،ربع لي يديهو وقال لي طلاق م تحلمي اطلقك ،خليك معلقهه كدة بكيفك او لا فاهمه؟😊قولته ليهو زح من قدامي لزيتو وطلعته،مشيت البيت كنت حاسه براحهه نفسيه لأني إتفشششتهه فيهو وقولته ليهو الكلام الواقف في حلقي،بس الشي الحيرني هو عرف من وين ؟؟لقيت مكالمات كتييييرة من اريج،رجعته ليها ،قالت لي الحصل شنووو ي بت طمنيني عليك،قولته ليها واااااي ي اريج م بتتخيلي معاي التافه دة عيشني على اعصابي كيف😭💔ققالت لي مالو عمل ليك شنووو اووووعى يكون هناااي😨؟قولته ليها لا م عمل شي بس اتكلم معاي وحاول يبرر موقفو وكدة،قالت لي اها قولتي ليهو شنوو؟قولته ليهو طلقني ،قالت لي م جادة😳قولته ليها والله بعد العملو دة انا مستحييل استمر معاهو ولو م طلقني حأدخلو المحكمه ،،،قالت لي امممم بس ي شهد م تنسي انتي حااامل...قولته ليها ويعني؟قالت لي يعني انتي عارفه دي مسؤليه كبيرة،قولته ليها ابدا م بغلبني اتحمل مسؤليه طفل واحد في ناس اتحملو مسؤليه سبعه وتمنيه وطلعو دكاترة ومهندسين،😊قالت لي بس ي شهد تربيه لتربيه بتفرق،قولته ليها بس وجودو في حياتي م بفرق معاي💔وبعدين الشي المحيرني هو عرف من وين دة كلووو؟قالت لي بري م عارفه بس انتي بفرق معاك في شنو عرف من وين عرف وخلاص،قولته ليها اساسا هو كلو على بعضو م بهمني يلا خلينا نقفل الموضوع دة بالله،
في الجانب التاني خالتو مها في البيت كانت بتتكلم بالتلفون وبتقول:يعني خطبتو ليهو بت جيرانكم؟عاااد النصيحه البت سمحهه سماحهه تسوو كدي👋اااي صح اااهم شي تكون مجيهه وقشاارة،،،بت اختي دي خليها ساااي الحمدلله بس ،يختي افضل ليهو مرة مجيهه مش واحدة قاعدة ليهو في البيت لا حنه لا دخان،م حددتو العرس لسسه؟اهااا كويس طيب ربنا يتمم ليهم على خيير انشاءالله يلا مع السلامه ي إيمو حبيبتي ❤
عدت الأيام وانا سامعه بخطوبه قصي والناس بقت تتكلم وانا مركزة مع الموضوع كانت عندي إجازة ونزلته مع ابوي المستشفى علشان املى فراغي وكدة،في يوم اثناء م انا مداومه اتصلت علي ايات ،اول م فتحته الخط قالت لي شهد انتي وين😭قولته ليها في المستشفى خييير مالك في شنووو؟قالت ابوووي تعبان ي شهد في المستشفى 😭😭قولته ليها وين انتو ؟قالت لي في العنايه المركزة ، استعجلته مشيت قسم العنايه المركزة لقيتهم كلهم واقفين سلمته عليهم عادي،قولته ليها ايات خيييييييييييييييييررر في شنوو عمو يوسف مالو؟؟قالت لي شهد ابوووي تعبااان شديييد 😭😭😭💔قولته ليها الحاصل عليهو شنووو؟قالت لي م عارفين تعب فجأة وقع 😭😭😭😭😭💔مشيت العنايه المركزة لقيت بابا واقف،قولته ليهو بابا خييييير عمو يوسف مالو؟قال لي عندو جلطه في الدماغ للأسف،قولته ليهو وضعو كيف اسي؟