بطل القصة حسن//
حسن:- مرحبا اني حسن عمري 28 سنة من سكنة بغداد موظف عايش وية والدي رجال جبير مقعد بس نايم و قليل يكوم يمشي و والدتي كذلك مرة جبيرة بس صحتهة احسن من والدي عندي خوات 2 الاولى حوراء متزوجة و الثانية حنين اصغر مني طالبة كلية مرحلة ثانية .. اني طبعي قاسي و عصبي و متسلط و ميهمني احد غير اهلي اكره شي اسمة انثى بعمري ما شايل عيني على بنية لان اكره هذا الجنس ما عدا امي و خواتي ..حسن:- رجعت من دوامي الظهر دخلت للمطبخ ريحة الاكل الطيب من ايد ست الحبايب لكيت حنين منتظرتني حتى تصب الغدة ..شلونج حنو
حنين:-هلا حسوني الله يساعدك
حسن:- ترة ما جبتلج بقلاوة
حنين:- لاااااا حسن حباااب لعد شنو هاي العلاكة بيدك
حسن:- ههههههه اشاقة وياج ام كرش
حنين:- يمة فديت اخوية الحباب انطيني خل اضمهة و روح اسبح و بدل راح اصب غدة
حسن:- ماشي.. رحت سلمت على امي و ابوية بست ايدهم كلعادة و سبحت و بدلت نزلت لكيت الغدة حاضركعدنة ناكل كلنة
ام حسن:- يمة حسوني اني و ابوك كبرنة و مندري شوكت الله ياخذ امانتة شوكت تزوج يمة كافي كبرت نريد نشوف جهالك
حسن:- يمة الله يخليج كم مرة كتلج هذا الموضوع متفتحو مااريد ازوج مااريد
ام حسن:- سكتت و رحت للمطبخ ما كملت غدة اجة وراية حسن
حسن:- يمة فدوة لسوين هيج تعاي كملي اكلج انتي مريضة وراج علاج مو زين عليج
ام حسن:- وخر زعلت منك و بعد ابد لتحجي وياية اذا انتة تخاف علية اسمع كلامي و ازوج اريد افرح بيك اني كم ولد عندي اريد جنة تساعدني اني كوة اسوي بس الغدة مااكدر و التنظيف على اختك و عدهة دراسة و هية هم كبرت باجر عكبة تجي قسمتهة و تزوج احنة منو يظل النة
حسن:-افففف هاي هية يمة الي يريحج سوي ورحت لغرفتي
ثاني يوم .. نفس الشي رحت للشغل و رجعت تلكتني حنين و سلمت على امي و ابويةعلى الغدة... ام حسن:- يمة حسوني اكو وحدة بالك تريد اخطبهة لو اشوفلك اني
حسن:- يمة بكيفج الي تعجبج خطبيها
ابو حسن:- و اخيرا وليدي اقتنعت و راح اشوفك عريس يوم المبارك
حنين:- ايييي و اخيرا راح ارتاح شوية من الشغل اكو مساعدة وياية
حسن:- بكلبي اكول كلهم فرحانين الة اني غصبا علية قبلت بس علمود امي
بعد فترة ظل نفس الروتين
حسن :-جنت مدد بغرفتي بليل اشتغل على الحاسبة اجتي امي
ام حسن:- يمة حسوني اليوم رحنة اني و ام محمد جيرانة لبيت ناس شوية بعيدين عنة و شفت بتهم تخبل شنو الجمال و الاخلاق و الادب عمرهة24 و خطية ناس على كد حالهم شتكول اخطبلك البنية
حسن :- بكيفج يمة
ام حسن:-وليدي شو جنك مافرحان .. زين تشوف البنية خاف متعجبك
حسن:- بكيفج يمة
ام حسن:- احجي وية نفسي شبي هذا الولد بكيفج بكيفج يلا خل اخطبهة اكيد من يشوف جمالهة يقتنع و يفرح بيها باجر اروحلهم اني و ام محمد
ثاني يوم
ام حسن:- حنين يمة ديري بالج على ابوج اني رايحة لام محمدبطلة القصة شمس...
شمس:- اني شمس عمري24 سنة مكملة كلية تربية قسم رياضيات عندي بس اخ اكبر مني سجاد هوة المعين الوحيد النة يشتغل اعمال حرة و امي و ابوية كبار بالعمر و احنة ناس على كد حالنة اني بالكوة كملت دراستي و مااصرف هواي كلما اريد ابطل اخوية ميقبل يكول لتغلطين غلطتي و مستعد اشتغل ليل و نهار حتى اوفر مصروفج بس لتبطلين اني طبعي هادئة و حنينة و كلبي طيب نادة بالشغل و الكل يحبني مواصفاتي اني حلوة حيل طولي متوسط و رشيقة شعري طويل لنهاية ظهري اسود غامق اني بيضة عيوني كبار حيل و سود
ام سجاد:- هلا هلا زارتنة البركة
ام محمد و ام حسن:- هلا بيج ام سجاد شلونج
ام حسن :- والله ام سجاد اني جايتج بموضوع
ام سجاد:- خير ان شاء الله
ام حسن:- ام سجاد المنطقة كلها تحمد بيكم و بأخلاقكم ما طلع منكم الة الخير و بنتج خلوقة و حلوة و الكل تحمد بيهة ناس اصيلين و الله يكثر من امثالكم و اني رايدة اخطب شمس لابني حسن
ام سجاد:- بيج خير و ادللي ام حسن اني اشور ابوهة و اخوهة و ان شاءالله الله يقدم الي بي خير
ام سجاد:- فرحت حيل من كالت اريد شمس رحت كلت لابو سجاد
ابو سجاد:-والله همة خوش ناس و طيبين اني ماعندي اعتراض بس لازم تكولين لاخوهة هوة يعرف شباب المنطقة
سجاد:- رجعت من الشغل ميت من التعب سبحت و اكلت اريد انام اجتي امي
ام سجاد:- يمة اريد اكلك على موضوع
سجاد: كولي يمة خير
ام سجاد:- جايين خطابة على اختك شموسة اليوم اجتني ام حسن و راداهة لحسن ابنهة الحجي كال ماعندي اعتراض لان الناس خوش ناس بس كال انتة تعرف شباب المنطقة