#اشوفك_حلم
الفصل الثالث
#قصص_اسراءالجميلي
اي يمه حجينه وياه و كال بكيفكم ..
بس كودن جانت ما مستلمه نتيجته و هو بالعسكرية عفناها لحد ما يرجع ..
و اني اخر من يعلم طرطور مو ..
اني صافنه اباوع عليهم و همه يحجون ..
احسني بغير عالم و صوتهم بعيد عليه ..
عمي : و انت ليش تعيط و امعصب ؟
ابدال ما تفرح الاخوك ؟
ياب اني مو قصدي بس غير اني اعرف ..
مو وياكم بالبيت ؟
عمتي : يمه احنه وين شايفيك ..
غير اليوم خلفله على نتيجة وردة خلتك تجي من وكت ..
يومية بالمكتب من ثمانية الصبح لثمانية بالليل ..
تجي هلكان تتعشة و تنام ..
اني مراضي على هاي الزواجه ..
امه و ابوه بنفس الوكت : ليششش ؟
لان..... لان....... وردة خطية تريد تكمل كلية ..
عمتي : يا كلية تريدنه نصير منصبة للعالم بنيتنه تفتر وي الولد ..
عمي : لا يابه هاي ما مرجية منك شلون تكول تروح وي الويلاد ..
يابه يمه اسمعوني .. ماكو بنية بعشيرتنه طلعت مثله ..
كلهن ثولات و غبيات ..
الشاطرة بيهن كملت متوسطة و تزوجت ..
عمتي : لا يمه هاي ما ممرجية منك تحجي على خواتك ..
اهوووو خواتي شجابهم بالنص ..
اني ما راضي على هذا الزواج ..
و يجي صلاح و اكله ..
خله الخبزة على الطبلة و طلع بدون اي كلمة ..
حبيت دفاعة عني تمنيته اخوية محمد و يوكفلي و اكمل ..
اندار عمي عليه : انتِ شتكولين عمو ؟
اني..... عمو...... اريد........
نطت عمتي ..
عمتي : موافقة غير وين تلكه احسن من صلاح ..
شهادة و جمال و دين و فلوس ..
عوفه عوفه خلي تروح تصلي و تشكر ربه على هالقسمة و هيه عانس ..
انداريت اباوع عليه فتحت عيوني ..
كمت ..
اني اترخص اروح البيتنه ..
اسمع عمتي تحجي وراية ..
شفت سكتت يعني راضية ..
مو كتلك هسة متصدك ..
عانس و خطبه زينة الشباب ..
دموعي كامت تصب ..
وين اروح وين اولي بصيص الامل راح ..
فتحت بابهم البره ..
شفت صباح كاعد بالسيارة و فاتح الجامه و ايده عليهه بجهتي صاير ..
عيونه كله دموع .. عبالك واحد باجي ..
لا تبجين وردايتي .. تكملين تكملين مدامني اشم الهوة ..
شحط السيارة و طلع ..
الحمدلله ربي من خليت صباح بدربي ..
رجعت البيتنه ..
شفت امي ..
ليش يمه ليش ؟ ليش اني اخر من يعلم ؟
على شنو بنيتي ؟
مدا افهم ؟ شبيج اعصاب ؟
طلع ابوية من غرفته و حط ايده اليسرة على المحجر مال الدرج ..
و انتِ شنو حتى تدرين ..
نصيب و اجالج لو تموتين ما تلكين مثله ..
اني واكفه على يسرته كبال باب المطبخ ..
امي : ليش خطبوه ؟
اي خطبوه و اني انطيت موافقتي ..
كلللللييييييششش
بوستني و حضنتني و اني منزلة ايدي و صافنة ..
بالمبارك يا يمه ..
منو هذا سعيد الحظ ؟
ابن اخوية صلاح ..
كلللللليييييششش ..
وج هاي يرادله هلهولة ثانية ..
هذا زينت شبابنه شجاعة و شهامه و جمال و مال و كل المواصفات ..
جان تنزل هناء مرة محمد من الدرج ..
يا خالة شبيج تهلهلين شكو ؟
يمه وردة خطبه صباح ..
هناء : مسعدة وردة معدل و رجال بنهار واحد ..
رفعت راسه ليفوك ..
ما تنطينه من حظه يا ربي ..
اي يمه اي مسعدة اخر العنكود ..
حجيت بصوت ناصي ..
يمه اني ما اتزوج ..
لزمت ايدي اليسرة و كرصتني حيل ..
ابوية : ها شكالت بنيتج العوبة ..
مكالت حجي مكالت ..
حجت بصوت ناصي ..
ادفنج بالحديقه و لا تكسرين كلمة ابوج ..
ركضت و صعدت فوك ..
دموعي تجري و رحت الغرفتي ..
اتمددت ركض على الجرباية و وجهي صار بمخدتي ..
ليش احلامي يردون يهدوه .. ليش ؟
اني بتهم لو عدوتهم شكو بيه اذا كملت ..
حسبي الله عليكم من اب و ام ..
محد واكف وياية غير صباح ..
من كلت اسمه حسيت برجفه ..
سكتت و رفعت راسي ..
كمت و انتجيت على الحايط بصف الجرباية ..
صباح ليش هيج ديسوي ويايه ؟
شنو اباله ؟ هالكد يحبني ..
يحبني .. يحبني شنو ؟
اي غير يحبني مثل خواته ..
بس هو كال وردة مو اختي ؟
لعد شنو شبيهه ؟
اسال و اجاوب روحي ..
بقيت بالغرفة للمغرب ..
ساعة ابجي ساعة اسكت .. ساعة افكر ب صباح ..
لحد ما انفتحت الباب عليه ..
هناء : كومي عيني يا المسعدة ؟
هاي شبيج هناء كم مرة اكلج دكي الباب قبل لا ادخلين ..
بلكي دا ابدل شئ ..
عيني و اني جوابتج اذا تريدين محد يدخل قفلي الباب ..
و الله لا عاب حلكج ..
من يصير عدي اهل مثلج يدافعولي بذاك الوكت اقفله ..
رفعت ايده و فتحت اصابعه بوجهي ..
هناء : كبه كبه اعوذ بالله من عيونج ..
تغارين من اهلي ..
استغفرالله هناء ..
روحي منا ترى واصلة الحده ..
هناء : يمه خوفتيني ..
امج دزتني عليج يا العوبة ..
ولي بابا ولي ..
طلعت .. جان ترجع راسه من فتحت الباب ..
عود خلي شهادتج بدولكة نكعيه و اشربي ميه ..
هههههههه و ضحكت ضحكته الصقيعة ..
فورت دمي بالزايد ..
الله ياخذج ..
نزلت جوة ..
صاحتني امي الغرفته ..
صايره على يميني من نزلت ..
تعاي يمه تعاي ..
جرتني كعدتني على جربايته شباكه على الطرمة ..
هي و ابوية كل واحد جرباية عود كبروا عيب ..
بنيتي ابوج ما قصر وياج و مشه مثل ما تردين و اكثر ..
بس يمه دوام وي ولد صعب يصير ..
و زواجج لازم يتم ..
فالقصة فرحة حلوة ..
أنت تقرأ
أشوفك حلم
Lãng mạnفتاة تريد النجاح و الشهادة .. شائت الاقدار ان تقع بين قلبين متئالفيين .. فأيهما سوف تختار ؟ تابعوني لمعرفة عشقها ..
