“ သက်တံ့အောက်က စတေးခံလူသားများ ”
------------------------------------------------------------
.... အခန်း (၄) ....
တိတ်ဆိတ်သန့်ရှင်းတဲ့ ဘီယာဆိုင်လေးထဲက အထူးခန်းထဲမှာ ကျွန်တော်၊ ကောင်းစစ်နဲ့ မင်းမွန်တို့ သုံးယောက် ထိုင်နေကြတယ်။
စားပွဲပေါ်မှာ အကောင်းစား အရက်ပုလင်းအချို့နဲ့ အမြည်းအစုံ၊ နောက်ပြီး
ကောင်းစစ်ပုံမျက်နှာဖုံးနဲ့ မဂ္ဂဇင်းတစ်အုပ်။
အောင်ပွဲခံတဲ့အထိမ်းအမှတ်နဲ့ ဒီနေ့ည အတူ သောက်ဖြစ်နေကြတာပါ။
“ကိုမင်းမွန် .. သောက်သာသောက် .. မူးအောင်သောက် .. ဒါပေမယ့် အရမ်း မူး မသွား သေးခင်မှာ ကျွန်တော်နဲ့ကိုမျိုး ကိုမင်းမွန်ကို ပြောစရာရှိသေးတယ်”
“ဟေ .. ဘာတွေလဲဟ .. မင်းတို့က ငါ့ကို ဘာတွေပြောဦးမလို့လဲ .. ခုပြောကွာ .. နားထောင်ပြီးမှ သောက်မယ်”
“အေးဆေးပေါ့ဗျ … သောက်ရင်းနဲ့မှ ဖြေးဖြေးပြောတာပေါ့ …”
မင်းမွန်က ကျွန်တော့်မျက်နှာကို လှမ်းကြည့်ပြီး မျက်ခုံးပင့်ပြတယ်။ ဘာတွေလဲ ဆိုတဲ့ သဘော။
ကျွန်တော်လည်း ပြုံးနေလိုက်တယ်။
ကျွန်တော်နဲ့ ကောင်းစစ် စတူဒီယိုလေးထဲမှာ မြင်မြင်ချင်း ချစ်မိတဲ့နေ့ကနေ စပြီး
ဒီနေ့ဆို လေးလ ကျော်ခဲ့ပြီ။
ဒီလေးလ ဆိုတဲ့အချိန်အတွင်းမှာ ကောင်းစစ် ကျွန်တော့်ဆီ လာအိပ်တဲ့ညတွေလည်း များခဲ့တယ်။
နှစ်ဘက် မိဘတွေကတော့ ကျွန်တော်တို့အကြောင်းကို မသိကြတော့ ရိုးရိုးသားသားပဲ ထင်နေကြတယ်။
ရင်ခုန်သံချင်း တူတဲ့ အပြာရောင်ညပေါင်းများစွာကို ဖြတ်သန်းပြီးခဲ့ကြတဲ့နောက်မှာ
ကျွန်တော်တို့နှစ်ယောက် အရာရာကို ရင်ဆိုင်ပြီး လက်တွဲသွားကြဖို့ ဆုံးဖြတ်ခဲ့ကြပြီးပါပြီ။
ဒါပေမယ့် ကျွန်တော်တို့ အဆင်သင့်ဖြစ်မယ့် အချိန်အတိုင်းအတာတစ်ခုကို စောင့်နေကြတယ်။
ကောင်းစစ်နဲ့ ကျွန်တော် ရန်ကုန်မှာ အခြေချမယ်။
ကောင်းစစ်လည်း အနုပညာအလုပ်တွေ ဆက်လုပ်ပြီး
ကျွန်တော်လည်း photographer အဖြစ် ရပ်တည်ကြမယ်။
ပတ်ဝန်းကျင် အသိုင်းအ၀ိုင်း တွေကို ဖယ်ထားပြီး
ကျွန်တော်တို့ နှစ်ယောက်ထဲ ကမ္ဘာလေး ဖန်တီးနိုင်ကြပြီပေါ့။
ကျွန်တော်တို့ အသေးစိတ် အစီအစဉ်တွေကို ရေးဆွဲထားကြတယ်။
နှစ်ယောက်အတူ ကြိုးစား ဖန်တီးမယ့် အချစ်ကမ္ဘာလေးရဲ့ Plan လေးကတော့ အတော်လေး ခိုင်မာနေပါပြီ။
YOU ARE READING
သက်တံ့အောက်က စတေးခံလူသားများ
Romanceလူသားတိုင်း တန်းတူညီမျှပြီး လွတ်လပ်ခြင်းအခွင့်အရေးအောက်မှာ ဆုံဆည်းနိုင်ကြပါစေ။ Phoe Thar Lay
