جنات.. صباح الخيرر
الكل.. صباح النور
ام جنات.. تعاي ماما اكلي
جنات.. اي اجيت
محمود.. اووف والله ضايج
أبو جنات.. شنو رأيكم نطلع سفرة ماطول باجر عطلة
الكل.. اي اي خوش فكرة
جنات.. اي عفية بابا خلي نطلع كلنة
ليث.. قابل نطلع نصنة شلون ذكاء
جنات.. انتة أنجب ماعليك
أبو جنات.. هاا جنو ليش تغلطين مو عيب هو أكبر منج
جنات.. بابا هذا مايمشي إذا مو رزالة
أبو جنات.. لا هو أكبر منج يلة اعتذري
ليث.. لا عمي ترة احنة هيج وميانة بس اني أحب اضوجهة
علي.. لعد يلة حضروا نفسكم حتى لعصر نروح شقلاوة
الكل.. اي هسة نحضر
يزن.. جنت واكف باب لبيت مالتنة والعب بالموبايل واشوف من راس لفرع سماح فرحت لن شفتهة بس ضجت كلش وأحس دمي فار من شفتهة وحدهة
سماح.. هلا يزن شلونك
يزن.. هلا بيج الحمد الله انتي شلونج
سماح.. الحمد الله
يزن.. وين جنتي وليش طالعة وحدج شنو ماجزتي من ذيج لمرة من لحكوج
سماح.. على كيفك وياي رحت للمحل اشتريت كم شغلة ورحت للمكتبة
يزن.. وتروحين وحدج ماجان اخذتي اخوج أحمد وياج
سماح.. أحمد ليش هو وأخوك محمود يلفون بيت وماكو أحد وانتة تدري أمي مابيهة
يزن.. لعد مرة الخ من تحتاجين شي دكولين النة احنة انجيبة مو بكيفج طلعين وحدج
سماح.. شبيك وليش انتة منو والي أمري حتى تحاسبني
يزن.. صح اني مو والي امرج بس صدك ضجت من كلامهة وكلت ماجان لازم هيج احاجيهة عصبت وسديت لباب بس جان هي بعدهة واكفة يعني سديتة بوجهة ودخلت بس جنت اغلي ودمي يفور
جنات.. يزن شبيك وليش هيج سديت لباب بقوة
يزن.. سماح لغضب ورحت لغرفتي
جنات.. يزن كال سماح لغضب وراح واني رحت فتحت لباب والكيت سماح منزلة راسهة وتبجي..... سماح شبيج حبيبتي ليش تبجين
سماح.. 😢😢 يزن ضاج وعصب مني
جنات.. تعالي ادخلي جوة نحجي
سماح.. لا ماريد هو سد لباب بوجهي مادخل بعد
جنات.. لا مايقصد تعالي ياعيني مو نفضحنة بالشارع أمشي.... دخلتهة ورحنة لغرفتي اي سماح شبيج
