حب مع سبق الإصرار والترصد ❤
بقلمي شمعة امل ❤
الجزء الواحد والعشرون والأخير ❤
حسام ......طلعت من البيت بعد مارجعت ثريه ....
أتصلت على رائد ...اريد أعرف شنو الأخبار
....الوووووو
حسام ....هلو رائد ...شلونك ..
رائد ....الحمد لله بخير . وانت شلونك ...
هاااا بشر ... رجعت ثريه لو بعدهه
حسام .....لا على بختك اني اخوك ...
اول ماسمعت اريد اتزوج عليهه اجتي وجابت غراضهه والجهال
رائد ...هههههههه الخوف حلو .....
عاشت ايدك ....
حسام ....وايدك ...
...اكلك شراح اتسوون باجر ...
رائد .....ماكو شي هو انروح نعقد الصبح بالمحكمه
وبعدين نرجع لبيت أهل اماني ..لان مسوين حفله زغيره مال عقد هناك
حسام ...زين ....الله يتمم عليكم بالخير أن شاء الله ....
يله خلي اروح اجيب مسواك وشغلات للبيت
لان هاي جايه هسه وكلتلهه رتبي البيت وادري بيهه راح تبقه اتنظف وتنسه الطبخ
رائد ....يله على راحتك ..في أمان الله. ....
اماني .....رحت للمحل ...طبيت ....
لكيت بس منير موجود ...
اماني .....صباح الخير منير ....
منير ....ياهله صباح الخير ...همزين اجيتي هسه ...
قبل لاتجي صابرين .....
اكلج اماني . اتي راح اخطب الاسبوع الجاي ....
وأريد اشتري مكياجات للعروس من وياريت هم اتحاجيلنه ام الصالون الي بصفنه هم حتى اتسويلنه تخفيض اذا علاقتج زينه بيهه
اماني ....اي علاقتي كلش زينه وياها
والمحل كله كدامكم انت وصابرين وبالخير عليكم
منير ......وشنو دخل صابرين بالموضوع ...
اماني ......هاي شبيك منير ...ليش انت موراح تخطب صابرين
منير ......لا .....انسي صابرين ....الحمد لله راح اخطب غير وحده .....بنت خالتي دلال
اماني ......لعد وصابرين .....شنو عفتهه
منير .......اي عفتهه والحمد لله ....
كشفتهه قبل لااتورط واخطبهه....
اماني ......هاي شنو ...منير معقوله هذا كلامك عن صابرين ...
منير .....اي هذا كلامي ....والحمد لله الولد الي جانت تركض وراه هو الي نبهني وحذرني منهه
وسمعني مكالماتهه وياه واعتراف من عدهه بأنه هيه متحبني واتريد تتزوج واحد غني
واني بالنسبه الهه مجرد تسليه لقضاء الوقت ....
اماني .. ...صدك تحجي .....معقوله ....
صابرين هيج اتسوي .....
منير .....لاتندهشين ........هاي دنياتج أشكال اتشوفين بيهه ....
وجان تجي صابرين ......
منير .......سدي الموضوع اجتي صاحبتج
صابرين .....صباح الخير. .....
اماني ....صباح الخير. ..منير اول مشاف صابرين راسا راح على غير جهه
واني ضليت مصدومه من الي سمعته عن صابرين
شبسرعه اتبيع الإنسان الي يقدرهه
مع الاسف عليهه
