شمس:-من صفن علية صحيت على روحي مسحت دموعي .. الحمدلله ع سلامة حسن و رحت للغرفة
حسن:-الله يسلمج .. بكلبي . اوووف ربي بعدها ع قرارها .... كعدت ويةة اهلي فرحانين بية و ظليت شايل علاوي مشتاقلة بعدين ندكت الباب فتحهة محمود فات سجاد اخو شمس تعجبت اجة سلم علية بس سلامة ثكيل و سلم ع الكل
سجاد:-وين شمس!!
ام حسن:-يمة بالغرفة هسة حنين تصيحلهة
شمس:-اجيت سجاد ... سلمت ع عمتي و البنات و رحت يم حسن اخذت علاوي و طلعت رجعت لبيتنة
.....بليل صاحني سجاد
سجاد:-شموسة اريد احجي وياج بموضوع
شمس:-ايي كول
سجاد:-شمس اذا حسن متغير و تردين ترجعين رجعي انتي عندج ولد لخاطر ابنج و اذا بعدج ع قرارج طلبي الطلاك و ظلي يمنة
شمس:-من حجة سجاد نزلت دموعي .. والله يا خوية حايرة بس مااكدر اعيش وية حسن مرة ثانية و كلامك صح لازم اسوي شي و اختار طريقي اني اخلي امي تحجي وية ام حسن و يصير خير..... حاجيت امي خابرت عمتي و كالت الهة شمس تطلب الطلاق من حسن ظلت عمتي تحجي وية امي علمود تقنعني ارجع بس اني مصرة ع قراري
ام حسن:-رحت لغرفة حسن ... حسوني يمة خابرتني ام شمس
حسن:-ايي يمة شتريد ؟!
ام حسن:-شمس تريد تطلك منك
حسن:-انصدمت ما توقعت شمس راح توصلها لهيج مرحلة ... شنوووو
ام حسن:-استغفر الله يمة بعد بكيفكم اني ما ادخل
حسن:- حنين تعاي احجي وياج
حنين:-هاا حسوني شتريد
حسن:-خابري شمس كولي الهة امي و حسن يردون يشوفون علاوي خلي سجاد يجيبة باجر
حنين:- ان شاءالله هسة اخابرهة .......... ايي حسن خابرتهة باجر سجاد يجيبة
ثاني يوم.... سجاد اجة جاب علاوي و راح و اتفقنة بليل يجي ياخذة
حسن:-حنين العصر خابري شمس كولي الهة ابنج مريض ارتفعت حرارتة تعاي اخذي لان هيج وكت سجاد بالشغل ميكدر يجي
حنين:-مااشي بس حسن ع شنو ناوي
حسن:-غمزت .. ارجع شمس
حنين:-هههههه الله يهديكم ...... العصر خابرت شمس و سويت مثل ما كال حسن و رحت كتلة شوية و تجي اني رايحة للمطبخ
حسن:-لج تعاي
حنين:-شكوو يمعود
حسن:-من تجي شمس و تسأل ع علاوي كوليلها بغرفة امي من تفوت للغرفة افوت وراها و هاج هذا المفتاح قفلي الباب علينة و خلي فونج يمج من نكمل ادك عليج تعاي فتحيهة
حنين:-هههههه خبل مااشي عيني تدلل.... اجتي شمي مخروعة ع ابنها سألت وينة كتلهة بغرفة امي طبت للغرفة شفت حسن فات وراها رحت ركض قفلت الباب
شمس:-سألت ع علاوي حنين كالت بغرفة عمتي رحت للغرفة ما اسمع الة الباب انقفلت انداريت اشوف حسن كبالي ... حسن وين ابني وين وديتة
حسن:-اشش ابنج مابي شي بس اني خليتج تجين علاوي يم امي بغرفة حنين
شمس:-دفعتة وخرررر شتريد مني انتة عوفني بحالي رحت ع الباب افتحهة متنفتح انداريت حسن افتح الباب و حل عني
حسن:-ههههه اليوم ماكو طلعة منا تقربت يمهة حيل صارت عيني بعينة تباوعلي بقوة متغيرة مو نفسهة شمس الضيفة الي تستلم الكلشي .... شمس خلينة نتفاهم انطيني فرصة احجي
شمس:-حسن ماكو شي نحجي عوفني
حسن:-زين بس سمعيني مرة وحدة اذا ما عجبج كلامي روحي بعد اجبرج ع شي
شمس:-افففف دفعتة و كعدت ع جرباية اجة كعد يمي
حسن:-شمس اني حسيت بغلطي اني من زمان اكره شي اسمى اثنى بعمري ما باوعت ع بنية اكره طاري الزواج بس امي ظلت تلح علية و قبلت علمودها من شفتج بالخطوبة انبهرت بجمالج بس بداخلي كلت لا حسن اصحى انتة رجال من جنت اأمرج و اصيح عليج و اضربج جان ببالي من اسوي هيج يعني اني رجال جنت عبالي الرجولة تبين بضرب الانثى و اهانتهة جنت اعتبر الانثى ماعدها كرامة و شغلهة بس خدامة و جان ببالي الي دا اسوي صح و راح اثبت رجولتي هيج جنت من اشوف معاملة الازواج لزوجاتهم معاملة زينة اكول هذا مو رجال و يخضع لانثى بس من نضربت حنين كرهت الدنيا و عرفت الدنيا دوارة مثل ما سويت بيج صار بأختي بس انتي استفزيتيني بكلامج و ضربتج و هاي المرة قسيت عليج لان جنت حيل مقهور علمود حنين و من رحت تعاركت وية حيدر ضربتة كتلة انتة مو رجال تمد ايدك ع اختي وكف كبالي و مبتسم كلي اني ضربت مرتي لان شفت دليل كدامي و غيرتي خلتني اسوي هيج بس بعمري مااضرب حنين علمود شغل البيت لو اضربهة بدون سبب هاي مو اسمهة رجولة يا رجال و من عفتة داارجع للبيت ظليت افكر بكلامة و صار الحادث و من عرفت اني بعد ما امشي عرفت الله عاقبني لان سويت بيج هيج و صدكيني متندم شمس اني ما انكر اني حبيتج حبيت جمالج و حبيت صبرج و حبيت ترتيبج و شغلج و اخلاقج و حبيت كلشي بيج و من اجي اخذ حاجتي منج جنت اشتاقلج بس جنت اتخيل اذا اصير وياج حنون و ادللج راح تروح رجولتي شمس الله يخليج سامحيني ماكو بشر ميغلط و اني دا اصلح غلطي و احنة عدنة ولد لتخلي يتبهذل من ورة غلطة ارتكبها ابو و تندم عليها رجعيلي شمس اني احبج
شمس:-هوة يحجي و اني ابجي و كلامة قنعني و طول ما هوة يحجي اني احمد الله بكلبي لان استجاب دعائي و خلة حسن يتغير باوعتلة بدموع و ابتسامة كتلة ..... مسامحتك و راح ارجع ..............
