضوع كان حساس شديد بسس هو م كان قدرها عشان يتحملها فاا إنتهينا،قال لي مظهريا كدة انتو انتهيتو بس انتي لسه عندك مشاعر تجاهو صح؟قولته ليهو اها ي دكتور الحب استنتج استنتج😒بس ابشركك ابدا م عندي مشاعر تجاهو بالعكس انا حاليا بحتقرو شديد،قال لي طيب دموعك لسه جاريه ليه؟قولته ليهو علشان كل م اتزكرو اتفف في وشي واتزكر البكيه دي،،،قال لي معلومه انا اديك ليها لو م واجهتيهو وقولتي ليهو كل الكلام الفي قلبك تجاهو م حتقدري تتجاوزيهو،قولته ليهو انا ماف شي في قلبي تجاهو هو م بهمني ابدا،،قال لي طيب بس راجعي نفسك واعرفي انتي عايزة شنوو😊اليوم التاني بعد م رجعته البيت لقيت امي دي زعلانه زعل،قالت لي اتخيلي عرفه اختي حتى عزومة م عزمتني ومكلماني نظام لو دايرة تجي تعالي بس،قولته ليها م تركزي معاها ولا تزعلي نفسك هي وولدها يولعو بجاز،طلعته غرفتي وبقيت اقول لنفسي اصلا هو واحد تافه وخايب م بهمني ،م بهمني م بهمني😭💔شلته تلفوني رسلته في قروب البنات قولته ليهم انا كنت بحب الخااايب العررة دة كيييف😡فجأة كلهم جو ناطين قالو لي منوو😳قولته ليهم اسي انتو صحبات ليه م كنتو بتوعوني ؟ليه م كنتو بتفتحو عيوني طالما انا مغمضه😡اريج قالت لي هيييي براك عملتيها في رووحك تتزكري لما كنا بنقول ليك علي دة واحد متخلف ساااي نسيتي روحكك وجايه تختي الحق علينا اجييي😒✋بعد م اتكلمته معاهم كداا الصباح مشيت المستشفى ،قولته لي قصي صباح الخير،قال لي حرارتك طبيعيه؟قولته ليهو ههه ليه مالي؟قال لي م عارف بس اول مرة تصبحي علي كدة😅😂قولته ليهو اي علشان ماشه احضر عرس خطيبي الجمعه الجايه وعندي كميه من الطاقه الايجابيه😌👋💪،قال لي ماشه شنوو؟قولته ليهو كدة بس😅قال لي ودي نعتبرها حاجه كويسه بالنسبه ليك؟قولته ليهو شديد😊قال لي طيب دي خطوة كويسه منك على فكرة❤الفترة دي قصي كانو بفتشو ليهو على كلى ،وانا قولته لي امي الا نمشي العرس بعد جوطه وتحنيس وبكى بابا قال ليها خليها تمشي معاك ،بالفعل مشينا يووووم العرس الصباح بدري ،طبعا لما وصلنا الناس دي كلها كانت متفاجأة وبقولو البت دي الجابها العرس شنو،وم اتلاقيت مع علي الا زمن الغداء،جا ماري وشافني واقفه مع اخواتو ،جا وقف قال لي انتي الجابك عرسي شنوو؟😡قولته ليهو هههه انا جايه عرس ود خالتي ليه انت عندك مشكله؟قال لي شوفي م تكتري كلامك معاي وتعملي حركاتك الأنا بعرفها دي،قولته ليها زينب حبيبتي كيس الهديه القبيل اديتك ليهو داك جيبيهو تمام؟قالت لي طيب،قولته ليهو بالمناسبه مبرووك ياخ فرحته ليك بجد بس انشاءالله تكون بقيت راجل شويه علشان م تخزلها ولا يجي يوم تكسرها فيهو وتبقى قدر المسؤليه،قال لي انتي فاكراها زيك؟قولته ليهو اريتها تبقى زي عااد😌👋قال لي لو زيك انا بحرقها حيه،زينب جات قالت لي هاك،شلتو منها قولته ليهو اتفضل دي حجات بسيطه مزيل عرق وصابون وعطر وليفه وروول اي نعم هي حتنفضك من برة بس م بتبقيك راجل وكل م تشوف الهديه دي إتزكر خيابتك تمام؟