أشوفك حلم

الفصل الثالث عشر

#اشوفك_حلم
الفصل الثالث عشر
#قصص_اسراءالجميلي

جتوري وردة ..
جدوري شنو ؟
هههههه و الله ضحكتيني ..
وج جتوري يعني شلونج بالايراني ..
هههه اني شمدريني انت كتلي اعلمج و بطلت ..
خوش هسة اني شنو اجاوبك ..
خيليخوب ..
يعني شنو خيي لوب ؟
اسم الله عليك ليش اخليك تلوب ؟
ههههههه ياابه جان مفروض من زمان اعلمج ..
اهوووو تره ضوجتني ليش تضحك عليه ..
تره هسة ابدي احجي وياك انكليزي و اضحك عليك ..
وج هو اني درستج بالسادس انتِ لوتية ..
تعاملي بالمكتب كله وي اجانب ..
اوووف ابد ما اكدرلك ..
طبعاً متكدريلي عيني ..
المهم رجعني للبيت ..
العصر اندكت الباب مالتنه فتحته ..
دخل صباح ..
جتوري وردة ..
هههه خيليخوب صباح ..
عفية بالبطلة ..
عمي موجود ..
اي هو و امي بالهول ..
دا اسد الباب الخارجي ..
لا عوفي جايين ناس وراية ..
منو همه ..
شعليج انتِ ؟
اهئ اهئ زعلتني ..
هههه لا تزعلين يدخلون و تعرفين ..
دخلنه دا اسوي جاي و اسمع امي تعيط ..
يمممه فديتك حبيبي ..
اجيت ركض و اشوف محمد و هناء و ابنهم ..
لكيته ديبوس بيد ابوي و هو وياه يبچون ..
صار فوك ال ٧ شهور مشايفيهم ..
كله تبچي ..
الصدك نسيت كلشي و رحت ركض عليه حضنته ..
هو عادي حضني بس مو نفس حماسي ابد ..
بس الحمدلله القلوب تصافت ..
امي شايله الولد ..
ردت اسلم بسرعة على هناء حتى اشيله ..
اجيت بوست هناء باستني ..
مبروك على الدوام ..
امي باعت عليه صفح ..
كافي يمه مو وكتها ..
حاضر خالة سكتت ..
و خلت ايده على حلكه ..
ضحكت اني شسويله ما عده عقل ..
و ابو طبع ما يجوز من طبعه ..
رحت اخذته من امي ..
اوي فدوة حبيب عمته ..
صباح : اي حمودي المحروس شسمه ..
جان تنط هناء و تباوع عليه و تحجي ..
موسى محمد موسى ..
خطية ابوية و امي نزلت دموعهم ..
اني باوعتله بابتسامه استهزاء ..
اخذته وديته الابوية ..
اخذه بين اديه و خايف لا يوكعه ..
بسم الله ..
يحفظك الرحمن بجاه محمد و ال بيته ..
بقه محمد و يومية مراقبه على ملابسي من موجود ..
و حتى لو مموجود اني انتبه لان اعرف ..
اذا وكعت الابره اتكله هناء ..
مشت الايام و طبعاً مستمرين اندز الرسائل ال صلاح ..
نجحت ب امتياز ..
هو يدزنه خطية بس ما احجيله على الكلية اخاف ينقهر ..
بس اكله نجحت و خلص ..
بشهر الثامن كعدنه الصبح بالضبط ٢.٨.١٩٩٠ و بيان بالاذاعة ..
دخلنه الكويت بعد ما اخذوا حقول نفط الرميله الهم و اراضيه و رفضوا يردوه ..
بده بالعراق الحزن الي بصعوبة يروح ..
استمرت الحوارات و البيانات بين الريس و الامم المتحدة ..
التمت علينه دول الخليج و دول عربية و اجنبية ..
بده الدوام بالصف الثاني و الاوضاع مستمرة بالتأزم ..
تهديدات امريكيه ..
صدام قبل الانسحاب بس بشرط اسرائيل ترجع الاراضي الفلسطينية حسب معاهدة ١٩٤٨ ..
طبعاً اليهود رفضوا ..
الناس صارو بوسط ترقب و خوف متعرف وين تروح و شنو ممكن يسوي التحالف بقيادة امريكا ..
بيوم ١٧.٢.١٩٩١ الفجر بدت الغارة علينا صرنه برعب مو طبيعي ..
تخيلوا بيوم واحد ١٠٠٠ غارة جوية و برية ..
صاحتني امي كلنا دخلتنه بالمنزع مال الحمام ..
رعب مو طبيعي عشنه بيه و موسى بس يبجي ..
تحس انوا البيت راح يوكع عليك بس ايد خفية لازمته و مبقيته لسبب بسيط ..
مو يومك ..
سبحان الله ..
ثاني يوم كان رد صدام ٣٩ صاروخ ارض ارض على اسرائيل ..
تحدى اي دولة عربية لخ تضرب الصاروخ الاربعين ..
محد ضرب ..
ابوية و عمي رفضوا يطلعون كالوا هيه موته وحده وين متصير تصير ..
محمد و عائلته راحوا وي عمتي هناء الاقارب زوجه بالرمادي ..
احنه كعدنه يم بيت عمي ابو صلاح ..
جنه ٦ بس ..
شارعنه فرغ و لا بيت بقه بيه ..
علمني صباح كومة كلمات بالايراني و كله تضحك علينه ..
زنانه يعني مرة ..
شكد عيب عليك صباح اني مره و نص ..
لعد لو تعرفين الرجال ؟
شنو بشرفك ؟
مردانه ..
ههههه و بقيت اصيحله مردانه و كله تضحك ..
٤٠ يوم مابقت دائرة ما انضربت ..
اكثر شى اذه العراقيين ملجأ العامرية الي تفحموا بيه النساء و الاطفال ..
دفعنه ثمن غالي لعناد صدام و وقوفه وحده بوجه اسرائيل ..
اتصالحنه وي ايران ..
طلع الرئيس بخطاب و كال جملته البجت كومة ثكالى و ارامل و ايتام لايران ( هذا ما اردتموه و شددتم عليه )
هههه رجعلهم الاراضي الي بدوا يضربونه بسببه و اذونه ٨ سنوات ..
و خله يمهم ١٤٤ طيارة امانه ..
ههههه ودع البزون شحمه ..
بدت فترة الحصار علينه ..
و شح كلشي على الناس و ادمرنه و دخلنه بوضع مننحسد عليه ابد ..
الشئ الوحيد الحصلناه تبادل الاسرى وي ايران و كل وجبه تجي يدزنه صلاح بلكي هو بالوجبة البعده ..
كملت السنة شلون ما ادري ..
دخلت الرشوة للقضاء و التدريس ..
و بالتالي خرب العراق ..
بدت السنة الثالثة ..
و نجحت همين ..
انقطعت رسائل صلاح ..
بديت احس بالفقدان محمد و هناء يستهزئون بيه و يأذوني بالطالعة و النازلة ..
ضحكتي بدت تختفي ..
الم بروحي احسه ..
و بدت السنة الرابعة و ملامحي اختفه الفرح منه ..
الامتحان الاخير طلب صباح مني.........
 
و فالقصة طلب غريب