؟اسي انا بتكلم معاك اتفاهمي معاي،قولته ليهو ماف شي اتفاهم فيهو معاك وم بخصكك دي المرة المليون اقولها ليك يلا زحح مني ،،قال لي اذا انتي كلك على بعضك بتخصيني يبقى كيف م بخصني😊؟؟قولته ليهو كيف يعني كلي على بعضي بخصك م فهمتك😥بقيت اعاين ليهو وهو نهااائي م عايز يعاين لي في عيوني م عارفه ليه،هو كان قريب مني شديد وانا خلاص اتضايقته وماف مساحه علشان ارجع ورا،قولته ليهو قصي الله يخليك خليني امشي مش انت عايزني اطلع طيب خليني اطلع وبقيت ابكي وارجف ،،اغتصاب خالي معتز لي كان تأثيرو سلبي شديد علي كنت بخاااف من ااااقل شي وعندي حساسيه مع الرجال بتضااايق حتى لو في بيني وبينهم مساااحه كبيرة💔بعد م شافني ببكي فكاني دخلته غرفتي وقفلتها علي،،انا م عارفه هو بتصرف معي بالعصبيه دي كلها لييه،السبب شنو في دة كلو،الصباح صحيت علشان كنت عايزة اجهز امشي الجامعه،سامعه صووت في البيت م طبيعي ،فتحته الباب سمعته صوت قصي وبضحك ،وصوت طفل بقول ليهو عمو عايز دييييييييي اديني ليهااا،وقصي بقول ليهو اللحقها لو عايزها يلا 😂😂😂😂💔استغربته طبعا دة منو؟معقوله ود الجيران؟الفضول عايز يكتلني فتحته الباب برااااحهه كان قصي ومعاهو ميدو،بقيت اقول لنفسي ميدو؟معقوله؟طيب الجابو منوو هنا؟لزيت الباب عديل وقفته بعاين ليهم،قصي عاين لي وسكت،ميدو قال لي حالتو ثهههد وجا نازل من السرير،شلتو قولته ليهو حبيب قلببب خالتوو وبوستو في خدو قولته ليهو هاااا كيفكك كويس؟هزة لي راسو بي معنى (نعم)قولته ليهو متين الجيه هنا؟قال لي دي اسمها سبرايزز،قولته ليهو هههه سبرايز لي هنا؟معناها انت قطعه الكيك الانا حأكلها صح حبيبي😂💔قصي قال بصوت وااطي دي لو لقت طريقه حتاكل البيت بما فيه،عاينته ليهو بي طرف عيني ابتسم وسكت،قولته ليهو ميدو حبيبي تمشي معي الجامعه؟قصي قال لي لا طبعا ماف طريقه الود عيان،قولته ليهو اهااا نسيت ،لما جهزته وقمته طالعه ميدو اتعلق وبقى يبكي قال لي الا مااااشي معي وبقى يبكي ويصرخ،قصي قال لي انتي اساسا شربكتيهو فيك مالك😡قولته ليهو اعصابك وم تكورك لو سمحته تمام؟قال لي اها سكتيهو طيب،قولته ليهو ميدو حبيبي خالتو ماشه تجيب ليك شوكلاته وتاخد حقنه بس هنا اخخخ،وصفته ليهو كتفي،قال لي لالا بث ماثي معاك😭💔عااد الود لصقه بشككل م طبيعي،قولته ليهو طيب حبيبي يلا،قصي قال لي وين؟قولته ليهو وصلني الشارع بس ورجعو البيت،وصلنا باب الشارع ميدو حلف م ينزل مني وكل شويه يبكي زيادة،جو اولاد مارين بي جنينا وقعدو يعاينو لي،،،قصي قال لي دقيقه دخل جاب مفتاحالعربيه وجا قال لي اركبي،قولته ليهو وين؟قال لي حيكون وين يعني؟حأوصلك زفت الجامعه طبعا ،قولته ليهو طيب،ركبته ورا وخليت ليهو ميدو قدام،قولته ليهو بالمناسبه ميدو دة جبتو متين؟قال لي امس اتصلت علي امو بالليل قالت ببكي وقال الا عايزني فمشيت جبتو،قولته ليهو اهاا لما وصلنا الجامعه وعايزة انزل قال لي اسمعي،قولته ليهو ايوة؟قال لي غطي شعرك دة ،قولته ليهو نعم؟قال لي م سامعه يعني؟