"مجبوره ادخل مدرسة عيال"

بارت 17

قطع تفكير ريمم : هيه
ريم ناظرته بصدمه بعدين نزلت راسها: لي اسم
:ماعرفه طيب (وضحك)
ريم : مو لازم اقول اجل
: اسم ترا محد بياكله
ريم قامت تبي تروح مسكها فهد ولصقها بالجدار الخيمه (مدرس شتسمونه ^_^) وقال: شوف امشي معي صح امشي معك صح
ريم قلبها يدق وخايفه بس ماتبي توضح : وش تقصد؟
فهد : انا اذا حطيت شخص براسي مابيسلم مني
ريم بخوف: وان.. ا... ووش...دخلني؟
فهد ضحكه ع جنب : لان يمكن تكون انت الي براسي (وراح عنها)
ريم وش يقصد ذا يعني الحين حطني براسه هو عرفني اكيد عرفني الوضع مايطمن اوهه قلبي يدق بقوه كله بسببه اووف يارب ماعرفني لا هو ماعرفني اصلاً ايه ماعرفتي.

نجي عند ناس بالمستشفئ.
سالم بعد ماطلع الدكتور:دكتور وش صار؟
الدكتور: عطيناهم مغذي وان شاءالله بعد شوي بيقومون
سالم :عادي ادخل اشوفهم؟
الدكتور: معليش لا لازم يقعدون شوي بعض المغذي
سالم :اوك
الدكتور: طيب وش صار لهم هم عشان ينزفون كيذا؟ سالم توتر :أ.. أ... حادث عند التقاطع
الدكتور :اها، اتمنئ تنتبهون مره ثانيه هاذي المًره ربك معهم المره الثانيه ماتدري... (وراح )

عند الشباب..
ريم بعد ماراح فهد،، وشذا مريض نفسين قبل شوي شايفته منفس والحين اشوفه يضحك مريض ولا فيه شي لحظه وين الشباب؟ (تدور بعيونها) رائد وينه بدق عليه اشوف (دقت 4مرات وطلع الرقم مغلق) وشفيه مايرد ماهي من عوايده
يوسف ينادي: هيههه ريانن
ريم ناظرته بسرعه: هلا
يوسف : بسرعه تعال
ريم وش يبي ذا بعد وراحت له : هلا
يوسف : اقعد معنا وسولف
ريم ابتسمت له : لا عادي بقعد هناك
يوسف : ليه؟ تعال اقعد عادي
ريم : لا شكراً
يوسف : اوك مابغصبك ع شي.
ريم راحت رجعت لنفس مكانها وجلست وفتحت جوالها وقعدت تطقطق عليه الين ماجاء شخص وجلس جنبها يقول : اشفيك قاعد لحالك؟
ريم ناظرته بصدمه : لاولاشي بس كيذا
: ابي اسألك عادي؟
ريم الله يستر من سؤاله: اسأل
: الحين متأكد انك ولد؟
ريم بققت عيونها : ايشش!!!
: سؤالي واضح
ريم : ايه متأكد اني ولد فيه اعتراض
: لا ابد بس اشك فيك
ريم توترت ولا تعرف وش تقول :............لارد
:اشك في حركاتك وشكلك انك..
ريم قاطعته وهي تقول : مو بنت ولد ولد
: خلني اكمل، اشك انك خكري
ريم اه اشوا بغيت اموت من الخوف : لا لا ماعليك رجال
:طيب (وراح)

عند الشباب
فهد: ياعيال!
عزام:ها، وشو؟
الباقين:هلا
فهد :عندي لكم مكان يروع القلب
عزام : كيف نروح من المخيم ياغبي!
فهد : اليوم الكل بيروح للبيت صح؟
الكل : ايه
فهد :خلاص ناخذ اغراضنا ونمر المكان بطريقنا
خالد : والله انك صادق
عزام :خلاص اجل 3اسخاص بسياره
خالد : ايه صح
فهد :عزام انا معك
عزام : اوك باقي واحد مين؟
فهد يغمز لعزام ويناظر ريم بمعنئ هذا نبيه يجي معنا
عزام : اوك ريان معنا
ريم ناظرته مبققه عيونها : انا!
عزام ابتسم : ايه انت!
ريم : لا انا بروح مع احمد
عزام : بتجي معنا وخلاص
ريم : مابي
عزام : ماسالتك اذا تبي او لا
ريم تحلطم: اووف.
عزام : الا فهد وشو المكان؟!
فهد : المكان توه فتح هو مجمع بنات وعيال ونبي نروح له ونطقها فله ووناسه
عزام : قدام ياولد العم
فهد : الله ياجعلني فداك
عزام :وفداك
خالد لفهد : احلف؟!
فهد : والله وان بغيت تصدق ولا بكيفك
خالد : اليوم؟
فهد : لابكره شرايك يعني؟
خالد : الساعه كم؟
فهد : الساعه 8الليل
خالد : اها يعني بعد صلاة العشاء
فهد : ايهه
خالد : طيب
عزاام :فيه بنات مزز ولا يمشي حالهم؟
فهد غمز له:لو مافيه كان ماقلت لكم اصلاً
عزام ضحك :ههه ينعن شكلك