حب مع سبق الإصرار والترصد ⚘
بقلمي شمعة امل ⚘
الجزء الثالث عشر ⚘
رائد ....يمه يافقار لاتخليني املخ روحي ....
يمه لعد منو قصدك شنو اكو ابالك وحده .....
تره متلكه أحسن من وقار ...مو هاي مرت اخوك ...دشوفهه شلونهه مثل الورد ....
وهيه اختهه مثلهه ...
رائد ....يمه ياورد ...ليش هيه هاي ورد لو عاكول ...حشه خلقة الله ...صح ملامحهه مقبوله ....بس هيه مااحس عدهه انوثه ....
يوم اني اريد اتزوج وحده تهنيني ....
..مواتزوج عريف عبود .....
ام رائد..... هههههههه يوووه يرائد انزول عليك شلون سوالف ....
زين دكلي لعد منو ابالك ..بس حسب حساب قبل لاتحجي ....تره الي تختارهه اذا ماعجبتني ماازوجك غير فقار ...يووووه لخبطتني قصدي وقار ....
رائد ....ههههههههه .....
......يوم ...البنيه كلش حلوه ....
وأخلاق ....
وبنت عائله محترمه ....
واهلهه ناس مستورين ......
وتره جيران حسام ....الباب كبال الباب ....
ام رائد ....صدك يمه ...زين وين شفتهه ....
اشو مامنتبهه على جيران بيت اخوك ....
اول مره اعرف عدهم بنيه مامتزوجه .....
رائد ....لا يوم ....هيه تره مطلقه وعدهه طفله ....
ام رائد ....يااااا وشلك بهيج زواج ...
...تاخذلك وحده مطلقه وعدهه طفله ....
....وانت شاب وشلونك والف من تتمناك ....
......هاي شجابهه عليك ....
......اخاف مسويتلك سحر ....
رائد ....ههههههه لا يوم سحر شنو ....
....يوم اني شفتهه خوش مره وانسب وحده الي ....
ام رائد ...يمه شنو أنسب وحده هاي مطلقه ....
......اني اريد ازوجك وحده مامتزوجه ..
....لا وفوكاهه عدهه طفله.....تكعد اتربي بنت غيرك ....
رائد ....يوم شنو هالحجي ...وإذا مطلقه .....
لعد اني هم مطلك
...شنو يعني ....الي يطلك لازم بعد ميتزوج النوب ..
..ادري لعد هو مو هم انسان ومن حقه يعيش حياته من جديد ...
...اني مريت بتجربه فاشله
....شنو لازم اسوي اموت روحي يعني ...
والله شنو طلكت ....
...وبعدين هيه ماسوت جريمه من اتطلقك .....
انسان عاشت وياه فتره وماتفاهموا واتطلقوا ....
......حتى الشرع.... يعتبر الطلاق أفضل الحلول السلميه... بين اثنين مامتفاهمين .....
ام رائد ...اي لعد شنو اتريد اتجيبلي جنه مطلكه ...وعدهه بنيه ...
........إذا اتريد لعد رجع مرتك ...اصلا هيه بعدهه تتمنه بس اشاره منك ...
...ولحد الان تتصل بشهد وتسأل عليك ....
رائد ...يوم انتي صدك تحجين ...
.......اني ارجع لهذيج..........
...... والله لو اموت ماارجعهه .....
..اصلا اني ماصدكت خلصت من تفاهاتهه ...
انسانه سطحيه وتافهه بشكل ...
عقلهه فارغ من كلشي ....
ام رائد ...اي بس على الأقل تعرفهه وتعرف اطباعهه خو مو تروح اتجيبلي وحده مدري منين مامنين ....
رائد ...يوم شنو هالحجي ..
.اصلا هيه كلش خوش مره ..
.واهلهه كلش حبابين ....
وموتكلين بنت فكر حتى خاف تكليلي طمعانه بيك وباملاكك ...
...بس هيه وحدهه عدهه بيت وسياره وكاع باسمهه وذهب وفلوس ومحل كماليات باسمهه وهيه اتديره ....
يعني البنيه مداخله على طمع ...مثل فقار ....
ام رائد ..ليش يمه البنيه شبيهه ...دشوفهه شلون حبابه وام بيت ....
شوف يمه ...اني هاي البنيه مداخله عقلي ....
صح هاي حياتك ..
.بس هاي البنيه....
. اذا اتريد تتزوجهه......
من هسه اكلك اني معليه بكلشي
...انت روح اخطب واتزوج ...وعندك بيتك هذاك ...روح اتزوج بيه ....
رائد ...يوم ...هذا شلون حجي ...ليش اتفكرين هيج
...نسيتي اختيارج الاولي ..
.نسيتي مرتي الاولى
انتي مواختاريتيهه بنفسج ...
.تدرين شلون جنت عايش وياها .. بس حتى ارضيج .
..لان انتي راضيه عليهه
بس انتي ابد مفكرتي ...
....إذا كنت عايش مرتاح وياها لو لا ....
....انتي ابد مفكرتي بسعادتي ....
يوم سامحيني دااحجي وياج هيج ...
....بس هاي حياتي .... المفروض انتي اتحسين بيه
وتعرفين شنو اليرضيني واليزعجني ....