غطي شعرك دة م تمشي كدة،م ركزته معاهو نزلته دخلته الجامعه،،،ميدو فضل معانا يومين،اليوم التالت مشيت الجامعه وجيت راجعه ،اول م دخلته البيت سامعه صوت ام قصي وكانت بتقول ليهو :اسي ي ولدي كان عرسته مرة اخوك دي وعقلتها مش كان افضل ليك من الماشة سااي دي كأنها م متزوجه ولا اي شي ،وبعدين هي كان نافعه صحي م كان ود خالتها خلاها اسمع كلامي دة،وقصي ساكت وبسمع فيها،والله مرت اخوك خلقه واخلاق ومرة ونص وخمسه مشيت جبته ليك واحدة اظن حله م بتعرف تطبخها وم تامه مرة مع النسوان لو كان سمعته كلامي وكلام اختك ايمان كان افضل ليك ي ولد هاا،،،طبعا الكلام حرقني شديد بس عملته روحي م سامعه شي جيت داخله قولته ليهم السلام عليكم،طبعا الزول لما يكون بقطع في زول ملامح وشو بتكون ظاااهرة،هي زاتها اتخلعت لما شافتني ،قالت لي اهلا اهلا ي بتي كيفك انشاءالله كويسه؟قولته ليها تمام الحمدلله انتو كيفكم وناس البيت خبراتهم؟قالت لي تمام الحمدلله ،عايزة امشي بإتجاه المطبخ قالت لي ي بتي م تعملي شي والله اسي قصي شربني عصير ومويه واي شي،قولته ليها طيب عن ازنكم اغيير ملابسي واجي راجعه،ميدو كان في حضن قصي قولته ليهو ميدو حبيبي وبوستو في خدو،قصي قعد يعاين لي ،طلعته فوق اثناء م انا طالعه في السلم امو قالت ليهو م شايفها لابسه كيف؟اسي دة لبس واحدة متزوجه؟زاتو قرايه شنو م تقرا ولا اي شي احرمها من القرايه بعد كدة تمسك بيتها بس اسي قاعد تديها كم مصاريف للجامعه؟اوووعى تبزر قروشك وتديها العايزاهو بكرة تستغلك ،،وانا والله سامعاها ،بس م كان فارغ معاي ليه؟لأنو انا عفى قناعه انو انا وقصي ماف شي بجمعني غير العرس دة ،واساسا العرس دة م بعني لي شي وقصي عارف كدة وم حيسمع كلامها لانو نحن في البيت اي زول عايش بطريقتو وماف زول متحكم او بيسأل زول من خصوصياتو ابدا،عدت سته شهوور كنا ماشين حلوين ،واي زول في حالو انا مع جامعتي وقصي مع شغلو،حصلت مناسبه او كدة بنمشي مع بعض وبس ، الشي الاكتشفتو انوقصي طموحو كان اكبر من الحب والزواج والعلاقات والكلام دة،بس كل همو كان عايز يطور شركتو وشغلو وبس،هو كان مهندس معماري،معظم وقتو شغل ، في يوم كنت في المطيخ،جيت داخله الغرفه لقيتو ماسك تلفوني بفتش فيهو،قولته ليهو خييير ماسك تلفوني ليه؟قال لس ماف شي بس كنت عايز اشوف حاجه،قولته ليهو حاجه بتشوفها في واتسابي ؟ سكت جدع التلفون وطلع،الحركه غاظتني شديد وخلتني اتغير منو واقلب وشي عليهو،حتى هو كان متغير شديد،وانا والله م عارفه الحاصل شنو ولا حتى ليييه هو اتغير كدة مع انو كنا حلوين وبنتكلم مع بعض عادي،في يوم جمعه مشينا لي أهلو بالمساء،هم قعدو في صالون الرجال وانا قعدته اتونس مع ناس عمتي امنه وكدة،ايمان قالت لي شهودة ي لزيزة كدة قومي اظبطي الجبنه دي واللع تعبانه من الصباح شغاله في البيت،كانت معاهم جارتهم بت صغيرة لكن متزوجه اسمها امل،جهزته الجبنه وجبتها ليهم،ايمان قالت لي بري مالها جبنتك مرة زي دة ،حتى جبنه م بتعرفي تظبطيها،،،نووور قعدت تضحك ضحكه خباثه كدة،امل قالت ليهم يعلم الله على قولتكم مرت اخوكم خنبه ،طبعا كلهم سكتو واتخلعو من كلامها ،هي زاتها م حست على روحها لما قالت كدة،عاينته ليها وابتسمته،ايمان قالت لي بري بري ي شهد نقوم نشوف لي اخونا كلام عروس حنه ودخان ماف قولنا معليش لكن جبنه م تعرفي تعمليها دي مشكلها اسي بعدين لو جو ضيوف تقولي ليهو م بعرف اعمل جبنه؟