قال لي حالتو متأخرة ،طووول اليوم فضلنا جارين وساهرنا الليل كلو،حالتهم كانت مستعصيه ببكو عليهو كأنو ميت بحق وحقيقه،قصي كان لما يشوف واحد منهم ببكي بشاكلو لدرجه انو انو ضرب ايمان لما شافها بتبكي ،فضل اسبوعين في المستشفى ،في يوم كنت في المستشفى وطلعته عشان امشي ارتاح وارجع المساء،،،اول م وصلته البيت اتلاقيت مع ماما في الباب كانت طالعه مستعجله وبتبكي،قولته ليها ماما خيير في شنوو مالك؟قالت لي عمك يوسف دة قالو بقى في رحمة الله،قولته ليها شنوو كيف يعني اسي انا كنت معاهم؟قالت لي ضرب لي ابووك اسي ،بقيت ابكي ،جد موتو وجعني،قولته ليها هم وين اسي في المستشفى؟قالت لي لالا قالو شايلين الجنازة ماشين بيها على البيت،وصلنا البيت ،طبعا م حأحكي منظر الناس والحاله الهم كانو فيها،،قصي كان صااابر وساااكت بعاين للناس لغايه م مشو دفنوهو بعد م جا راجع انهار ،الا مسكوهو ودخلوهو غرفتو،جات مرة جيرانهم قالت لي ي بت ها انتي شلتي لي راجلك دة حاجه وديتيها ليهوو؟قولته ليها حاجه زي شنوو؟؟قالت امشي اعملي ليهو عصيير وديهو ليهو ي بتي م تقعدي تنقلي في المويه للناس وتخلي راجلك جيبي جك المويه دة خلي انا بدي الناس بدلك،قولته ليها سمح،مشيت المطبخ عملته ليهو عصيير وطلعته ليهو الغرفه ،اول م فتحته الباب لقيتو قاعد وخاتي يديهو في راسو وببكي،ختيت الجك والكبايه في الدرج ،قولته ليهو قصي،سكت م رد لي،قعدته جنبو قولته ليهو البكاء م بفيدو في الحاله دي هو محتاج دعواتكم صلي ليك ركعتين واستغفر وادعي ليهو ربنا يثبتو عند السؤال،قام على حيلو مشى دخل الحمام غسل وشو وجا راجع ،انا بعد م شوفتو بالحاله دي لقيت دموعي تلقائيا جاريه،قمته حضنتو وبقيت ابكي،وهو زاتو بقى يبكي معاي ياخي بكى بكى كأنو طفل صغيير وجع قلبي اول مرة اشوفو ضعيف كدة،،،قولته ليهو ايام وحتعدي ربنا يرحمه ويجعل مثواه الجنه،بعد م طلع من الغرفه انا حسيت على نفسي قولته ي ربي انا ليه عملته كدة؟ليه حضنتو يعني؟😥💔عدت ايام الوفاء،خطيبتو كانت كل الوقت قاعدة في بيتهم وعلى طوول بتحاول تكون جنب قصي ،وانا كنت بتغاااااظ منها كيف لانها مايعهه وبتعمل حركات لمن كنت ببكي من الزعل ،بعد ال15يوم حقت الوفاة انا رجعته بيتنا وبقيت أطل عليهم طلات بس،لغايه م عدت قصي إتغيير شديييييد ،يعني انا اخبارو كانت بتصلني في محلي،كنت بتكلم مع ايات عشان توريني هو كيف وكدة واحيانا بتصل بتطمن عليهو من فترة لفترة،م عارفه بس فجأة لقيت نفسي شايله همو وبفكر فيهو على الدواام،في يوم بتكلم معاها قالت لي شهد عايزة اتكلم معاك في موضوع,, قولته ليها خيير قولي،قالت لي والله ي شهد قصي اخونا دة بقى زي المجنون كدة م عارفنو زاتو مالو،قولته ليها كيف يعني؟