حب مع سبق الإصرار والترصد
بقلمي شمعة امل
حب مع سبق الإصرار والترصد
بقلمي شمعة امل
الجزء الثالث
اماني ..رجعت للبيت الظهر تعبانه حيل بعد ماجبت رهوفتي
ساعدت ماما بالغده وبعدين اجه بابه
وكعدنه اتغدينه
ام اماني ...
امونه اليوم تجي خالتج ليلى تتعشه يمنه
اماني ..اي ماما هله بيهه
..ويجوز سامي يجي وياها ...
.أهووووو ماما هم راح اتردين تفتحين هذا الموضوع موكلتلكم الف مره مااريد اتزوج
وسامي اعتبره مثل اخويه احنه متربايين سوه شنو انتوا متملون
ام اماني ...ولج ماما شنو انمل انتي لشوكت راح تبقين هيج الي بعمرج عدهه دسته اطفال وانتي وعايشه ويه زوجهه احلى عيشه وانتي بعدج شابه شفتهمتي من حياتج
اريد اشوفلج سند تتسندين عليه بحياتج من بعدي احنه تره مدايميلج اني وابوج
لج ماما ميصير تبقين هيج الدنيه كلهه ذيابه
اماني ..ماما وشنو الفرق ليش اني مو كنت متزوجه قبل...
مو كان عندي رجال موهم كنتوا حاسبيه سند الي
وشوفي اشسوه بيه هو وامه عشت وياه اتعس أيام حياتي
والنوب ترديني اعيش نفس التجربه من جديد اني ماصدكت خلصت منه
ام اماني ...ماما بس اهنا المساله تختلف سامي يحبج وخوش رجال وانتي تعرفيه
دكتور جراح ومالي مركزه وعنده عياده وبيته وحد ويدللج
ماما رجائاً سدي الموضوع مااريد اسولف بيه اريد اروح ارتاح شويه قبل لا ارجع للمحل
ام اماني ...شفت حجي جعفر سمعت بنتك
ابو اماني ..يامره موكتلج عوفيهه براحتهه لاتبقين تضغطين عليهه هيج هاي حياتهه ميصير احنه نتدخل بيهه شفتي بزواجهه الأولي شصار من خليناها تتزوج هذا المهتلف مازن ثبرتينه بيه على خوش ولد واهله ناس زناكين ويعيشهه بخير
وراح نتطمن عليهه واني من البدايه ماجنت قابل بس انتي اصريتي على زواجهه وجبرتيهه تقبل
يامره عوفيهه هاي آخر مره اكلج هاي الحجايه لاتدخلين بخطيتهه واتدمريهه
...اي لعد خوموتبقه هيج طول عمرهه
...ام اماني خلي الأمور تمشي طبيعيه واذا الهه قسمه فربج يدبر الأمور فهمتي بعد مااريد أعيد كلامي وبعد بس اسمع انتي راح تجبريهه على الزواج ثقي بالله متلومين إلا نفسج
.ام اماني ....يااااا هاي هيج صارت جعفر
....اي هيج صارت ...اروح انام فد ساعه حتى ارجع بعدين اروح للمحل
رائد ...واني بالمركز اتصلت الوالده ....
الوووو الله يساعدك وليدي ...
...هله يوم اشلونج ....
بخير وليدي ....اكلك رائد احسب حسابك اليوم ترجع من وكت اخوك اليوم عازمنه على العشه ابيته
....رائد يوم موتدرين اني مااكدر انطيج موعد مضبوط على جيتي اني وقتي مرتبط بشغلي
...يمه لعد اشلون لازم تضبط مواعيدك باجر عكبه وراك زواج وبيت ومسؤليه هم تبقه هيج النهار كله بره البيت ...
رائد ....هاااااا كلتيلي زواج وبيت وان شاء الله ناويه اتزوجيني فقار
...شوف باعوا السوالف ولك فقار شنو اسمهه وقار على الأقل نعرفهه خوش بنيه وموغريبه علينه هيه اختهه لمرة اخوك
...رائد يوم سدي الموضوع رجاءً هاي حياتي واني من اريد اتزوج اني اختار واجي اكلج زين
...زين افتهمنه بس هم لاتتاخر اليوم
...إن شاء الله. ....وسديت التليفون ...
شلون ورطه هاي بالله اكو واحد يتزوج من وحده اسمهه فقار حتى كل انوثه ماعدهه وبس تعرف تتنوعوص واني اتخبل من البنيه المايعه والتتنوعوص وتتصنع الانوثه
اكمل التحقيق احسنلي ...
.....سيدي ....هذا الفايل بيه معلومات كامله عن صاحبة السياره
..اي عفيه اجتي بوقتهه خلي النقيب ياسر يكمل التحقيق بين مااجي اني ...
