حسام.. ورة فترة طلعت لقبولات مالتنة اني راح تدرس طب أسنان وليث هندسة وحارث طلعلة صيدلة بس جنة مافرحانين لن ذكرنة يزن جان يريد صيدلة أما سماح طلعلهة هندسة بس ماتقبل داوم إجت امهة وكالت انو عمي يحجي وياهة ويفهمهة واجت باليل هي وامهة
أبو جنات.. بنتي ليش ماتقبلين داومين
سماح.. عمي أرجوك لأحد يفتح هل لموضوع وياي اني ماسوة شي من دون يزن مالي خلك اداوم اترجاك عمي عوف لموضوع
أبو جنات.. لو ابني هسة عايش وكتيلة ماداوم راح يرضة ماتكملين دراسة
سماح.. 😢😢 لا ماراح يرضة
أبو جنات.. اذن حبيبتي لاتعذبينة وهو بكبرة لازم سوين شي لي هو جان يريدة
سماح.. عمي والله مالي خلك لادراسة ودنية طالعة من عيني
أبو جنات.. يابنتي ابني هذا جان يومة ولا عبالج اني من هسة احجي وياج معنى نسيت ابني لن مستحيل انسة أول ماشلتة وكبرت بأذانة ولمن لعبتة اول كلمة نطقهة لحد ماكبرتة وصار شاب وحلة بعيني الله حرمني منة بس بنتي اني راضي بقدر الله وانتي هم ماكلج أنسي لن مستحيل تنسي بس حاولي تمشين حياتج
سماح.. 😢😢 أن شاء الله عمي بس عمو وين جنات
أبو جنات.. فوك بغرفتهة
سماح.. راح اصعدلهة
ام جنات.. اصعدي حبيبتي
ام سماح.. أشكرك خوية لن قنعتهة
أبو جنات.. هي بنتي واكيد ماريد شي يضرهة
سماح.. صعدت لغرفة جنات واني دموعي بعيني لن شوفتهة ذكرني بي وهو جان يكلي ويوصيني بيهة يكول شكد احبج بس إذا شفت بيوم مأذيتهة راح اصرف وياج غير تصرف دكيت لباب
جنات.. ادخل
سماح.. دخلت ومن شافتني تفأجات ودمعت عينهة رحت شبكتهة واني ابجي هي من ريحتة هدوئهة نظرتهة كلة يذكرني بي
جنات.. تفأجات من شفت سماح لن من يوم لحادث ماشفتهة صراحة من شفتهة تذكرت يزن وليوم لي قشمرت علية وخليتة يعترف الهة إجت شبكتني وضلينة نبجي وكالت وديني لغرفتة صراحة ماعرف شسوي لن اني قفلتهة وماخلي أحد يدخل بيهة بس كتلهة امشي وديتهة وأول مافتحت لباب هي زاد بجيهة وتحجي ودكول هاي لغرفة جانت راح صير الي جانت راح صير غرفتي واني اباوع عليهة وابجي ورة شوية طلعنة وكالت ارتاحيت شوية لمن دخلت غرفتة بعدهة سلمت علينة هي وامهة وراحت
حسام.. مرت سنة و6 اشهر على موت يزن واحنة صرنة مرحلة ثانية محمود نجح من سادس وطلع هندسة جنات صارت سادس بس علاقتنة ابد ماصار بيهة تحسن ضلت تعاملني برود بس اني ماضغطت عليهة بشي خليتهة على راحتهة ومستعد مو انتظرهة سنة لا انتظرهة طول لعمر بس جوز هذا إختبار لحبي الهة ومحمد وعلي اتخرجوا بس لزموا لشركة بدال أمي وصاروا همة يشتغلون بيهة محمد خلص بناء لبيت مالتنة وردنة نطلع بس عمي ماقبل كال اني تعودت على لولد وماخليهم يبعدون عني واني فقدت ابني ماريد افقد 4 من ولدي مرة الخ وأصر وبطلنة ننتقل لذاك لبيت