قالت لي عديل كدة،اول شي بقى م بمشي الشغل طوالي وخلقتو زاتها كان شوفتيهو م بتعرفيهو،بجي بسلم على ناس امي في الاسبوع مرة وانا زاتي لما اتصل عليهو م برد حتى لو لقى المكالمه،قولته ليها موته ابوهو صعبه عليهو شويه يمكن عشان كدة،قالت لي م بتصدقي انا والله مشيت ليهو في البيت بس الحمدلله ،وبقى ضعيييف شديد واااي ي شهد اقسم بالله حالتو صعبه شديد ياخي هو بقى كبيرنا وااي شي خايفه هو كمان حالتو تدهور تاني😭💔قولته ليها لالا انشاءالله م حتحصل ليهو حاجه ❤بعد م فصلته منها قولته اتصل عليهو ي ربي ولا م اتصل؟بس اتطمن عليهو انشاءالله، اتصلته عليهو اول م دخل جرس وااحد فصلته المكالمه،بعد نص ساعه رجع اتصل علي ،قولته ليهو امممم معليش اتصلته عليك بالغلط كنت عايزة اتصل على رقم الدليڤري،قال لي طيب وقفل الخط،بعد ساعة تاني رجع اتصل علي قال لي لقيتي رقم الدليڤري؟قولته ليهو لأ😥💔قال لي طيب اطلعي برة البيت انا واقف ليك تحت،قولته ليهو تحت وين😳قالت لي تحت بيتكم انزلي تعالي،لبسته توبي وطلعته ليهو بالفعل كان موقف عربيتو برة ومنتظر،طبعا م عرفتو مربي شعرو ولحيتو وشكلو متغيير عدييل،قولته ليهو انت الجابك شنووو😳قال لي جيت اجيب ليك العشاء اتفضلي هاك،قولته ليهو بس انا م طلبته منكك ي قصي،قال لي حتى ولو م فرقت اتفضلي،قولته ليهو طيب انت كيفك؟كويس؟قال لي الحمدلله،شلته منو الكيس ورجعته البيت،بس حتى الأكل مسخو لي بي شكلو دة ،م قدرته اكل بس محتارة فيهو،اليوم التاني حوالي الساعه 2كدة قولته لي ماما انا طالعه،قالت لي ماشه وين؟قولته ليها ماشه المستشفى،قالت لي طيب امشي،طلعته مشيت اول دخلته السوق اشتريت خضار كميه بعدها مشيت بيتنا ،قصدي بيت قصي😪اساسا انا عندي مفتاح ،مشيت فتحته البيت ،طبعا حالتو كانت أااااااسفهه شديييد ،ومجدع ،كلوو ،اما المطبخ بس كوشه متحركه😪💔قلعته عبايتي وبديت انضف بدييت من غرفتو ،نزلته الهول تحت،واخر شي دخلته المطبخ نضفتو نضيييف ،بعدها بديت اطبخ ،طبخته ليهو كم صنف ،وكان عندو شيشه كسرته قزازتها ورميتها في الزباله ،لما فكرته لقيت الزمن 6،،،وقصي م جا،قعدته شويه كدة سامعه الباب فتح اتلفته لقيتو دة هو ،طبعا استغرب من نضافه البيت وبقى يعاين لي قال لي الجابك هنا شنووو؟قولته ليهو جيت سااي بس وانتظرتك م جيت،قال لي منتظراني؟قولته ليهو للغداء،قال لي غداء؟لا شكرا م عايز،قولته ليهو كيف يعني م عايز وانا منتظراك،قال لي شهد منتظراني لشنو ؟ومن متين انا قاعدة اكل معاك؟؟فضلته ساااكته وبعاين ليهو عين زعل وزول متضايق وكدة،قأل لي طيب غداك شنوو؟قولته ليهو خلاص اطلع استحمه وانا بجهز الغداء،قال لي طييب،طلع فوق وانا دخلته المطبخ جهزته صفرة الأكل ،،،نزل اتغدينا،طبعا ولا فتح خشمو بي كلمه بياكلو وهو سااكت بس ،بعد م خلصته قولته ليهو انا حأجهز نفسي عشان ارجع البيت بعد كدة،قال لي طيب تمام،طلعته الغرفه فووق استحميت وغيرته ملابسي جيت طالعه لقيتو جاي داخل الغرفه بقى يعاين لي وانا زاتي غلطانه البخليني استحمة في بيتو وفي غرفتو شنووو😭💔مسكني قال لي عايني في شنووو؟