،الدكتورة قالت لي متزوجه انتي؟قولته ليها ااايوة،قالت لي غريبه راجلك دة وين معقوله م لاحظ لمرضكك دة،ماما قالت ليها ليه مالها انشاءالله خييير؟الدكتورة قالت ليها خيير ومبروووك لأنو انتي حامل ي شهد... قولته ليها بخلعه شنوووو؟كيف يعني حامل ؟؟😱الدكتورة بقت مخلوعه وبتعاين لي وماما نفس الشي،،،ضحكت قالت لي شكلك بكريه صح،طبعا بقيت متوترة وراسي جااااط،ماما قالت ليها ااي بكريه هههه،قالت لي ااااي من نبرة الخوف دي بس م تخافي ماف شي بس خلي بالك من نفسك وحأكتب ليك ادويه اخديها وركزي على موضوع الغذاء دة بالله اكلي كويس لأنو دمك عامل 55بس،،وانا اساسا م كنت مركزة معاها كنت بفكر في البحصل معي دة شنوو؟،،بعد رجعنا البيت دخلته غرفتي وقفلته وقعدته ابكيي،واقول :ي ربي انا حأعمل شنوو في الحاله دي ،ودي شنو الإبتلائات دي؟انا م قدر المسؤليه دي ولا في وضع بسمح لي اتحمل اجيب لي طفل،،ماما بتتكلم مع فاتن وخالتو مها قالت ليهم :شهد دي طلعت حامل،فاتن قالت ليها حااااامل😻واااااي اخييييرا حبقى خااالهه ي سلاااام💃💃💃خالتو مها بقت ساكته وبتعاين ليهم،ماما قالت ليهم غلبني الأعملو البت دي عوارضها كتيييرة اسي لمن بقت كويسه تاااني رجعت قفلت نفسها ومسكت راسي تبكي،فاتن قالت ليها شي طبيعي عشان شهد حساسه شويه بس بعد كم يوم حتتعود❤خالتو مها قالت ليهم والله في نص المشاااكل الحاصله دي لو م دايراهو طوالي خلوها تنزلو نهاااائي م تخاااطر بمستقبلها ،فاتن قالت ليها انتي عارفه نفسك بتقولي في شنوو؟كيف يعني تنزلو؟اتكلمي بمنطق شويه معقوله استغفرالله ،ماما قالت ليها شهد م حتقدر تتحمل المسؤليه دي انا متأكدة،فاتن قالت ليها ماما انتي كمان معقوله ياااخي؟وطلعت مشت خلتهم،في الغرفه جاتني خالتو مها في الغرفه قالت لي شهد،مسحته دموعي قولته ليها ايوة؟قالت لي صحي الدكتور قال ليك في حمل؟سكته م رديت عليها،قالت لي وووووب ي بتي دي عوارض شنوو دي؟قصي داير يعرس ويشوف حيااتو وخبرك م جايبو ولو جبتي ليك ولد برضو م بشتغل بيك اسأليني انا دي اسي شوفي ابو مؤيد عمل فيني شووفي؟شيلني مسؤليه م مسؤليتي،الراجل كان مسكتو مرة تاني م برجع حتى لو جبتي ليهو دسته اطفال دي حاجه انا دايرة اقولها ليك،انتي بت صغيرة وعندك مستقبل مالك الولادة والكلام الفارغ شووفي حياتك اطلقي واقري واشتغلي شغلك لا شافع بنفعك ولا راجل بنفعك،انا غايتو كلمتك اسمعي كلامي ولو دايرة تنزليهو بدري بدري انا بساعدك،،،وطلعت مشت ،كلامها كان فيهو شي من المنطق وقعدته افكر فيهو واقول :بالجد في المشاكل الحاصله دي كلها انا تاني اتمسك لي بي حاجه ممكن تضيع مستقبلي؟بس تاني اتراجعته ومسكته بطني وقولته طيب هو زنبو شنوو في دة كلوو؟اذا انا كنت ضحيه للحاجه دي هو كمان نفس الشي،واذا ربنا كاتب ليهو الحياة فميييين انا علشان احرمو منها؟فضلته يومين على الحال دة،طبعا بابا م سألني نهائي بالرغم من انو ماما حكت ليهو ،،،انا كنت محطمه شديد لأنو كل م احاول اقااااوم واقيف على رجولي بقع وبرجع لنقطه الصفر،يوم الجمعه زارتني اريج ،قالت لي شهد انا اليوم جاياك وبجد عايزاك تحكي لي في شنوو انتي مالك؟؟