#اشوفك_حلم
الفصل العاشر
#قصص_اسراءالجميلي
لا يمه ماكو شئ من سبحت دخل صابون بعيني ..
هاا .. خلي اجيبلك قطره تبرده من الثلاجة ..
لا يمه كعدي ميحتاج اتاخرة لازم اروح ..
اني همين اروح ..
كمت اروح وصلني البابنه ..
بس اني دا احس بيه باجي مو شغلة صابون ..
يلا فوتي وردة ..
دخلت ايدي من فتحة الباب من فوك و فتحته ..
اندار ديروح ..
سلامات على عيونك صباح ..
دار راسه عليه و بقه منطيني ظهره ..
الله يسلمج ال صلاح وردة ..
و راح ..
سكتت ما اعرف شجاوبه لان هاي اول مرة يكلي هيج جملة ..
مشت الايام و مرت ..
رجعت عمتي العادته القديمة ..
السانه ويايه ابيتهم سيف يكص ..
كدام ابوية و امي ..
تحبني و تتمنالي الرضا ارضى ..
اني كمت اخذه على كد عقله و حتى بطلت اجاوبه ..
الصدك تعبت ..
كافي عليه اجاوب هناء و محمد الي مكرهيني بعيشتي ..
محمد عبالك مسوية حرام حتى ما اطلع الا وياه او ابوية ..
فاتحة عرس الا وي امي ..
خانكني موت ..
و اذا احجي وي ابوية يكلي تعاي وياية ..
كمت اذا احتاج شئ امي و ابوية وياية يلا اطلع ..
طبعاً بقيت اكتب رسائل ال صلاح ..
كل شهرين بس ..
و اكله اني زينه و تحسنت نفسيتي و عندي امل بطلعتك و يعني كلام من هيج نوع ..
لان رده على رسالتي ..
انو انقهر كلش و بقه اسبوع مياكل و مريض ..
كلت حرام عليه ..
اذكر اله بس الشئ الزين ..
و همزين كل شهرين رسالة لان هو شئ او شيين بالزايد يسعدوني و اذكرهم ..
تعبت كلش لان اظهر غير الي بيه ..
اخاف على امي و ابوية و عمي و مرته ..
و محد خايف عليه ..
ما عدى صباح مهتم و يسال و بكلام كلش قليل ..
احسه تغير كومة بعد الرسالة الاولى الي دزيته ال صلاح ..
ليش ؟ ما ادري ..
المهم بقينه هيج لحد بداية شهر الثامن ١٩٨٩ ..
خابرنه صباح ..
شلونج وردايتي ؟
ههههه يااااببه هاي شذكرك بيه صار كومة مكايله ..
هههه شمدريني هيه طلعت ..
المهم اريد اطلب منج شئ ..
ادلل ..
محمد بالبيت ..
اي بالبيت ..
اممم خوش اريد من يروح محمد لدوامه بكركوك ..
تكوليلي ..
ليش خير ؟
عندي حجي وي عمي بس ما اريد وجود محمد و ياريت لو تكون زوجته يم اهله حتى ما تعرف شئ ..
زين اكدر اعرف شكو ؟
خوفتني انت ..
لا عيني متكدرين ..
لا تستعجلين على رزقج ..
هااا زين يعني اليه الشغله ..
هههه منو كال يجوز الي ..
الك و تريده من ابوية و بلا وجود محمد و هناء ..
يرادله صفنه جبيرة ..
هههههه اصفني براحتج ..
لعد يلا عوفني اروح اصفن بيه ..
هههههه خوش ..
الله وياج وردايتي ..
الله وياك ..
سديته و بقيت افكر ميت سالوفه اجتي براسي ..
شيريد صباح من ابوية ..
كمت احسب روحة محمد بالايام و الساعات ..
كتلني الفضول ..
شنو الموضوع الي اله و بيه رزق اليه خبلني هالوليد ..
المهم بعد اربع ايام دا اگلم بامية كاعدة متربعة بالكاع ..
احنه عادتنه ما انجيب كومة باميا و نسويه مرة وحدة و تتكسر اركابنه متقبل امي ..
اول متطلع البامية لحد ما تخلص ابوية كل اسبوع يجيب النه بامية كيلوين تلاثة امي تطبخ جزء و تضم الباقي بالمجمدة ..
المهم دخلت هناء بكل ادب ..
صباح الخير خالتي العزيزة ..
امي دا اتكلب بالبامية وكفت ايده و رفعت راسه عليه ..
انصدمت بحجايته ..
هلا بيج يمه ..
شلونج ورودة الحلوة ..
هااا فتحنه عيونه بالزايد ..
شبيج هناء مريضة شئ ؟
لا اسم الله عليه و عليكم ..
امي : الله يهديج يمه ..
عفية خالة اريد اطلب منج طلب ؟
اهاا وكعنه على الطين الحري تريد شغله لهذا حبابه ..
خنب زمن المصالح ..
رجعت امي تكمل جدره و تحجي وياه ..
اطلبي بنيتي و ادللي ..
قنعيلي محمد اروح لاهلي من يلتحق هالمرة ؟
ليش يمه مو رحتي ذيج المرة و انتي متفقه وي رجلج تروحين بين مرة و مرة ..
و الله خالة مو ثناء جايه من البصرة و صار اله ٦ شهور مشايفيه و امي تريد تجمعنه كلنه ..
هااا خوش يمه اكله و اردلج خبر ..
اشو هاي اجتي بسرعة على امي باسته من راسه ..
راسا اتذكرة شغلة صباح يريد محمد و هناء ماكو ..
لازم اسعه بطلعت السعلوة من البيت ..
اي يمه خطية خلي اتروح تشوف اخيته صار كومة ..
انا من شهر الشهر و اطك روحي على خياتي ..
هناء باوعت عليه نفس نظرتي و نظرة امي المصدومة ..
امي اندارت تباوع عليه و صافنه ..
اجتي هناء عليه بوستني من خدي اليمين و كرصت اليسار بدلع ..
صاحت امي ..
سبحانه الي يغير و ميتغيير ..
استغفرالله ربي انا ما اتذكر خليتلهن شئ بالريوك ..
ضحكنه اثنينه ..
كملت رحت على ابوية قنعته يحجي وي محمد ابدال امي ..
لان هيج شغلات محمد ما يكدر يكول لا لابوية ..
صدك اجه و حجوا وياه ابوية و امي و قنع ..
بعد تلثتيام الصبح بالستة راح محمد و اني كاعدة ..
بس باقية بغرفتي بلا مغثة منه ..
و بثمانية مرته راحت ..
نزلت وراها اشوفه ملمعة البيت و حتى خابزة و رايحة ..
يلا همزين خلف الله عليه ..
اني الدودة دمرتني اريد اعرف شحيحجي وي ابوية ..
دكيت عليهم شاله هو ..
الو ..
صباح الخير صباح ..
هههه ها وردة خير ؟
تعال بسرعة طلعوا اثنينهم ..
فالقصة سر ميعرفه غير صباح .. و اني 😁
أنت تقرأ
أشوفك حلم
Roman d'amourفتاة تريد النجاح و الشهادة .. شائت الاقدار ان تقع بين قلبين متئالفيين .. فأيهما سوف تختار ؟ تابعوني لمعرفة عشقها ..