نوور قالت ليها هي المرة زاتها لو م دقوها بي اختها م بتتعدل😂😂😂😂امل قالت ليهم اااي عاد عرسو ليهو زي م عملت ام راجلي لما شافت الكبيرة م جايبه حقها طوالي خطبتني ليهو الفي شنو والماف شنوو😂👋👋😘طبعا هم عاملين فيها بهظرو بس انا واثقه انو الكلام دة طالع من جواهم،قولته ليهم انتو اعزلو ليهو المرة الدايرنها وحاتكم اقعد في الأرض واتعلم دق الدلوكه عشانها،وكمان ماف زول بجرتكهم غييري ،دة غير انو تزاكرهم حقت شهر العسل علي وفي المكان العايزو،امل قالت لي هههه بكرة لما يبقى جد ببقى ليك بمبي😂قولته ليها حبيبتي بببقى ليك بمبي لما يكون اقصى طموحاتي اني ادخن واتحنن وريحتي تكون فايحه كل الوقت عشان ارضي راجل،،،م ياني الزوله دي والله وم ياني البتشاكل لي مع مرة عشان راجل ولا ياني البضايق النسوان في رجالهم لو هو عايز يتزوج بجد خليهو يختار وانا بعزو عز م اظن تعزو ليهو عمتو امنه حتى وانشاءالله تضوي ليهو😊ايمان قعدت تضحكك قالت لي دة تصريح مباشر؟قولته ليها ومن الأخر كمان ،،،نور قالت لي عااد لكن نظام م شايفه مرة قدامك وكدة،قولته ليها لا كتااار والله وبسدن عين الشمس م ياني البتهتز فيني شعرة عشان مرة والثقهه من الله سمحهه😌امل قالت لي ي قاااااااادرة،قولته ليها قادرة بي عقلي ي بطه😘❤بعد شهر من الكلام دة جاتني عمتو امنه،قصي كان ماف في الشغل ،ولما جات كنت بزاكر،قعدت كداا،بعدها قالت لي جيت اتكلم معاك في موضوع ي بتي،قولته ليها خيير ي عمتو فاطمه اتفضلي،قالت لي والله ي بتي نحن من الأخر كدة حالة ولدنا دي م عاجبانا ولا شايفنو مبسوط معاك ،الراجل لما يعرس داير الراحه ي بتي ،وهو مدام م مرتاح فايدة عرسو شنوو؟ وانتو بتحددو اذا عايزين تستمرو مع بعض بعد م يعرس ولا عايزين تطلقو ،،قولته ليها دقيقه ي عمتو هو شكى ليك من حاجه ي عمتو؟قالت لي م ضروري يشكى انا ام وبعرف تفاصيل ولدي بالإحساس بس،قولته ليها واحساسك دة بخليك تعرفي الحاصل في بيتو شنو وجوة غرفه نومو شنوو حتى؟قالت لي انا م دايرة معاك قله ادب ،،قولته ليها العفو ي عمتو دي م قله ادب سؤالي منطقي جاوبي عليهو طالما قصي م شكى ليك من شي معناها احساسك دة خارق ،،قالت لي والله عرفتك قليله ادب وم نافعه وهاجت واتكلمت فارغ وطلعت،ابدا م ركزته معاها المساء اثناء م انا قاعدة وبزاكر في غرفتي جا قصي داخل وفتح الباب بأقصى قوتو،انا اتخلعته طبعا لمن رميت اقلامي،قال لي امي دي جات هنا الليله؟قولته ليهو ايوة جات ،قال لي انتي اتكلمتي معاها فارق وحاولتي تمدي يدك عليها ؟قولته ليهو ابدا م حصل كدة هي اتكلمت معاي وانا رديت ليها بس،قال لي تردي ليها لييييه؟انتي واحدة تافه ولا شنو ،قولته ليهو قصي اتكلم بي اسلوب وافهم الموضوع لاني م غلطه مع امك ابدا،قال لي لما تردي عليها تبقي غلطااانه،وجا عايز يضربني كف زحيت منو،وانا خلاص الخوف اتملكني وقصي دة كان فاير بصورة م عاديه كأنو انا موووته ليهو امو،قال لي انتي فاكراني م عارف وساختك ود عمك حكى لي اي شي ،وانا ساكت عشان اصلا م بتهميني ،وعشان ماذن بس كونك تتكلمي مع امي كلام فارغ وتحاولي تضربيها يبقى الموضوع اكككبر من صحبتي بمازن وضربني كف،طبعا انا فضلته واقعه وبعاين ليهو،قال لي م قدرتي دبستي ود خالتك جيتي دبستيني انا وي ستي امي كلامهاةيمشي فووق راسك دة مش العرس دة انا بعرررس وبجيبهم تلاته بفووق ليك ،وطلاق ي شهد م بطلقك فاهمه يعني شنو م بطلقك؟حأخليك معلقه كدة اشوفك حتعملي شنو،خليتو طلع بي جاي لبسته توبي وطلعتع من البيت واقرب بتاع عربيه وقفتو ومشيت بيتنا،وصلته وانا برجف من فوق لي تحت وببكي ،لقيت مدثر اخووي في الباب اول م شافني عرفني م طبيعيه مسكني ودفع قروش العربيه،قال لي شهد بسم الله في شنو؟