الحاصل عليك شنوو؟؟قولته ليها ماف شي ي اريج،قالت لي حالتك ميؤس منها وعيونك ملانه دموع وبتقولي لي ماف شي،شهد فايدة صحبتنا شنوو اذا م بتشاركينا وجعك؟اسيل وروبي جد زعلو لأنو نحن اي شي حاصل معانا بنحكيهو ليك اما انتي عكس الحاجه دي،،متشاكله مع قصي ولا في مشكله بينكم احكي لي يمكن ترتاحي؟بقيت ابكي ،مسكتني قالت لي لو حتبكي م تحكي،قولته ليها حأحكي ليك،وبديت احكي ليها الحصل من زمااان،قولته ليها مرة خالو معتز نزل السودان هنا ،وانا اساسا قبل م يجي قولته ليهو لما تنزل انا حأسافر معاك السعوديه اتفقنا على كدة،وانا بطبيعتي متعلقهه بيهو شديد وبريدو ريدة كدة غريبه ،وهو نفس الشي ،لما نزل وقام مسافر سافرته معاهو بس في يوم بعد م خلى مرتو نامت جا داخل الغرفه حقتي وانا كنت نايمه بس حسيتو بقلع لي في ملابسي صحيت مخلوعه لقيتو هو و..قامتو بس م قدرته عمل عملتو واخد العايزو مني وتاني يوم اتصرف معاي كأنو م عمل شي،و....وفي الوقت الأنا بحااول اطلع من حالتي واتجاوز القصه واحاول اثق في زول ،قصي كرر نفس القصه وعمل نفس الحركه ،،قولي لي بس انا تاني اقدر ارجع نفسي زي م هي كيف؟وكمان ثقتي في نفسي وفي الحوالي انعدمت انا بقيت بقرف كل الحوالي ي اريج😭😭😭😭😭😭السؤال البقيت بسألو لنفسي معقوله الحياة دي الرجال فيها انتهو؟معقوله كلهم كدة؟طيب ليه انا بس البحصل معي كدة؟وم بتخزل الا في الناس البحبهم وبثق فيهم ليه؟اول خالي ،وبعدو علي واسي قصي 😭💔اريج دي بقت تبكييي بي حرقه نستني انا وبقت تبكي،كملت البكى،بعدها قالت لي عايني دي كلها امتحانات من ربنا عايز يشوفك حتصبري عليها ولا لأ بس زي م اتجاوزتي علي حتقدري تتتجاوزي الحصل دة انتي بس حاولي انسي وانشاءالله م يحصل عليك خيييير ونحن معاك فهمتي؟ابدا م تشيلي هم ،هم المفروض يخجلو من نفسهم لأنو اثبتو خيابتهم زي م قولتي،وقصي بجد خايب وم عندو زرة رجوله وراجل بسمع كلام امو وم بقدر يتصرف بعقلانيه دة زاتو م راجل ،اثناء م محن بنتكلم كدة ماما جابت لي التلفون قالت لي دة ماذن اخووك قال عايزك،شلته التلفون سلم علي قال لي انا نازل السودان اليوم انشاءاللع وم عارف الحاصل شنوو بالظبط بس عايز اطمن عليك انتي كويسه؟قولته ليهو الحمدلله،قال لي طيب لما انزل نقعد ونشوف الحاصل شنو تمام؟قولته ليهو طيب حاضر،،،اليوم التاني المساء ماذن جانا في البيت،لما شاف حالتي قال لي اللبسي ارح،قولته ليهو وين؟قال لي نطلع برة بس ،لبسته لي توب وطلعته معاهو بقينا لافين بالعربيه،قال لي انا م داير اسمع المشكله لا من قصي ولا من اهلو،انا عايز اسمعها منك انتي،لأنو انتي اختي وعارفك م بتكزبي ولا حتحرفي الكلام ،م تخافي من شي اصلا،قولته ليهو جات ام قصي و....بقيت احكي وابكي،ماذن دة زعل زعل كدة مبالغ فيهو،قال لي طيب تمام خليهم حسابهم معاي ،وصلني البيت قال لي ادخلي وم نزل على طووول طلع،في العربيه شال التلفون اتصل على قصي قال ليهو انت وين؟