جنات.. عقدنة يم لشيخ ولمحكة يعني صرت زوجتة لمحمد قانونيا وبالشرع جان محمد يحاول يكسر لحاجز لي بينة بس اني لا فكري ولا كلبي يمة شخص لوحيد لي يملك كلبي وعقلي هو حسام بس جنت أشعر بتأنيب لضمير تجاه محمد لن هو مالة ذنب بكل لي صار وأحس بالحزن على نفسي وعلى الإنسان لي ضيعتة مرة من لمرات نزلت جوة ولكيتهم مجتمعين.... صباح الخيرر
الكل.. صباح النور
حسام.. ماما أريد اكلج شغلة
الام.. اي شبيك كول
حسام.. ماما بس يزوج محمد اني ارجع للسويد
ام حسام.. شنوو وين ترجع
محمد.. شنو هو بكيفك
حسام.. اي اني مارتاحيت هنا واني كتلج من لبداية مارجع للعراق بس رجعت علمودج وكلت يمكن اتعود بس لا ماكدر ابقة هنا
أبو جنات.. ابني منين طلعت بهاي سالفة شنو ترجع وحدك هناك
حسام.. لا حارث وليث يرجعون وياي
جنات.. اباوع على حسام واني دمعة كوة حابستهة حتى لأحد يحس بس ليث لي انتبه علية
ام حسام.. سالفة روحة ماكو شيلهة من بالك
حسام.. محد يكدر يمنعني واني جاوزت لسن لقانوني يعني مو طفل او مراهق تتحكمون بية عفتهم وكمت
جنات.. مر شهرين على خطوبتي وبعد 3 أشهر ويصير لزواج بس كلما يقترب لموعد يقترب موتي وياا علاقتي بحسام مابيهة حتى سلام لن هو يقلل كعدتة بالبيت ابد مانجتمع بمكان سوة اذا اشوفة اني اكوم او هو اذا يشوفني هو يكوم ضلينة على هذا لحال
ليث.. والك حارث امشي خلي نطلع
حارث.. عوفني كرامة للنبي مابية حيل
ليث.. دكوم يولو بعدك شباب ومابيك حيل لعد من تعجز شسوي
حارث.. دك موبايلي.... انتضر بس اشوف منو
ليث.. اوك
حارث..رديت على لموبايل جانوا اهلي كالولي لازم ارجع للسويد لن اكو مشاكل بشغل ولشركة
ليث.. هاا والك شبيك كلبت لخلقة
حارث.. لازم ارجع للسويد
ليث..😲😲 شنووو ترجع للسويد
حارث.. هسة أمي اتصلت وكالت مشاكل بالشغل ولازم اروح وانتة تدري اني لوحيد لأهلي وما عندي إخوان حتى يتحملون مسوولية
ليث.. لا حارث ماكو روحة شلون تعوفنة
حارث.. هو كم شهر وارجع واصلن لازم اروح هسة لتركيا لن مقاول لي متفقين وياا علمود لمناقصة رايح لتركيا ولازم اروح اشوفة وافتهم سالفة لمناقصات لي يشتغل بيهن بعدين ارجع للسويد وابدي بالشغل
