حب مع سبق الإصرار والترصد ⚘
بقلمي شمعة امل ⚘
الجزء الخامس ⚘
اماني وصلت للمحل واني مامصدكه أخيرا خلصت من الازدحامات ونزلت بس احس رجلي كوه شايلتني جسمي كله يرجف
من شفت رائد مدري شصار بيه
بصراحه عجبتني جرأته بس بنفس الوقت هم ضجت اعتبرته زاحف 😁😁😁😁
المهم دخلت للمحل كان منير جاي قبلي وكانت صابرين هم موجوده
منير ..اماني اكو بضاعه بدت أتقل من المحل وعليهن طلب راح افتر عليهن واشوف شنو الموجود وشنو الي نقص عدنه حتى من اروح اتسوك اجيبهن
...اماني ...دتسمعيني ....اماني هاي وين صفنتي .....
اماني ...هااااا لا لا ماصفنت هيج ...
منير.. شلون هيج اليوم انتي موطبيعيه من اول مدخلتي ...شنو صاير شي ..سولفيلي اني هم مثل اخوج ..
اماني ..والنعم منك اخ ..بس لا هيج شويه شردت بافكاري ....
منير ..هااااااا شردتي بافكارج اي وتالي وين وصلتي من شردتي ...ههههههه
اماني ...هاي شبيك وين اشرد ...
وبعدين تعال اكلك هو منو الي على طول صافن بالمحل اكو ناس مدوخين عقلك بس ولا على بالهم ..😉ههههه
...اشششش يمعوده ابد متعرفين اتضمين حجايه .....
....هاي شبيك وهسه اشكلنه قابل صحت صابرين وكلتلهه منير يحبج
صابرين ...هاا خير سمعت اسمي ..
منير ..لا هيج ماكو شي بس اماني رادت تعرف شكد باقي عدنه صابون مال وجه
واباوع لاماني خربانه ضحك.
بسيطه اماني اني اعلمج إلا افش تايرات سيارتج الاربعه وبنص سيطره اني اعرفهه
😉😉😉😉هههه
اماني ...لالا يمعود اتشاقه بعد ما اسويهه
صابرين.... هاي شبيكم شنو ياسيطره هو شكو
اماني... اني اكلج شنو
منير ...انتي اسكتي ...شو تعاي صابرين خلي اسولفلج نكته عوفيهه هاي مومال واحد ينكت وياها
اماني ....هههههههه براحتكم هسه اني صرت عزول بسيطه ههههه
ورجعت افكر برائد كل مااذكر شكله وهيبته وجرأته من اتكلم ويايه احس رجفه بكَلبي محاستهه قبل وماافتهمتهه شنو وليش إحساس اول مره احسه مااعرف شلون اوصفه
هاي شنو اماني ....شنو أحلام العصافير هاي
هاي السوالف متفيدني اني اخذت نصيبي من الحياة ولازم أقنع بواقع الحال
ورجعت اتابع الزبائن الي دخلوا للمحل
رائد رجعنه للمركز لان كان عندي شغل هناك لازم اتابعه بنفسي ..واستمر اليوم كله تحقيق ويه المجرمين واتابع المعلومات الي توصلني اول باول إلى أن صار الليل واني محاس بالوقت
تالي كعدت وحدي بالمكتب وطلبت كهوه شويه اريد اصحصح لان كلش تعبان
جابوا فنجان الكهوه وبديت اشرب وشويه صفنت واتذكرت اماني
اتذكرت وجهه اليوم الصبح من حجيت وياها
ياالله حسيتهه طفله زغيره من شفت خدودهه الحمر ههههههههه مدري ليش شكلهه باقي بذهني مع العلم باليوم اشوف أشكال بنات والمبايل مالتي متروس أرقام بنات بس اني ماالي نفس باي وحده
ايييييييه يدنيه وين تردين توصلين ويايه شنو الي منتظرني بالمستقبل
الله أعلم ....وحتى لو الكه البنيه المناسبه منو يكول هيه تقبل اتعيش ويه واحد عايش نص حياته ويه المجرمين والحراميه
الحمد لله على كل حال
ورجعت طلعت الفايل مال اماني رجعت اتصفح بيه ...مااعرف ليش
ولكيت رقمهه مسجل بدون تفكير طلعت مبايلي وسجلت رقمهه ورجعت الفايل بمجر الميز
اماني ...بعد مارجعت للبيت واتغديت وبعدين نمت الظهر شويه واتصلت بمنير وكتله اليوم مااكدر اجي راح ابقه شويه اريد اساعد ماما بشغل البيت هاي الايام شويه تعبانه
منير ...سلامتهه امونه ماشي براحتج وسلميلنه عليهه وعلى الوالد
...ماشي باي ...
...في أمان الله. ...