قولته ليهو دخلني البيت سرعه ،دخلني البيت قعدني في الكرسي،امي شافتني قالت لي في شنوو؟قال ليها والله م عارف لقيتها جنب الباب انا زاتي،وانا ساكته ودموعي جاريه ،قالت لي شهد في شنو؟مدثر قال لي شهد مالك قولي انتي خايفه من حاجه؟انا هنا قاعد م تخافي،وانا قاعدة وبهز في رجلي وعيوني ملانه دموع،قالت لي اتشاكلتي مع قصي؟كلهم كانو بسألو وانا سااااكته ودموعي دي جاريه بس،قاعدين كدة بابا جا داخل،ماما قالت ليهو ي عبدالله تعال شوف بتك دي مالها؟قال ليها في شنو؟قالت ليهو بري والله م عارفه عندها ساعه بالحاله دي،جا قعد اتكلم معاي برضو الكلام م جاب نفع ،قال ليها دقيقه اتصل على قصي افهم منو،طلع وتاني م جا راجع،ماما اتصلت عليهو قالت ليهو وين انت؟قال ليها ماشي على اهل قصي بفهم الحاصل وبرجع اوريك الحاصل شنو،ماما ساقتني دخلتني الغرفه ،بعد ساعتين بابا جا. راجع البيت وبقى يقول لي امي بتك قليله ادب وبتك صفتها ترد على حماتها كيف يعني دي قله ادب منها ولمن تقول عايزة تضربها كمان وانا والله مش شهد دي تاني م مسؤل منها ومتبري منها ليوم الدين خربت بيتها براها والولد اهلو دايرين يعرسو ليهو و....امي قالت ليهو اسمع هنا ي عبدالله بتي انا عارفه تربيتها واخلاقها كويس وانت مشيت سمعته من اهل الراجل وم سمعته بتك ،وفضلتهم عليها سمح انشاءالله اهل قصي ديل يبقو ليك شهد كويس؟وانت اليوم دة كان بتك غلطانه م بتطلعها غلطانه قدام الناس انت وليها تعال وعيها براها م تمشي تواسي مع اهل راجلها وتصغرها😊قال ليها ياخ عليك الله بلا تصغرها بلا زفت انتي كمان ،سبحان الله في اللحظه ديك انا اكتر شي حيرني كميه الكزب والنفاق الفبركه الحصلت،ابدا م اتكلمته،وكل م امي تحاول تتكلم معاي وتفتح الموضوع م بديها فرصه،بعد اسبوعين قالت لي خلي مدثر يمشي يجيب ليك ملابسك من بيت الفقر دة،قولته ليها لالا خليهم انا بمشي بجيبهم،قالت لي لالا م تمشي اووعى تمشي ولا بالغلط بيتو تاني وعتبه بابو م تعتبيها الحيوان الوسخ،لو بعاين لماذن دة م كان عمل كدة ي ريت لو ماذن خلاهو يموت وم اداهو كليه اصلا ،،،طلعتهومشيت الجامعه قريب للساعه4كدة طلعته من الجامعه ،قولته امشي اجيب ملابسي لأنو مدثر دة لو مشي يمكن يتشاكل مع قصي،مشيت البيت فتحتو الأنوار كانت منوورة دخلته غرفتي نزلته ملابسي من الدولاب ،ولبسته لي جلباب،ورتبته ملابسي في الشنطه بس الشنطه كانت صغيرة،قولته خلاص قصي عندو كم شنطه في غرفتو امشي اشيلها قبل م هو يجي،دخلته غرفه قصي كان في قميص ابيض وبنطلون وفنيله قاعدات في طرف السرير،الشنطه كانت فوق الدولاب طلعته في السرير علشان اقدر اصلها ،فجأة الباب فتح اتلفته مخلوعه لقيتو دة قصي ،بقى يعاين لي وانا من الخوف عايزة اقع،قال لي الجابك هنا شنوو؟قولته ليهو جيت اشيل ملابسي،،،قال لي ملابسك بتشيليها من غرفتي؟اتفضلي اطلعي من هنا سرعه بره يلل،عايزة اطلع كدة مسكني قال بي دة شنوو العملتي في القميص دة؟😡اتلفته لقيت القميص اتوسخ كنت طالعه فيهو بي جزمتي،قولته ليهو اول شي فكني ولو سمحته تاني م تلمسني ولا بأي شكل من الأشكال تاني شي م كنت شايفاهو اكيد م حأكون قاصدة اعمل كدة،قال لي م أللمسك ليه انتي متو لمن م يلمسوك؟
