تنكر ما جنت هاويك
يل والله مو بالحجي كبالك بالمشي اتلعثم
.
مالك راي كضيت الورد محتار
عمت عيني صفنتك واعتبرتك هم
.
عمت عيني ؟؟
عمت عينك رحت للمايعرف يضوك
وانه الشكك هوه الله ومن هواك اشتم
.
وانه الميت وصاحي بكثر ما بالريح
يطشر حجي الشمات من نلتم
اي مغثوث ..
جا هوه لبروحة نسان
اذا ما ينحني للطين مابي دم
الماحس بنقص من شاف روحة نباك
ما متعود اعلة الهيبة ما يهتم
.
اي مغثوث :
ترة التابوت خشبة الصوج بالجناز
الكمر مابي ذنب عل مستحة تعلم
حجو عني وردت بس ارجع موصيك
الصفنة بجفن ما متعوب تــتـــيتم
البيت اليشتم البيبان ما مستور
الكفرت بالعبايه ابيش تتهندم
.
انه طير وطرت للسمة كافي صياح
النهر من يجزي ما يلتفت لليندم
( ما محتاجلك نزل ايدك الخاين عار )
الله هواي .. ليش احتاجلك تسلم ..