طبعا بي خلعه قولته ليهو في شنو ب ب بالنسبه لشنوووو؟قال لي طبيخ ونضاقه واهتمام دة جن منكك؟قولته ليهو لأ😥💔قال لي اها مالك طيب؟قولته ليهو ماف شي سااي بس،قال لي طيب انتي كيف كويسه؟وجراني عليهو ،قولته ليهو قصي فكني خليني امشي،قال لي ولو م فكيتك؟قولته ليهو انت عايز تكرر نفس حركه المرة الفاتت صح؟😥💔قال لي من غير رضاك ابدا،قولته ليهو قصي انت فهمتة جيتي هنا غلط انا بس جيت عشان اتطمن عليك وكمان عشان اقول ليك انو ابوك مات وخلى ليك مسؤليات في ضهرك امك وايمان ونور وميدو،يعني حتى لو مكتئب حاول تتناسى واتجاوز القصه علشان تقدر تكمل،وبعدين م تنسى انا كمان حامل يعني يرضيك ولدي ابوهو يكون منفسن؟؟😥ابتسم قال لي انتي البتقولي كدة؟قولته ليهو اايوة انا،قال لي طيب لو انا بهمك جد خليك معاي اليوم،قولته ليهو كيف يعني؟قال لي م فهمتي اشرح ليك اكتر يعني ومسكني من نصي؟تافه خلاص😒💔قولته ليهو قصي انت م جادي صح؟قال لي مواضيع زي دي بهظرو فيها؟وبعدين انا لو عايز بنات غيرك م حأطلب بجو براهم بس انا عايزك انتي هااا قولتي شنوو؟قولته ليهو يعني لو رفضته حتجيب ليك بت من برة ؟قال لي ايوة،قولته ليهو بس انا حامل والدكتورة موصياني م اعمل كدة😥💔ضحكك قال لي ي شيخه 😂😂😂😂قولته ليهو طيب طيب انا موافقه😥،قال لي بجد؟ضغطته على يدي قولته ليهو ايوة،م عارفه إذا تصرفي كان صح او لا بس وافقته وخلاص حتى انا م عارفه وافقته ليه،قال لي طيب فكة لي شعري،وانا لمن بقيت ارجف من الخوف ومن طريقه قربو مني ،شويه كدة بديت ابكي،وكل م يقرب وهو بحاول يرفع لي جلبابي انا بتخنق لمن نفسي ضااق ،فجأة فكة الجلباب و قال لي شهد انتي بتحبيني صح؟ قولته ليهو شنوو انا...😨قال لي ااايوة انتي م تحاولي تنكري،قولته ليهو لا ابدا والله واحبك لشنوو😨قال لي طيب البتعملي فيهو دة شنوو؟قولته ليهو بس انا م عملته شي،😥بقى يعاين لي وساكت،قولته ليهو طيب طيي انا بس شفقانهه عليك😥💔قال لي حتى لو شفقانه علي م للدرجه التخليك توافقي على حاجه زي دي وانا متأكد من حته انو انتي عايزة تعملي كدة غصبا عنك عشان ترضيني بالرغم من انك عنيدة وم بالساهل ترضي وتوافقي على حاجه زي دي بس وافقتي والخوف ظاهر في وشكك ، ،سكته بقيت اعاين ليهو،،،قال لي متوقعه اعمل معاك كدة؟قولته ليهو انت قبل كدة عملته وانتهى فأنا بتوقع منك اي شي ،،،قال لي الوضع كان مختلف وانا اعتزرت،قولته ليهو فكني عايزة ارجع البيت انا،قال لي طيب انا بوصلك البيت،قولته ليهو لا بمشي براي،قال لي الزمن إتأخر خليني انا بوصلك وم تتناقشي معاي ،بعد م طلعنا طوول الطريق هو ساكت وانا ساكته وكل م ارفع عيني بلقاهو بعاين لي بعمل نفسي بعاين بالقزاز،وصلني البيت قال لي خلي بالك من نفسك حأتصل عليك تمام؟