كملت قرأن شوية ارتاحيت كمت اشتغل بس بالكوة جسمي يوجعني كوة اشتغلت و عمتي كعدت حاجتني
ام حسن:-يمة شموسة شبي حسن ليش هيج وياج
شمس:-عمة فدوة اروحلج عوفيني خليني ساكتة حسن ميقبل احجي شي ترة يموتني والله
ام حسن:-استغفر الله شبي هذا الولد زين يمة عوفي الشغل شوفي شصاير بحالج
شمس:-عمة مااكدر اعوف الشغل ميقبل حسن الله يخليج خليني اسوي مثل ميريد مااريدة يكسر جسمي ماعايزة اني
حسن:- رجعت من الشغل كلت هسة الكاها ما منظفة لان جسمهة مكسر كيفت حتى اضربهة و ابرد كلبي شو طبيت للبيت الكا يلمع ظليت افتر اريد شي ما منظفتة حتى اطلع حجة بي ماكو سكتت ورة الغدة ابوية صاحلي للغرفة مالتة
حسن:-ها يابة
ابو حسن:-وليدي انتة جبير و دارس و مثقف و عاقل هاي بنية غريبة بت الناس ليصير بيهة شي تريد تفشلنة كدام الناس و هية ما مقصرة بشي و حبابة نادرة وبت اوادم بوية صير زين وياها هاي باجر عكبة تصير ام جهالك
حسن:-سمعت كلام ابوية و ما هتميت كتلة يابة لتزعل مني بس مااريد احد يدخل بينة اني و مرتي و طلعت
شمس:-تعبت من هذا الكائن و من العيشة ويا بس تحملت و كلت اصبر يجي يوم و يتغير و الله مينسى احد و اكيد مينساني ظل حسن فترة طويلة هوة هذا طبعة ع اقل شي يضربي راشدي و يجر شعري واني تعبت من معاملتة .. فد يوم عمتي طلبت مني شغلة
ام حسن:-يمة شميسة فدوة نضفي الحديقة صارلهة هواي محد منظفهة و هاي حنو عدهة امتحانات هسة و اني مااكدر ولو اتعبج
شمس:-ايي عمة تأمرين تعبج راحة .. طلعت انظفهة وصخة حيل طولت بيهة و اني انظف اجة حسن من الشغل شافني انظف الحديقة اجة علية جرني من ايدي سحل و صعدني فوك للغرفة قفل الباب اجة علية لزمني من ركبي يريد يخنكني و عصبي و عيونة حمر تجدح و لازم ركبتي و يحجي
حسن:-حنكتهة و احجي بعصبية .. ليش متسمعين كلام و تكسرين كلمتي منو الرجال هنا اني الرجال و اني الكلمتي مسموعة و متنكسرلي كلمة .. جريت الحزام و اضرب بيهة ازيد من ذيج الضربة
شمس:-جر الحزام و ضربني بي موتني الدم من كل مكان يجري موتني تموت و اني اصرخ و كل صرخة يزيد بالضرب و مقفولة الباب و حنين ادك بيهة و تصيح لحد ما شبع و راح اني اغمى علية ما حسيت الة اني بالمستشفى لكيت حنين و عمتي يمي و يبجن اجتي الممرضة تحمدتلي بالسلامة و كالت الحمدالله الطفل ما بي شي اني صفنت شنو اني حامل و عمتي حنين صفنن
الممرضة؛-ههههه ايي حامل اكو وحدة متعرف بنفسهة حامل المهم الف مبروك و الحمدلله على سلامتج تكدرون تطلعون من المستشفى اليوم
شمس:-طرت من الفرح من عرفت حامل راح يصير عندي طفل بلكت الله يهدي حسن و من اجيبلة طفل يصير زين و يتغير عمتي و حنين باركولي و رجعنة للبيت
ام حسن:-يمة حسن احجي وياك و اسمع كلامي
حسن:-كولي يمة
ام حسن:-مرتك بعد متشتغل هلكد مو زين عليها
حسن:-ليش ناقصهة ايد لو رجل لو كعدت تشكيلج و انتي صدكتي
ام حسن:-لا يمة لا هاي و لا هاي بس مرتك حامل و مو زين عليها الشغل هواي
حسن:-شنو يمة شمس حامل ... فرحت من عرفت مرتي حامل ما اهتميت الهة بس فرحت راح اصير ابو و قبلت بكلام امي متشتغل هواي مو علمودها قبلت بس علمود ابني اخاف عليه
شمس:-الحمدلله قبل اشتغل قليل و خابرت امي بشرتهة و حسن مثل ما هوة بس طول ال 9 اشهر ما ضربني ضرب قوي بس كل يوم احصل راشدي و نسيت ما كلتلكم اهلي كل اسبوع يوديني يمهم من الظهر لليل بس من انضرب اطول عليهم علمود ميشوفون الاثر البية هههههه بس اخابرهم كل يوم لازم ... مرت ال 9 اشهر و اني منتظرة ابني حبيبي بفارغ الصبر و اجة اليوم الي ولدت بي جبت ولد حسن سما علي و اني كلش احب هذا الاسم و طلع ابني يخبل ابيض و خدودة تجنن فدوة حبيبي كمت بالسلامة ورة الولادة و رجع حسن مثل قبل ...
فد يوم علاوي موتني بس يبجي و حرت شسويتلة ميسكت ما خلاني اشتغل ابد اجة حسن من الشغل ما انتبه اني ما منظفة بس صعد لغرفتنة اني جنت جوة لكة ملابسة مغاسلتهن و مكاويتهن نزلي عصبي
حسن:-شمسسسسسسس
شمس:-اجة علية انتبه على البيت ما منظف كلي حلوو حلووو اليوم ماخذة اجازة مو... اخذ علاوي انطا لعمتي و جرني من شعري سحل لفوك قفل الغرفة و هاي المرة طلع روحي عبالك ديضرب بحجارة مو بأنسانة ما خلة لا حزام و لا واير و كلشي كسرة على راسي هم اغمى علية و رحت للمستشفى داووني و رجعت و ما تغير شي
بعد فترة.. حنين:-اجو علية ناس يخطبوني الولد وياية بالكلية و امة خابرت امي و اجتي هية و بناتهة شافوني و امي كالت ان شاءالله اكول لابوها و اخوها و اردلكم خبر
ع الغدة..ام حسن:-ابو حسن اليوم اجو ناس على حنو
حسن:-منين ذولة !!؟
ام حسن:-منا من بغداد مبينين خوش ناس هوة مهندس و كاعد وية امة و خواتة 2 و ابو متوفي حسوني يمة انتة اسأل ع الناس لان بعيدين
حسن:-ان شاءالله يمة
ابو حسن:-حسوني اذا خوش ناس لتوكف قسمة اختك انطيها
حسن:-ان شاءالله .. سألت على الناس و كلها تحمد بيهم ماكو سبب اعارض عليه كتلهم الاهلي و وافقو و اجو الناس خطبو حنين