☺عايز يضربني كف زحيت منو قولته ليهو ياها خيابتك،زينب مسكتو قالت ليهو علي انت مجنون ولا شنو تضربها كيف يعني،وي شهد خليك عاقله شويه،قال ليها زينب فكيني البت دي حيوانه😡قالت ليهو تعال ارح نمشي💔قال لي كويس انا بوريك رجالتي دي حتعمل فيك شنو،،قولته ليهو حأعيد ليك كلامي تاني اااعلى م في خيلك اركبو ☺😊اليوم التاني اتحركنا الصباح بدري رجعنا الخرطوم صراحه حسيت براحه نفسيه لما اتكلمته معاهو وجها لوجه واستصغرتو كدة💔يووم الرجعنا بالليل بابا جا داخل لقاني بتونس وبضحك مع ناس امي عادي،استغرب طبعا متوقع يجي يلقاني قافله نفسي بين اربعه حيطان وببكي وكدة،قال لينا جيتو متين؟ماما قالت ليهو قبييل من النهار،قال ليها كويس حمدلله على السلامه،قالت ليهو الله يسلمك اها الولد بقى كيف؟قال ليها والله ماف تحسن غايتو عايزين يسفرو الأردن قالو يمكن يلقو ليهو كلى او متبرع،نحن لو لقينا ليهو متبرع للكلى هنا حنقدر نعمل ليهو عمليه القلب المفتوح،قالت ليهو معقوله حالتو متدهورة للدرجه دي؟قال ليها ربنا يعين بس بعد كدة الغسيل زاتو م بنفعو والوقت م في صالحو ابدا 💔اليوم التاني المساء مشيت المستشفى لقيتو مطلعنو من الغرفه،قولته ليهم صباح الخير بالليل😻قال لي صباح النور الأخت المشوكشه😂😁عاينته ليهو بغييييظ وسكته😒قولته للممرضه ماشه بيهو وين؟قالت لي غرفه الغسيل،قولته ليها خلي انا بوصلو،،،وانا سايقاهو وماشه بيهو قال لي اها العرس طلع كيف؟قولته ليهو ااه م تزكرني خونفشااري بجد كان عبارة عن راحه نفسيه😻 قال لي والهديه عجبت زولك؟قولته ليهو لمن قرب ينفجر هههه، طلعته بتفكر والله موضوع الهديه طلع ظابط😅قال لي مع انك م عندك حسنه بس اضمن ليك كدة حالتك النفسيه في السليم يلا ههههه❤وصلنا غرفه الغسيل اول م بدو يغسلو ليهو كان عامل روحو تمام وم متأثر بس شويه كدة ملامح وشو اتغيرت يعني بجد احساس الوجع كان ظاهر في وشو وكان بضغط على يدو شديد،، اوول مرة اشوفو في غرفه الغسيل بس قلبي وجعني عليهو بجد💔بعد خلص غسيل وصلتو غرفتو وقعدته معاهو وانا سرحانه ،مشيت لي بابا في مكتبو قولته ليهو بابا ممكن اتكلم معاك في موضوع؟قال لي اتفضلي،قولته ليهو انت قولته لو لقيتو متبرع بالكلى ممكن تعملو عمليه القلب هنا صح؟قال لي ايوة،قولته ليهو طيب اذا انا اتبرعته ليهو بي كليه ،قاطعني قال لي انتي مجنونه ي بت؟قولته ليهو بابا كدة كدة الكليه التانيه دي قاعدة زيادة عدد طالما انا بقدر اعيش بي واحدة ليه م بقدر اتبرع ليهو بي واحدة،قال لي شهد ي بتي الحاجه دي م بتكون بالسهوله دي فهمتي؟ودي مجازفه،قولته ليهو ويعني؟قال لي اسي في كليه متبرع عايزين نشوفها اذا حتطابق او لا،قولته ليهو طيب انا كمان اعملو لي الفحوصات اذا اتطابقت عشان م تخسرو زمن سااي في الانتظار،قال لي الموضوع دة كدة خلي شويه،لما رجعنا البيت بابا اتكلم مع امي واخواني وحكى ليهم،طبعا امي رفضت وقالت ليهو انت ي عبدالله كان بتك راسها م فيهو عقل انت بتبقى زيها؟😡كليه شنو البتتبرع بيها هي كمان خلاص الخلق كملو م فضلت الا هي عشان تتبرع ليهو؟؟فاتن قالت لي وبعدين عرفه متين لمن بتتبرعي ليهو بي كليه كدة قولي بسم الله،، كلهم قالو لي انتي مجنونه و...