جنات.. صار لمغرب ورجعنة للفندق واني أفكر شنو جاي يصير وياي حتى ماعرف شنو إحساسي تجاه حسام وفجأة افز على صوت سماح
سماح.. ولج جنات اموت عليج شكرا على كلشي ماجاي اصدك يزن صار الي وبس شكرررا الج والله لما انتي جان ماصار كل هذا
جنات.. لا حبيبتي انتي صديقتي وهو اخوية أكيد اسوي لشي لي يسعدكم
سماح.. بس ليش احسج ضايجة كولي ترة اني مثل اختج واكيد راح اساعدج
جنات.. لا ماكو شي سلامتج بس شوية راسي يوجعني
سماح.. هاا طيب نامي وارتاحي لن باجر لازم نرجع لبغداد
جنات.. اوك
حسام.. يارب ماريد شي منك بس انو تكون من نصيبي والله احبهة
ليث.. يتهنة لماخذ بالك
حسام.. هاا لا ماكو أحد
ليث.. اممم علينة حسومي ماكو أحد غير بس جنو
حسام.. ليث شكد تلح انتة
ليث.. بداعتي احجي شلون حبيتهة
حارث.. اي حسام احنة مو إخوانك احجيلنة حتى نساعدك
حسام.. تعالوا اكعدوا خلي اسولفلكم.... وحجيت كلشي لحارث وليث
ليث.. والله دوخة شلون هيج فجأة حبيتهة
حارث.. طيب ليش ماتحجي وياهة بالموضوع
حسام.. لا مو هسة خلي شوية نخلص من سالفة الامتحانات والله كريم
حارث.. هاا بعد أحسن
جنات.. صار ثاني يوم ولازم نرجع لبغداد تحضرنة كلنة وكلمن صعد بسيارة بس بقينة اني ويزن وسماح نفس سيارة
يزن.. سماح انتي من شوكت حبيتيني
سماح.. من ساعدتني لمن لحكوني لولد
يزن.. صدكين اني هم من ذاك ليوم وضليت أفكر بيج
جنات.. احم احم نحن هناا
يزن.. ندري انتي هنا لا تخافين ماحجينة شي خارج لحدود
جنات.. شبيكم ماتفتهمون حسوا شوية بالحديقة لي كاعدة يمكم والله حرام عليكم
يزن.. حلووو والله كايمة تحجين بالحدايق
جنات.. والله يا اخوية لعزيز ترة اختك عدهة جفاف عاطفي حس شوية
يزن.. اكول اشو انتي طالعة عينج كمتي دورين حب وعاطفة
جنات.. لا عيني لازم بس انتي دور
يزن.. هاا يعني هاي صدك تحجين
جنات.. اي صدك قابل مجذبة وياكم شنو بس الك حلال
يزن.. لا أكيد مو بس الي حلال وانتي تدرين ماحب تفرقة بين لبنت ولولد وانو لازم اسوي شي بس لبنت مايصير سوي أكره هاي لعنصرية