قولته ليهو طيب،عايزة انزل قولته ليهو قصي؟قال لي ايوة،قولته ليهو انا كسرته الشيشه حقتك وجدعتها في الزباله😅كنت عايزة انرفزو بس ردة فعلو كانت بااردة،قال لي يكسسسر راسك دة مالك معاها ؟قولته ليهو كدة بس وتاني م تشربها،قال لي بس انا بحبها،قولته ليهو ي دووب اكتشفته انو ريحة البتاع حقها دة حلو كدة يااخ فيهو ريحهه حلوة حلا😻قال لي نعم نعم؟بتاع شنوو انتي شميتيها كمان؟😳😱قولته ليهو اااي والله كيفتني كيييف ريحتو مباالغهه😻قال لي شهد انزلي بيتكم قبل م اتلوم معاك😊،قولته ليهو نازله😂 دخلته البيت وانا محتارة في نفسي بقيت اتصرف معاهو كدة لييييه بالرغم من اني بكرهو وبسبب تصرفاتي دي هو فهمني غلط،وفي نفس الوقت كنت بعاين في تلفوني ومنتظرة مكالمتو بس م اتصل،😥💔روبي اتصلت علي وبتحكي لي عن ود خالتها المكسرها،قالت لي والله ي شهد قلبي واجعني م ممكن هو معقوله م فاهمني؟ولا فااهم وعامل رايح؟ياخ انا كل م اشوفو اعصابي بتبوظ م ممكن كدة😭،فجأة شوفته قصي داخل علي،قولته ليها روبي دقيقه وبرجع ليك فصلته منها ورديت عليهو،قال لي شكلك كنتي منتظرة مكالمتي😅قولته ليهو اناا؟لأ طبعا كنت بتكلم مع رووبي،قال لي وفصلتي من روبي ورديتي علي😁قولته ليهو م كدة وبعدين انت متصل لشنوو؟قال لي عايز اتشاكل معاك،قولته ليهو هههههههه بس انا م بعرف اتشاكل 😒😊قال لي بعد الردحي الردحتيهو لي مع صحباتك في القروب وبرضو م بتعرفي؟لو بتعرفي كنتي حتعملي شنوو؟قولته ليهو يعني انت...😱😨قال لي اااايوة كنت عااارف انو انتي اخت ماذن من البدايه بس كنت حابب اعرف نهايتك وين 😂قولته ليهو ياخي الفترة ديك برمجته بيك برمجه اساسا كنت قاطعه موضوع😂😂💔قال لي وانا م كنت مركز معاك كتيير على فكرة قولته لنفسي دي شافعهه سااي وحابه تمسك زمن وطلعتي زي م اتوقعتهه😂💔قولته ليهو شافعهه ؟وانت كنت في نظري وهمي يااااخ ننننننن😒💔قال لي واسي؟😊قولته ليهو اسي شنوو؟قال لي انا في نظرك شنووو؟قولته ليهو ولا شي ،غير انك وشكك عامل زي الشمبانزي شعرك بقى كتييير ولحيتك داعشيهه بقيت زي الأهبل وشكلك مؤلم ياخي😴ضحك قال لي دي نظرة ليك اسي حاولي اللبسي نظارة لو سمحتي 😒💔قولته ليهو انا طالعه ،قال لي طالعه وين بالليل دة؟قولته ليهو عايزة لي رصيد وبيبسي،قال لي بيبسي م تشربي ابعدي منو فاهمه ولا لأ؟قولته ليهو لشنوو انا بحبو وبعدين انت مالك؟قال لي اسمعي الكلام م تشربي بيبسي والرصيد اسي انا بحولو ليك م تطلعي بالليل دة الدكان فاهمه؟قولته ابييييييت،قال لي شهههههد 😒قولته ليهو طيب خلاص اها خليتو،قال لي طيب تصبحي على خير،على كدة قفلنا
كلنا لما نحب م بنتصالح مع نفسنا وبننكر فكرة انو بنحب الطرف دة وبنكذب مشاعرنا وم بنعترف بيها حتى مع نفسنا ودة الشي الكان حاصل معي انا💔
...