المهم كتيرو معاي الكلام بس م ركزته واصريت على راي،بابا قال لي طيب انا كدكتور م من حقي اقول ليك لأ لانو دي حياة زول وهدفي الأساسي المحافظه على حياتو حتى لو كنتي بتي في النهايه انتي بالنسبه لي متبرعة و طالما مصصصرة كدة اعملي الفحوصات وانشاءالله تتطابق،،بعد م عملته الفحوصات بيومين ماذن ومرتو جو نازلين السودان ،وأول م ماذن عرف بالحاصل زعل وقال ليه م كلموهو وجاط شديد،ولما عرف انو م لاقين كلى متطابقه ،قال ليهم من غير تردد انا حأتبرع ليهو بي كليه،الموضوع جاط ،وبقى بدل متبرع واحد ،تلاته متبرعين😂💔بعد الفحوصات بابا المساء جا داخل البيت قولته ليهو اها الحصل شنوو؟قال لينا لحسن الحظ طلعت حقت ماذن هي المتطابقه معاهو،ماذن قال ليهو ااابشششر ي ابوي بتبرع طوالي😻❤ماما قالت ليهو والله انت مجنون بسس م اكتر،قال ليها امي قصي دة اخووي قبل م يبقى صحبي وأخو مرتي😊✋طبعا م كلمو قصي انو ماذن هو المتبرع بس قالو ليهو لقينا متبرع لأنو م كان حيرضى ،بعدها اتعملت العمليه وزرعو ليهو الكلى،بعد الزراعه حالتو اتحسنت شويه،،،واول م عرف انو ماذن هو الاتبرع زعل وجاااط وعمل ضجججه شديدة،بعدها بفترة انا نزلته الجامعه وهو عملو ليهو عمليه القلب ،بقيت اتطمن عليهو من بابا او ماذن بس وخلوهو في المستشفى فترة علشان يراقبو وضعو الصحي،بعد م خرجوهو من المستشفى في يوم امي قالت لي ي شهد وانتي طالعة من الجامعه امشي على ناس ايات دي لانو سألتني منك،قولته ليها امشي ليهم شنوو طيب؟قالت لي امشي سلمي ليهم سااي بس وهاك الكيس دة ادي لي ايات معاك،قولته ليها كيس امشي بيهو الجامعه؟؟ قالت لي اي مالو فيها شنووو؟قولته ليها لا ي امي ولا بحاول يلا بااي،قالت لي خلاص سمح تعالي شيلي مفتاح عربيتي امشي بيها،رجعته خطوتين لي ورا وانا مبتسمه قولته ليها احلفي😻😅قالت لي اعمل ليك شنو لو م عملو ليك كدة م بتمشي بت فقر خلاص😒قعدته اضحك ،قالت لي اعملي حساابك وانتي سايقه كان لقيت فيها خدشه واحدة م تجيني البيت😡 بعد م خلصته دوام في الجامعه كنت مترددة امشي او لا بس كمان كنت عايزة اتطمن عليهو،اتوكلته مشيت اول م وصلته البيت لاقتني مرة اخوهو المتوفي ،طبعا سلمت لي بي طرف اصابعها😪جات ايات سلمت علي وفضلتني ،قعدته اتونس معاهم كدااا بعدها ايات قالت لي قصي فووق تعالي سلمي عليهو،قولته ليها اممم لا خليهو يمكن نايم او كدة،قالت لي لا صااحي قاعد مع امنه بت جيرانا سميه امي وكدةطبعا هههه، تعالي،خالتو امنه قالت لي امشي ي بتي عادي البيت بيتكم،طلعته مشيت معاها ،لما وصلنا قريب من غرفتو كان في صوت تلفون بضرب،ايات قالت لي دة تلفوني يمكن ماذن اتفضلي دي الغرفه حأشوف منو وبرجع تمام؟م تقيفي ادخلي على طول😘💋اول م فتحت الباب اتفاجأ ليك بالبت راقدة في حضنو😨😱هم اتخلعو وانا اتخلعته م عرفته اقبل على وين على طوول اتلفته وطلعته من الغرفه،نزلته تحت قالو لي سلمتي عليهو؟طبعا كنت متوترة قولته ليهم ايوة وعايزة امشي البيت ،قالو لي لا م تمشي الا تتغدي و... قولته ليهم لا م بقدر والله وعلى طول طلعته مشيت البيت،،كنت مغيووظه من الشوفتو غيظ ،بس الغلط غلطي انا كان المفروض ادق الباب قبل م ادخل😷اثناء م انا بفكر في الموضوع كدة تلفوني اتصل كان رقم غريب اول م رديت ،قال لي م اتعلمتي تدقي الباب لما تمشي بيت ناس؟قولته ليهو نعم منو معاي؟قال لي معاك قصي،قولته ليهو اهااا وانت م اتعلمته تمارس تفاهتك وتقل ادبك الا في بيتكم؟؟م مشكلتي إذا انت في بيتكم م بتحترم نفسك وبتجيب بناتك😊
يتبع....