اماني ....كعدت رهف وسويتلهه ماعون فاكهه مشكل وبديت اقريهه وبعدين كمت اساعد ماما بشغل البيت
وصار وقت المغرب وسمعت صوت الأذان اتوضيت و رحت اصلي ودعيت انه رب العالمين يحفظ امي اوابويه وبنتي رهف وان يسعد عائلتنه
كملت ورحت للمطبخ اسوي عشه واجتي ماما ويايه هم اتساعدني بس ماخليتهه اتسوي شي اني اريدهه ترتاح كافي حياتهه كلهه هيه تعبانه
كملنه العشه
وبعدين شلت السفره وبديت اغسل المواعين وكعدت سولفت ويه اهلي شويه إلى صار وقت نوم رهف فاخذتهه للغرفه ونيمتهه وبعدين فتحت التلفزيون وبديت اكَلب بالقنوات إلى أن شفت فلم اجنبي مبين حلو فكلت خلي اباوع من زمان مشايفه افلام حلوه بالتلفزيون
وطلع الإعلان وكلت خلي اسوي فنجان كهوه اشو عجبني اشرب كوه ويه الفلم
نزلت جوه وسويت فنجاني وحطيت بالصينيه شويه كليجه ورجعت بسرعه للغرفه همزين الإعلان كان بعده مخلصان
شويه ودك المبايل. ...شنو هذا رقم غريب ....
مجاوبته .....همزين خلصت الدكات وسكت
شويه وبده الفلم ....ظليت اتابع واشرب الكهوه
وهم شويه ودك المبايل من جديد
هذا نفس الرقم ....بس هم معجبني اجاوب إلى أن خلصت الدكات ....واني استمريت اتابع الفلم وصدك كان فلم كوميدي كلش حلو
محتاجه شويه ضحك بحياتي مليت الكآبه
حطيت منبه وهستوني داانام وهم رجع دك المبايل
باوعت هذا نفس الرقم ...صح الوقت متاخر بس هالمره كلت لازم اجاوب خاف احد من اقاربنه صار بيه شي ويجوز ديتصلون على ماما وبابا وهمه خالين مبايلاتهم صامت لان نايمين هسه
فكلت خلي اجاوب .
..فتحت خط وكلت الوووو
....الووووو ......الوووو وووو
محد رد رجعت سديته وكلت يجوز متوهمين
المهم خليت المبايل على صفحه وهم رجعت نمت
الصبح بده الماراثون الصباحي مثل كل يوم
وصلت رهف للمدرسه
وطبعا كان لازم افوت من نفس السيطره
وصلت للتفتيش وبصراحه كان عندي فضول انه اشوف رائد مااعرف ليش
باوعت شفته واكف من بعيد يم سيارته أعتقد مشافني
يله همزين اجتي من الله منتبهلي
وكملت طريقي للمحل وبده الروتين اليومي
رائد ...مااعرف ليش بدت افكاري تتغير
البارحه ممجاوب ولا على أي بنيه
احس ماإلي واهس بكلشي ....اريد استقر بحياتي
احس نفسي محتاج لمره تملأ عليه حياتي
بس مامحدد منو هاي المره خلي الزمن يبينهه الي اهم شي موفقار هههههههه
شفت اماني اجتي بس سويت نفسي ماشفتهه
اليوم طالعه اتخبل هههههه ام الدشداشه
طلعت بسيارتهه من السيطره واني بعدني اتبعهه بعيوني ....اوووف ام دشداشه ....
....سيدي شلونك ....
رائد ....وجان افز ...ولك فلاح هاي اشبيك تجيني فجأه بدون مقدمات ادري متعرف تتنحنح
اتكح .....ولك على الاقل اعطس ..حتى اعرف انت اجيت ...
..فلاح ....ااااتشششششوووووو
هسه زين سيدي .....
رائد ....اي ...يرحمكم الله ...خير شكو شتريد
فلاح ...لا هيج ماكو شي بس ردت اكلك اليوم منور
رائد ...ولك شنو منور احجي شتريد
فلاح ...لا سيدي والله ماكو شي هو بس من شفت سيارة الأخت الفاضلة اماني حسيتك نورت
رائد .....شنو ....ولك فلاح احجي شنو قصدك هسه اريدك اتسولفلي شنو ابالك وشنو علاقة اماني بالموضوع
فلاح ...لا سيدي هاي شبيك ماكو شي بس امي وصتني عليك واتكلي كل شويه اجي اشوفك خاف محتاج شي ....
رائد ...فلاح مامحتاج شي وسلملي على امك وكلهه اشكرج خاله خليتي فلاح يمي
فلاح .. سيدي شنو قصدك يعني اني مضوجك بشي هاي فوك الزين والله لو مااعزك مااجي اسال عليك كل شويه
هاي هيه بعد مااجي ....
رائد ....لاتزعل يله ادري بيك اتعزني
فلاح ..لا اشو زعلت
رائد ...شنو شكلت ..
فلاح ....هااا لاهيج سيدي دااتشاقه وياك هاي شبيك بسرعه اتصير عصبي
خلي اشوف هذيج السياره أحسن
من رخصتك سيدي ....ورحت للتفتيش
رائد.... مرخوص ..عيني .....هههههههههه
شلون بيه صدك ضحكني هاي هيج مبين اني كنت مركز على اماني
ومر اليوم كله عادي نفس الروتين المزعج تحقيق ومتابعه وحركَ اعصاب ...
وتالي الليل ارجع للبيت ميت من التعب