...أمرك سيدي ..
رائد... كعدت وبديت اتصفح بالفايل ....وبكل هدوء بديت اقره
اسمهه اماني جعفر عمرهه 28 ....حلووووو مطلقه وعدهه بنيه
....ابوهه عنده محل ملابس نسائية
وهيه عدهه محل كماليات الأماني
حتى ذاكرين معلومات عن طليقهه
هاي شنو ساكنه بحي الجامعه. عنوان بيتهم مقابيل بيت اخويه
الله عليك ابو الرود شنو هالصدفه الحلوه ...
هاي هيه لخاطر اماني اليوم اروح اشوف فقار
هههههههه
....سيدي فقار منو ....
رائد .... فزيت من مكاني
استغفر الله ولك اني شكم مره اكلك لاتفززني هيج ولك فلاح شلون بيك
فلاح...سيدي اني غير حبيت اتطمن عليك كالولي الفايل وصل لايدك كلت خلي اشوفك قريته لو لا
رائد....وانت شعليك بس اريد اعرف ..
فلاح....سيدي موكلت حتى بس انبهك طلع عنوان بيتهم مقابيل بيت اخوك الي اليوم راح اتروحلهم حتى فقار اتشوفك ههههه
رائد ..ولك هاي انت شمدرك طلعت قاري الفايل زين شمعرفك اني اليوم رايح يم بيت اخويه
...فلاح سيدي مو كنت دااعلك صوره يم باب غرفتك وسمعت الحجي .آسف والله موقصدي اتصنط عليك
رائد.بعد تعال ....ليش متجي تكعد بمكاني واتروح لبيت فقار ...قصدي وقار ...
فلاح..... لا اشكرك سيدي اليوم اني معزوم ابيت خطيبتي نوال ....
رائد ... شو دروح من يمي قبل لاابتلي بيك انت ونوال
فلاح ...صدك لو كالوا سوي زين وذب بالشط
رائد ...شكلت ...
....سلامتك سيدي ..... وطلع من الغرفه
رائد .... ولكم راح يخبلني هذا فلاح أفندي بس شسوي خوش ولد وخطيه ابوه انقتل ويه والدي وامه كل متشوفني اتوصيني عليه
بس هههههههه صدك يضحكي بسوالفه
....ورجعت اقره بفايل اماني من جديد .....
وبقيت بالمركز إلى أن صارت بال 7 وطلعت حتى اروح اخذ اهلي لبيت اخويه ....
بالطريق خابرتهم حتى يتحظرون ....
وصلت للبيت وطبيت على السريع صعدت لغرفتي سبحت وطلعت و بدلت ملابسي وكلتلهم اصعدوا بالسياره جاي وراكم
قفلنه البيت وطلعنه همه مو بعيدين علينه لذلك مااتاخرنه بالطريق
وصلنه لبيت اخويه ونزلت الوالده واختي من السياره
ودكوا الباب
دااقفل السياره واشوف سيارة اماني واكفه
اني اصلا حفظت رقم السياره لذلك بسرعه عرفتهه بصراحه مدري ليش ارتاحيت من شفت سيارتهه حسيتهه قريبه عليه
المهم دخلت لبيت اخويه سلمت عليهم وكعدت
اسولف ويه اخويه بين ميجهزون العشه
واول مطبيت لكيت فقار بوجهي 😝
قصدي وقار
وقار ...هله برائد اشلونك
رائد ...باوعتلهه صفح ....هله بيج اختي
وقار ...سمعته كال اختي واني بودي اخنكه هذا شوكت يحس بيه
رائد ...بسرعه عفتهه ومشيت يعني اني اتلكاها من المجرمين الي عندي بالمركز لو من فقار ...
.....هاي شبيك رائد ...اشو اتسولف ويه روحك ..
....هاااا على أساس اتسوي نفسك متعرف مو .. عازمني على العشه حتى اشوف اخت مرتك بلله شدعي عليك .....
....اي غير انريد نفرح بيك يخوي
اي هسه انت لو لاكيلك وحده بنت حلال واتزوجتهه جان خلصت من زمان من هاي الورطه
رائد....اكلك هو اني قابل راح اشتري كيلو طماطه غير اتزوج الي يرتاحلهه كَلبي
...زين بشرفك معقوله لحد الآن مالكيت وحده يرتاحلهه كَلبك
رائد....يعني ...بعدني دااشوف ...
....رائد صدك تحجي .....
رائد...اششششس اسكت يمعود لاتروح تسمعك فقار
....ههههههه عليك الله تحجيلي شلون اتضم على اخوك ...
يتبع .....
