أشوفك حلم

الفصل الثالث و العشرين

#اشوفك_حلم
الفصل الثالث و العشرين
#قصص_اسراءالجميلي

يمه هاي شبيج ؟
هاي بت عمي قابل غريبة ..
مو دا اكلج البت تروح منه ..
لااااا متروح ..
و لو رادت تتزوج الله و محمد و علي وياها ..
قابل انا اكدر امنع حلال الله ..
بس البت تبقه عدنه ..
لو اصرف كل العدي اخذه بالقانون و ما اخليه ليلة تتهنه بيه ..
لعد ليش امبقيته يمنه ؟
اني الم بطني راح ..
كمت احس الم بقلبي ..
سهام تضربني بكل حرف تكوله ..
هجست روحي دا تطلع ..
اريد اصعد الدرج رجليه خانتني ..
يمه هاي شبيج لو ما انتِ فاكدة ظنه شلون هيج تكولين ؟
ردت علت صوته ..
صباااح هذا العدي يعجبك يعجبك ما يعجبك سوي غيره ..
و شوف شنو اكدر اسوي ..
ميت شغلة و شغلة اطلعلكم ..
و تكول امي كالت ..
حسيت قوة اجتني شلون ما ادري ..
نزعت نعالي ..
شلته بيدي و صعدت فوك بسرعة و بهدوء ..
حجه صباح بعد ..
بس ما سمعت شئ ..
ارتجيت بصف حايط الغرفة قبل ما افتح بابه ..
كمت اضرب على راسي ..
عمت عينج وردة ..
كل هالحب يحبچ و ضحيتي بيه ..
غبيه .. غبيه ..
و اضرب على راسي ..
لچ ركضتي ورة الي عافج سنين و مكلف روحة يسال عليچ ..
و اكفش بشعري ..
ثولة مشيتي على الي عافج مكسورة بيده ..
كل واحد يلعب بيج شكل ..
آآآه يا قلبي شكثر مليان جروح و محد الك ..
ليش يا ربي شمسويه جوة خيمتك الزركة و يصير بيه كل هذا ؟
استغفرلله ..
اخوية يأذيني ..
زوجي الي عبالي الامان طلع چلب و راح ..
الرجال الي حسبته مثل اخوية و اماني و الحنان الي مشفته باهلي ..
تريد تاخذه مني عمتي ..
انا ما اريد رجل الي ..
اني اريده انسان ..
ربي حلها منك ..
خليني الكه الطريق الصحيح اللهي ..
دخلت الغرفتي مكفشة و راسي يوجعني من الضرب ..
نمت راساً على جربايتي بقيت ابجي لحد ما غفيت ..
فزيت على صوت المنبه ..
بدلت بسرعة و نزلت ..
هاي شبيج وردة ليش عيونج وارمه ؟
اني عيوني ..
رحت باوعت بمراية المغاسل ..
هااا الظاهر جنت نايمه على وجهي ..
حسيته مصدكني ..
و شنو يعني لا يصدك ..
اني تعبت من تبرير تصرفاتي للناس ..
ديلا امشينه ..
صعدت وياه ..
وصلنه للمستوصف ..
نزلت من السيارة مشيت خطوتين رجعت التفت عليه ..
نزل الجامه راساً ..
صباح اليوم لا ترجع عليه ..
ليش خير ؟
عندج طلعة ؟
تريدين اوصلج المكان ؟
لا مو هيج من البارحة اتفقت اسوي خط وي البنات ..
هاي شنو شعجب ؟
و ليش مكتيلي ؟
هيج عادي ..
بس اني ما اقبل المرحوم وصاني عليج ..
المرحوم وصاك من جان عايش ..
هسة اني حرة ..
فبدون زحمة خليني اروح و اجي وياهم و حتى همين ما اعطلك عن شغلك ..
خطية انت ..
انتِ متعطليني وردة ..
بس ..
الي يريحج سويه ..
شكراً الك ..
الله وياج وردايتي ..
ابتسمت بحزن و مشيت ..
بقت الايام هيج ..
اتحاشه صباح قدر الامكان ..
و ابعد بنتي عنه ..
هو انتبه و مكدر يسوي شئ ..
عمتي فرحانه و طايرة ..
و يومية جايبتله بنية ..
يرفض و ميقبل ابد ..
مرت ايام و شهور ..
اتزوج مهند لمى اخت هناء ..
بس حبابة كلش تختلف عن اختها ..
العكس مالته ..
محمد و هناء بعدهم همهم الدنيا و الفلوس ..
اروح الاهلي من محمد ماكو ..
و من يجون خواتي ..
رجعوا صديقاتي بالدوام يومية جايبيلي خطيب ..
اشكال الوان ..
المتزوج و الارمل و المطلق و حتى العزابي بس ميصير عنده اطفال و يريد بنتي تكون بنته ..
اني ارفض اخاف لا يحرموني من بنتي ..
او .. او .. او .. كومة اوااات براسي ..
مرت سنين و بيوم سبت باقين اني و عمتي بالبيت بس ..
عمه انتِ مثل بنتي و يمكن اكثر ..
كلت بداخلي اي صح ههه ..
عمة اريد اطلب منج شئ صح هو صعب بس لازم تسوي الخاطر اخيچ الثالث ..
فهمت تقصد صباح ..
ادللي عمه و صباح يستاهل كلشي ..
يمه اني اريد ازوجه ..
اي عمه شكو بيه ..
الف مبروك ربي يوفقه ..
اي عمه بس ياهو الي اروح عليه و يعرفون بوجودج يرفضون ..
هااا زين شنو المطلوب مني عمة ؟
حبيبتي اني فكرة يا اعزلج من البيت ١٠٠م و اسجله باسم رؤيا و تكعدين معززة مكرمة ..
او ترجعين الاهلج و همين مصرفكم علينه و نفس الشئ اسجل ١٠٠م بأسم رؤيا ..
عمركم طويل عمه ..
فكرة بيني و بين نفسي ..
اخاف اسوي بيت و محمد يرفض اكعد بيه وحدي ..
زين و اذا ارجع شراح يلعبون بيه محمد و هناء ؟
امي تعبانه مو مال مشاكل و اذية ..
صفنت عليه شكول شحجي ..
زين عمه ليش ما تبنين ال صباح او تنطيه الفوك و انا ابقه يمكم ..
هااا مو مو ؟
شنو ال مو عمة ؟
هيج يمه هيج ..
بس ما ترهم ..
افتهمت من خلال الحجي متريد صباح يشوفني و يلتقي بيه ..
زين عمه لعد اعزلولي نص الفوك ..
لان اخاف محمد يردني الهم ..
و تعرفيه شلون شاد ويايه ..
خوش يمه ..
غصة بقلبي
صار وكت الغده ..
اجوي عمي و صباح ..
كاعدين دناكل على الميز ..
جان راساً عمتي تحجي ..
ابو صلاح وردة عده طلب يمك ..
اي يابه مو تدلل علينه وردة ..
اني فتحت عيني عليه ..
تريد تعزل اله الفوك ..
اتخبلت الخاشوكة وصلت الحلكي بس ما كدرت ادخل اللكمة ..
اني كتله ننطيج المتفقين عليه انا و انت من البيت ..
و نبني الج ..

فالقصة جرح صعب شفاءه ..