انا جاي بيت اهلك تعال لي هناك ،،لما مشى بيتهم اثناء م هو قاعد مع عمي يوسف وامجد ومنتظر قصي يجي ،ايمان ونور وعمتو امنه كانو في المطبخ بتكلمو،ايما قالت ليها شكلو جاي يعتزر ويبرر موقف اختو لكن اصلا م تدوهو وش فاهمه ي امي؟عمتو امنه قالت ليها منو البديهو وش؟والله اختو دي تاني م دايرنها لو وزنت دهب احمر مش لو اعتزر،نوور قالت ليها عشان تعرفوهم ناس رخاص وم عندهم كرامه كيف الولد خطوبه وخطب ولسسه جارين وراهو غايتو الرخصهه كعبه كعبه بري زي دة م شوفنا نهائي،ايمان قالت ليها هاك ي امي شيلي العصير دة وامشي ليهم،شالت العصير ودتو اللحظه ديك قصي جا داخل ،ماذن قال ليها اقعدي ي خالتي امنه قالت ليهو حاضر ي ولدي،قعدو ،قال ليهم انا كنت مساافر وم سمعته بالحاصل دة الا امس وجيت اسمع منكم الحاصل شنوو؟قصي م رد عليهو،عمي يوسف قال ليهو ي ولدي بقولو سمح الكلام من خشم سيدو عشان كدة اسمع من خالتك امنه العملتو اختك،قال ليها اتفضلي ي خالت امنه انا زاتي جاي اسمع منك،،طبعا ماسكه سبحتها وبتسبح ،قالت ليهو احم طبعا ي ولدي مشيت لي شهد عشان اتكلم معاها في موضوع وبديت اتكلم معاها و........دة الحصل ي ولدي،ماذن قال ليها شهد اختي حاولت ترفع يدها عليك وتضربك؟قالت ليهو اااي والله يشهد الله✋قال ليها سبحان الله والله لو كنت بعرف شهد اختي جد كنت صدقتك والله،،قالت ليهو يعني انا كزابه والبخليني اكزب شنوو و..قال ليها اعصابك وم تنفعلي انا م كزبتك بس انا بعرف اختي اكتر م بعرفك انتي وبعرف تربيتها يعني حتى لو شوفتها بتعمل قدامي كدة بكزب عيوني،وي قصي م كان العشم والله يااخ انت لما اتقدمته وانا اديتك ليها اديتك ليها على ثقه انو انت الزول المناسب،طالما م عجبتك وم قدرته تمسكها تعال كلمني وسلمني قسيمتها بس م تطلعو فيها كلام م فيها ،وانااختي م بتغلبني والله ،واسي انا بقولها ليك سلمني قسيمتها حياتها ابدا م واقفه عليك بس انت لو بتعاين جد كان تعاين لي انا على الأقل،انت صدقتع امك صح؟طيب شوفته شهد بعينك عملت كدة؟لا طبعا طيب صدقته على أي أساس؟خالتو امنه قالت ليهو م تبقى منحاز ي ولدي،قال ليها لا ببقى منحاز شدييد كمان طالما الموضوع متعلق بي اختي،اسي انا اليوم لو امي واخواني عملو كدة م كنت حأتصرف التصرف الاتصرفتو انت ي قصي زي م ليك حق على امك زوجتك كمان عندها حق عليك كان تحكم عقلك ،وي سيدي لو داير تعرس الف مبروك عليك ياخ بس م على حساب اختي تمام؟وي خالتي امنه انتي زوله بتصلي وماسكه سبحتك كل الوقت بينك وبين نفسك شهد مدت يدها عليك؟على العموم ي جماعه اسي م حصلت حاجه وي قصي مبروووك عليك بس لو سمحته قبل م تتم عرسك رسل لي قسيمه اختي تمام؟يلا في امان الله وطلع مشى خلاهم،امجد قال ليهم جد ي جماعه موقفكم زباله شديد وي قصي مع احترامي ليك بس ابدا م اتصرفته صح وصغرته نفسكك بس م اكتر،امو قالت ليهو مطلعني كذابه وانت داير تدافع ليهم برضو؟قال ليها والله ي امي لو م كنت بعرفك انتي وبتك ومرت ولدك حتى انا كنت صدقتكك،😊قالت ليهو قاصد شهوو ي ولد هووي؟