،الصباح فتحته الفيس لقيتو منزل صورة وهو سايق وكاتب عليها:جميلهه لدرجه انها تستطيع ان تجعل عجوز يراها ويعتدل في جلسته ثم يقول:
الأ ليت الشباب يعود يوما😊👣
صباح االدوامات💔😻المشكله لقيت اريج معلقه ليهو قالت ليهو صباحك بدأ ولا لسسه؟قال ليها صباحي ببدأ بعد م اسمع صوتها❤
طبعا اتغظتهه غييظ قولته عامل فيها رومانسي وكاتب لخطيبتو كلام سمح ،واريج التافه خليها تصبر😪💔بعد الفطور اتصل علي في البدايه م رديت المرة التانيه قولته ليهو نعم😒قال لي صباح السرور،قولته ليهو وصباحك،قال لي شنو مالك متنرفزة كدة؟قولته ليهو ماف شي بس ماشه على المستشفى وكدة،قال لي طيب انا كمان في الدوام بس حبيت اتطمن عليك،قولته ليهو شكرا وقفلته الخط،اثناء م اناةفي الدوام اتصلته علي دكتورة مها قالت لي وين انتي؟قولته ليها في قسم الأشعه،قالت لي تعالي مكتبي انتي مش اليوم عندك مقابله؟قولته ليها ايوة بس اسي مشغوله،قالت لي انا بكرة مسافرة وم برجع الا بدايه الشهر الجاي وبعد نص ساعه انا طالعه وتاني م عندي رجعه المستشفى تعالي عشان اعمل ليك الموجات الصوتيه واشوف دمك كيف عشان والله ي شهد تاني لو طلعته م بتلقيني✋قولته ليها خلاص سمح جايه جايه م تطلعي انا ماشه عليك بليييييز م تطلعي ،وطلعته مستعجله ،علشان عارفه دكتورة مها اتجاها واحد،اثناء م انا ماشه كدة حسيت بي حاجه بتزلقني ،حاولته اثبت بس م حسيت بي نفسي إلا وانا واقعهه في الأرض،واحدة من عاملات النضافه ااشغالين في المستشفى جات جاااريه رفعتني بس رجولي م كانو شايلاتني وبطني دي كأنو فيها شوك او بطعنوني فيها بسكاكين،بقيت اقول ليها نادي لي دكتورة مها،جو الممرضات شالوني ،واحدة منهم قالت ليهم عندها نزيف اسرعو نادو ليها اي دكتوور،بقيت اصررخ واقول ليهم دكتورة مها وين نادوها لي،دكتورة مها جات داخله قالت ليهم خيير في شنوو؟قالو ليها العمال بنضفو وجات ماشه اتزلقت،بقيت اقول ليها دكتورة مها اللحقيني😭😭😭😭😭😭😭😭💔فجأة اغمى علي ،صحيت لقيت قصي قاعد جنبي وببكي،وامي بتقول ليهو شيل الصبر ي ولدي وفاتن بتبكي،،،قولته ليهو قصي؟م رفع عينو ولا عاين لي حتى،قولته ليهم في شنوو ي جماعه؟دكتورة مها دي من شدة م كانت بتبكي لمن م قادرة تتكلم،قولته ليهو قصي في شنووو؟ماما قالت لي طبعا ي شهد ي بتي كل شي مقدر ومكتوب واراد الله انتي وقعتي واجهضتي ،...
يتبع.....
