يزن.. صعدت بالسيارة وجبت اكل وخليتة بالسيارة وموبايلي دك جنات شوفي منو
جنات.. يزن هاي حسام
يزن.. اي ردي علية
جنات..هلوو حسام
حسام.. يمة هاي لكلب مالي رد هلوو جنو انتو وين رحتوا
جنات.. هاا مو يزن نزلنة بمطعم واكلنة وهسة راح نجيكم
حسام.. هاا اي بالعافية يلة بااي نتنضركم
جنات.. اوك بااي
حسام.. يمة فديت هل لصوت ياربي والله أخذت عقلي يالله اجعلهة من نصيبي
جنات.. يلة شوكت نوصل
يزن.. هسة ماضل شي راح نوصل
جنات.. اممم خلي شوية أشعل لجوو هاي احجي بكلبي.... سماح
سماح.. نعم جنو
جنات.. من تخلصين سادس شنو لكلية لي تريديهة
سماح.. أريد هندسة
جنات.. هاا حلوو اي وتروحين كلية وشباب وبنات يعني حياة ثانية
سماح.. اي كلش مختلفة عن لمدارس
جنات.. بس ديربالج لا تحبين واحد مناك بالكلية
سماح.. هاا اي مادري هو كلشي بالنصيب
يزن.. من سمعت كلام سماح وجنات ضجت وزدت لسرعة
جنات.. ههههه يزن شبيك خفف لسرعة ترة سماح تخاف من سرعة
يزن.. من كالت تخاف من سرعة زدتهة أكثر
جنات.. من كتلة تخاف نوب زاد أكثر ودرت وجهي على سماح وغمزتلهة😉😉
سماح.. هههه فهمت
جنات.. ورة ساعة تقريبا وصلنة لشقلاوة وجانت دنية لمغرب
يزن.. يلة انزلوا ذاكمة واكفين هناك ينتضرونة
أبو جنات.. هاا اجيتوا لعد يزن وين
جنات.. هسة بس يصف سيارة ويجي
أبو جنات.. هاا خوش امشوا نرتاح بالفندق حتى نروح نفتر
الكل.. اوك
جنات.. رحنة للفندق حسام وليث وحارث ومحمد بغرفة ومحمود وأحمد وعلي وبابا بغرفة وامي وخالتي وخالتي ام أحمد بغرفة واني وسماح بغرفة هههه بس اني وياهة لي ربحنة لن بس اني وياهة بالغرفة
سماح.. جنو ليش هيج سويتي
جنات.. شنو سويت
سماح.. من كلتي لاتحبين واحد بالكلية
جنات.. ههههه لازم اسوي هيج لن لخطة لثانية يرادلهة بهارات واني خليت شوية منهن حتى اضوجة
سماح.. ههههههه بهارات
جنات.. ارتاحينة وثاني يوم نزلنة ولكيناهم واكفين
