اذاني بكلامة ...ظلو حنين و عمتي ينتظرون حسن اني نمت كعدت ب 4 الفجر صحت حنين اجتني كتلهة شنو ما نمتي
حنين:-لا كاعدين اني و امي ننتظر حسن لهسة ما اجة
شمس:-بكلبي.. احسن عسى ميجي
حنين:-كاعدين اني و امي ننتظر حسن ماكو .. دك تلفوني رقم غريب جاوبت .. الوو
المتصل:-السلام عليكم حضرتج اخت حسن
حنين:-و عليكم السلام ايي نعم اني اختة
المتصل:-اني دكتور محمد جاركم
حنين:-اهلا وسهلا تفضل اخي
المتصل:-اختي ابنكم حسن مسوي حادث و حالتة خطرة اكو ناس شايفي و نقلو للمستشفى و ماعرفو شلون يوصلون لاهلة اني شفتة و اخذت رقمكم من والدتي و اتصلت حتى اخبركم
حنين:-شنوووووو حسسسسن يمةةةة ولج لحكي حسن مسوي حادث ولج يمةةةةة حسن راح
ام حسن:-يبووووو ابني راح ليش ربي يومية ماخذ عزيز انهد حيلي حسسسسن ولك يمة ليش عفتني
حنين:-يمةة فدوة لتكطعين كلبي كال خالتة خطرة مابي شي امشي نروح نشوفة
ام حسن:-ولج يمة منو يودينة بهذا الليل ماكو سيارات
حنين:-راح اخابر حوراء و اخلي رجلهة يودينة ....... اجتي حوراء وية رجلهة و كلت لشمس ديري بالج راح نطلع و خليت التحتاجهن يمهة و طلعنة ركض للمستشفى
شمس:-من سمعت حسن مسوي حادث اجاني احساس انو اني فرحت من سمعت بي بس ضجت من نفسي لان اجاني شعور فرح مهما يكون هوة يظل ابو جهالي ظليت كاعدة و ادعيلة ربي يكومة بالسلامة
حنين:-رحنة نركض للمستشفى شفنة دكتور محمد
ام حسن:-يمة دكتور وين حسن شبي ابني وينة وديني اريد اشمة
دكتور محمد:-حجية كولي يالله الولد ما بي شي هسة بالعمليات هوة بطل و ادعيلة هسة يطلعلج ما بي شي
حنين:-تسلم دكتور ما قصرت
دكتور حسن:-هذا واجبني
حنين:-ظلينة ننتظر حسن بالعمليات ما طلع الة ب 6 الصبح رحنة اني و امي للغرفة نشوف حسن جان نايم و حالتة حالة الحادث جان كلش خطر و حسن طلع منة بمعجزة ظلت امي كاعدة يمة و تبجي و تسولف ويا و هوة نايم .... اجة دكتور محمد
دكتور محمد:-اختي ممكن شوية
حنين:-طلعت يم الدكتور و كلبي يوجعني
دكتور محمد:-لازم تعرفون بالموضوع و اني ما حجيت كدام ام حسن لان ادري بيهة مريضة و اخاف ع صحتهة الافضل اكلج انتي
حنين:-خير دكتور خوفتني
دكتور محمد:- حسن الحادث مالتة جان كلش خطر و بالكوة كدرنة نطلعة من الموت و بعد ميكدر يمشي ع رجلة و مستحيل نكدر نعالجة اني اسف بس هذا قدر الله
حنين:-فتحت حكلي انصدمت من كلام الدكتور و دموعي تنزل بلا شعور و اني مصدومة عفت الدكتور و رحت للغرفة صافنة و امي تحاجيني ما اسمعهة و صافنة ع حسن
ام حسن:-يمة حنين شبيج شيريد الدكتور .. ولج يمة مو احجي وياج شبيج ولج حنين حنين
حنين:-ظليت ابجي مااكدر احجي و خايفة ع امي يصير بيها شي
ام حسن:-ولجججج حنين تحجين لو هسة اروح للدكتور اسألة
حنين:-احجي و ابجي ... يممةةةة حسن بعد ميمشي
ام حسن:-ولج شنوووو.... و بعد ما حسيت ع روحي الة و اني نايمة بالمستشفى و حنين كاعدة يمي تبجي
حنين:-اول ما كلت لامي ع حسن وكعت من طولها و شالوهة لغير غرفة الضغط ارتفع عدها ظليت حايرة شسوي ابقة يم حسن لو ابقة يم امي الدنيا سودت بعيني ليش هيج ربي المشاكل كلها نزلت ع راسنة يا ربي ساعدني و ظليت يم امي ابجي لحد ما صحت
ام حسن:-صحيت شفت حنين .. ولج حنين كومي خاف اخوج يكعد اريدة يلكاني يمة
حنين:-يمة لتكومين مو زين عليج ظلي نايمة اني هسة اشوفة
ام حسن:-وخري عني مااعوف ابني وحدة و انام
حنين:-افففف يلا امشي .. رحنة لحسن شوية و كعد اول ما صحة نزلت دموعة و حجة بصوت يرجف
حسن:-يممةة
ام حسن:-يا بعد امك هنا اني يمك كمت يمة كعدت
حسن:-وين شمس
حنين:-حسن شكلة مكسور و ضعيف اول مرة اشوفة بهاي الحالة و يبجي و سأل ع شمس تعجبت ... شمس بالبيت ... لتحجي فدوة تروح تتعب ...........
ظلينة يم حسن و اجة الدكتور شافة
الدكتور:- متكدرون تطلعو اليوم اقل شي 3 ايام يظل يمنة و انتو لازم ترحون
حنين:-كوة قنعت امي نرجع للبيت نرتاح و تجي يمة حوراء بالكوة قبلت خابرنة على رجل حوراء اجة اخذنة للبيت و اخذ حوراء يم حسن ....... شلونج شموسة
شمس:-الحمدلله انتو شلونكم شلونة حسن
حنين:-الحمدلله بس الحادث جان كلش خطر و الحمدلله كدرو ينقذو بس حسن بعد ميكدر يمشي و ماكو علاج الة
شمس:-سكتت ما حجيت و لا كلمة بس انقهرت ظليت ابجي بهدوء مااريد احد يشوفني و مااكدر اروح اشوفة لان رجلي مكسورة و لان كرامتي دست عليها بما فيه الكفاية مااريد ادوس عليها اكثر ...... بعد مرور اسبوع طلع حسن من المستشفى و خلو بغرفة حنين القديمة و اني وية عمتي ابد ما شفتة لان ثنينة منكدر نمشي و حنين خطية حارت بينة تداريني و تداري حسن و عمتي و حوراء كثرت جياتهة حتى تساعد حنين ... زوج حنين عرف حنين جانت تخابر اخوهة لان من حسن راحلة تعارك ويا و ضربة و كلة الية خابرتني و شوفة المكالمة حيدر تندم و ضميرة يأنبة و خجلان من حنين لان ضربها و اتهمها بالخيانة و مستحي من نفسة ميكدر يواجهة و ضرب اختة شيماء
