"مجبوره ادخل مدرسة عيال"

البارت 27

هيفاء لاحظت العنود وهي قاعده لحالها وواضح انها متضايقه وقالت: بناات
البنات : هلا
هيفاء :تعالو نشوف العنود
كلهم ناظروا العنود وركضوا لها
هيفاء : وش فيك!
رنا : ايه صدق وش فيك!

العنود : مافي شي
هيفاء : علينا يالعنود انتي متضايقه وواضح على وجهك
رنا : امانه قولي وش فيك بديت اقلق
نوال جلست جنبها : وش مضايقك عادي قولي طول عمرك ماتخبين علينا وقفت على ذي
العنود : طيب بقول بس لحد يهاوش ويزيد علي الي فيني مكفيني
البنات : طيب قولي
العنود : انا مرهه كنت بـ مول وكانت معي اختي شهد بس كانت بدورة المياه كنت قاعده بمكان زي الكافي ولحالي جاني واحد وعطاني رقمه على اساس ان عنده محل وكذا وانا كنت ادري انه يكذب ورجعت البيت وكلمته وهاوشته وكذبت عليه وقلت انا بنت عمك ماتستحي قلت يمكن يحذفني اذا عرف اني بنت عمه
نوال : يوهه وليه كذبتي ! طيب وراح عنك ولالا!
جنان : اسكتي خليها تكمل (وناظرت العنود)كملي
العنود : المهم ماراح عني وقعدت معه حول شهرين او شهر ونص المهم أنه بدأ يتعلق فيني وانا ماقولكم اني احبه بس مدري وش اقولكم وبسبب كذبتي افترقنا وتونا اليوم افترقنا
نوال: ياقلبي كسرتي خاطري طيب قولي كنت خايفه ومن ذا الشي وكذبت
رنا : لالا اذا كان يحبك بيرجع لك بنفسه
مريم : واذا ماكان يحبها!ويعتبرها زي ماتعتبره هي
شهد جلست جنب اختها وقالت: لاتخافين اكيد بترجعون لبعض دام ربي جمعكم صدفه بيرجعكم صدقيني
العنود : والله مدري وش اقول لك بصراحه بس شكرا ريحتوني
نوال وقفت ومسكت يدها : يلا قومي استانسي معنا قبل كل وحده ترجع بيتها
العنود ابتسمت : اوك يلا
وقامت معهم واستانسوا وبعدين رجعت كل وحده لبيتها

عند عبدلله ..
بعد ماراح بسيارته رجع لبيته
ام عبدالله : يمه حبيبي وش فيك!
عبدلله : يمه مالي خلق اتكلم بعدين خليني ارتاح
ام عبدالله : موب من عوايدك ترجع بدري اكيد صاير لك شي
عبدلله: يمه خلاص تكفين ابي ارتاح اوففف
ام عبدالله: كلم امك زين ويلا رح نام
عبدلله : زين ( وراح ركض لغرفته )
ام عبدالله : يابو عبدالله يلا تعال العشاء جاهز واذا العيال عندك نادهم
ابو عبدالله: يلا يلا
وتعشوا ..
عند الاستراحه حقت حمد
سالم : حمد
حمد : هلا
سالم : انت بتجي اول يوم اختبارات !
حمد : لا مابي اختبر (بائع حياته نص الدراسه مادرسها)
سالم : وين بتروح
حمد : بروح لتوجيهه وافل اوم اوم امها
سالم يبي يفتك من الاختبار : بجي معك مابي اختبر
حمد : نو مافيه لقيت معزز جديد ههه
سالم : افا ومنهو ذا؟
حمد : واحد جديد بعرفكم عليه بعدين
سالم : بكره عرفنا عليه
حمد : لا كل شي بوقته حلو
سالم : اوفف يعني مافيه هينا قريب
حمد : اقول ذاكر وراك اختبار بكره ههههه
سالم : من متى وانا اذاكر اصلا
حمد : يلا انا برجع البيت
عامر : وصلني بيتي على دربك
حمد : يلا امش اركب
عامر : يلا معسلامه
سالم : معسلامه
وراحوا ..
طارق : ومتى ناوي تروح ؟
سالم : بعد شوي !
طارق : وليه موب الحين؟
سالم : انتظر تاكسي يجي
طارق : اقول امش امش بوصلك انا
سالم : صدق؟
طارق : لا كذب امش مابقى الا انت وبوصلك
سالم : أوك يلا
وراحوا..