ليحبك من صدك لو سهم يتلكاك
شيلمه الكاع تصغر لمن تودعه اليصير
مرايتك يندل حسرتك وين ويعرف وين
بيك مجودره الوجعه
اليضفر حيرتك بجفوفه تلكى أعذار
الحنينك بير طشر يكدر يرجعه
انا الضايكني يعرف طينتي من الهور
بيه ملوحته وما بدلت طبعه
أتلكى اليجيني منين ما يشتاك
اليمر عابر عليه من روحي ما طلعه
لعدوي وصاحبي تغبش ضحكتي وياي
اليجي سيف علنحري أستحي وما رجعه
أفرزن ريحتك من درب مريت
اليجي مشتاك يثكل والهوى يدفعه
أختصر كلشي وأطول من أريد أنساك
وأحس كل صبح بارد وجهك يتبعه
بروحك شكم سما وما غيمت وياي
عليه تزخ عطش ومنشف السبعه
المفارك مبين عذره يمشي وياه
الما بيه شوك طافي العشك بيه لمعه
بكصايب يا حلم شديت روحك خيط
خيطك من يمر دخان ما كطعه
ثكلت بروحي جثه وما لكت جناز
اليفاركني شبر أبقى ألتفتله سنين
واتاني بكل جرح يا لجمه لترجعه
مشيت وبيه ضاكن صدري والوسعه
الله وياك .....ذمه بركبه الملكى