قال ليها ماف داعي اشرح ليك انتي عارفه وانا عارفه ياخ الحياة معاكم زاتها تقرف وطلع خلاهم،،،ماذن جا راجع البيتوقعد يتكلم مع امي وبابا،قال ليهم زفتها معاهم للنهايه والله وم اديتهم ااي وش نهااائي ،امي قالت ليهو اها م قالو ليك شي؟قال ليها لالا وين شهد اسي هي كمان؟قالت ليهو في غرفتعا،جاني في الغرفه قال لي شوفي الحياة دي اصلا م بتقيف على زول نهائي وانا ماذن اخووكي دة طووول م انا عايش م تخافي من شي اصلا والله رقبتي سدادة،وماف زول بقدر يقول فيك كلام ،وقصي هو الخسران انتي اصلا م خسرانه شي فاهمه؟اوووعى تختي الموضوع في قلبك نهائي،قولته ليهو حاضر💔بجد الأخوان نعمة والأهل ديل جنه الأرض ،لما ربنا يديك اهل دايما يقيفو معاك في اصعب لحظات حياتك ويدعموك ولما ربنا يديك اخو زي مازن ابدا المفروض م تخافي على نفسك من الحيحصل ليك لأنهم حيسندوك وم حيخلوك تقعي❤بالليل داك قعدته اتكلم مع نفسي واقول:زي م قالت اريج الحياة بتستمر اي نعم م زي م نحن عايزين بس بتستمر والمفروض نحن نعيشها بأي شكل من الأشكال ،وليه اتكسر طالما عندي دافع علشان اعيش اهلي ودراستي وااهم شي البيبي الفي بطني،حتى لو اتخزلته في قصي م معناها اكره الطفل لأنو م عندو زنب بالعكس حأواصل وحأحب الحياةعشان أعيشو احسن عيشه ،وعشان يمكن هو يكون سبب سعادتي ويكون حاجه حلوة في حياتي،عايزاه علشان اتقوى بيهو ❤وفعلا دي م نهايه العالم ،،كنت فاكرة نفسي ضعيفه بس انا م ضعيفه ابدا لأنو الضعف في حد زاتو قوة بس عبارة طاقه كامنه❤الفترة دث كانت عندنا امتحانات بديت قرايه على طوول بقيت كل مقضياها قرايه عشان في محاضراات فايتاتي والبنات كانو بجو بساعدوني لحدي م جا يوم الامتحان الصباح صحيت بدري لبسته وسرحته ونزلته ،ماما قالت لي ماشه وين ي بت؟قولته ليها الجامعه،طبعا استغربت قالت لي جنيتي؟قولته ليها فعلا بس انصح مجنونه يلا سلام ودعواتك ❤قالت لي سمح خلي بالك من نفسك و ربنا يوفقك ويعدلها عليك وينور طريقك محل م تقبلي ي بتي💋بعد خلصته الإمتحان لقيت مكالماات من ايات ،رجعته ليها قالت لي عاية اتكلم معاك في موضوع،قولته ليها لو عايزة تتكلمي عن موضوع دث انا واخوك ي ريت م تفتحي الموضوع تمام؟قالت لي لكن شهد قصي عايز يتكلم معلك،قولته ليها انا ابدا م حابه اتكلم معاه ولا تجيبي لي سيرتو ماشي؟قالت لي طيب تمام💔بعد م رجعته البيت حوالي الساعه 12اتصل علي مكالمة وانا شفته رقمي وم حبيت ارد عليهو،اااخر يوم في الإمتحانات بعد م خلصته ونحن طالعين قولته ليهم نفسي في ايسكريم،روبي قالت لي اهااا بديتي تتشهي خلاص😒😪💔فجأة احس ليك بي زول مسكني من يدي،اتلفته مخلوعه لقيتو قصي،قولته ليهو في شنو مالك فك يدي وانا خايفه منو لمن برجف،اسيل قالت ليهو هيييي فكها م سامعها قالت ليك شنوو؟؟؟اريج مسكتها قالت ليها اسكتي خليهم م تدخلي😅،قولته ليهو عاين فكني والله ألم فيك الخلق،قال لي مرتي يعني حتى لو صرختي ماف زول بسألني، تعالي اركبي في العربيه نتفاهم وانزلي،قولته ليهو ماف شي اتفاهم معاك فيهو،قال لي لا في يلا تعالي،قولته ليهو م ماشه معاك فكني،اريج قالت لي شهد الناس بتعاين ليكم اركبي شوفي الحاصل شنو وانزلي نحن منتظرنك هنا،فتح الباب ركبته،اول م ركب العربيه قفل الباب واتحرك،قولته ليهو انت مجنون ماشي وين؟نزلني نزلني نزلي وبقيت اصررخ، انت ماشي بي وين وقف العربيه دي اقسم بالله اتصل على ماذن اسي ،طلعته التلفون شالو مني ،فضل ماشي لغايه م وصلنا البيت،رجعني بيتنا تاني،انا قولته خلاااص معناها عايز يكرر نفس الحركه تاني وبقيت اصرخ واقول ليهو واقسم بالله م بنزل رجعني بيتنا بس م بعرف رجعني بيتنا انت الله دة م خلق فيك ضميييير نهااائي ،قال لي انا عايز اتكلم معاك انزلي،قولته ليهو ابييييييييييييييييييت م نازله قصي الله يخليك نزلني خليني امشي البيت،نزل وأمن باب العربيه مشى فتح باب الشارع،وجا راجع فتح باب العربيه ونزلني غصب وانا بتصارع معاهو ،والشارع كان فاااضي ،مسكني جراني لغايه م دخلني البيت ،لما عايز يفتح باب المدخل عضيتو ،بس دة حيوان ماف شي بأثر فيهو😭💔فتح الباب دخلني وقفل الباب بالمفتاح،قولته ليهو انت مجنون عايز مني شنو اوووعى تقرب مني فاهم؟وبقيت اصرخ،مسكني قال لي روقي م عايز اعمل ليك شي بس عايز اتكلم معاك،قولته ليهو م تتكلم معاي وانا م عايزة اتكلم معاك انت واحد تافه يلا خليني امشي اتحرك من قدامي،مسكني قال لي انا شايف انو تهدي عشان نتفاهم 😡قولته ليهو ماف شي نتفاهم فيهو،قال لي معناها ماف طلعه يلا😊✋قولته ليهو قصي الله يخليك خليني اطلع مشى وبديت ابكي😭قال لي شهد انا اسف بجد اسف م كان المفروض اتصرف معاك كدة،،،فضلته ابكييي،قال لي عارف انو ردة فعلي كانت غلط بس كلنا بنغلط وبقى يبكي ،قولته ليهو ااسف؟على شنو ولا شنوو قول لي بس؟صدقته كلام اهلك وكزبتني مع انو انا م كزبته عليك ،وصدقته كلام علي من غير حتى م تحاول تسألني وتعرف انا الحاصل علي شنوو،واسإتني ،قال لي ااااسف م كنت عارف الحاصل شنو،قولته ليهو واسي الفرق شنوو؟؟قال لي الفرق اني عرفته الحاصل ،قولته ليهو من وين؟قال لي م مهم تعرفي،قولته ليهو انت م عرفته نفسك غلطان الا بعد م حكو ليك حتى انا لما حكيت ليك م صدقتني معناها ماف ثقه بينا ،وبعد العملتو فيني انت متوقع مني شي؟قال لي انا عايز ارجعك البيت ،قولته ليهو بيت؟قصي انا بقرف منك وبطني بتطم من شوفه وشك وبكرهكك بجد وبعد العملتو معاي دة انا بحتقركك ولو عايز ترجعني عشان الفي بطني دة ي سيدي دة م ولدك ،واكون واضحه اكتر الفي بطني دة انا جايباهو سااي زي م قولته انت اااايوة انا واحدة وسخخه شديد اكيد م بغلبني اجيب لي طفل من اي مكان ،اوووعى في يوم اشوفك في وشي وتقول عندك عندي حاجه تمام؟وبعدين كونك انت ود امك وم عندك زرة شخصيه دة سبب كافي يخليني اغض نظر عنك،وي ريت تطلقني وترسل لي ورقتي في اسرع وقت ممكن،ربع لي يديهو وقال لي طلاق م تحلمي اطلقك ،خليك معلقهه كدة بكيفك او لا فاهمه؟😊قولته ليهو زح من قدامي لزيتو وطلعته
يتبع....
