المخطوفة والقاسى

الفصل الحادى عشر

المخطوفة والقاسي بقلم/رباب وولاء الجهينى

حلقة 11

فى الاعلى ... صعدت الفتيات لتحضير الغرف وهن فى منتهى التوتر والقلق ناظرات الى بعضهن البعض بدأت الحوار روح

روح :... وبعدين يا زمرده فى الورطة دى هنعمل ايه دلوقتى احنا هنام فين كان لازم تتسحبى من لسانك وتقولى اننا عرسان يعنى مكان ممكن تقولى اننا أخوات .فالحة بس تقولي. نووو. يا حببتى ده جوزى ده وقت غيرة طيب أشربى بقى ال هيحصل وادم وجسور الاتنين مجانين الله أعلم هيعملوا معانا ايه...

زمرده:... معرفش بقى اهو اللي حصل اتسحبت من لسانى وخلاص يا روح منتى ما شوفتيش البت كانت بتبص لادم ازاى كانت هتاكله بعينها ولاشوفتى كانت لآزقه فيه وعمالة تتكلم معاه هوا بس من غير ما تعبر جسور خالص اتحرق دمي ..انا شكلى بغير عليه ...

روح:... بتغيرى .. طيب... والله انتى هبلة بتعيشى قصص رومنسيه فى دماغك.. دلوقتى احنا متجوزين فعلا والناس ال تحت دى فاهمه كده وأي راجل ومراته لازم يتنيلوا على عنيهم و يناموا فى أوضة واحدة هتاخدى أنهى أوضه..

زمرده:... ترد بلا وعي منها وبلا تفكير مسبق ازاى يعنى هنام فين أكيد الاوضه اللي على البحر ..بأحراج واضح .. تقول عشان يعنى يا روح انا ال نضفتها وكده انتى فاهمة ...

روح:... تصمت متبرمة طيب خلاص نحضر للضيوف الاوضة اللي فيها سريرين يلا بينا ...

فى الاسفل ... مع الضيوف ...

ادم :... متحدثا لضيفته الجميلة ...عايشة ... انتى بتتكلمى عربى حلو على فكرة انتى متعودة تيجى مصر

أجابت ..عايشة.. ليس دائما لكن هذه المرة دى انا ووالداى قررنا الذهاب في جولة الى أكثر من بلد أولهم مصر .. وها نحن أمامك الان .. بالمناسبه ما أسمك كامل كى أبعث لك برقية شكر من بلدى .. ضحك ادم بفخر واضح وقال بلا تردد اسمي ....

ادم عابد زهران ...لم يتم جملته الا ودخل جسور حاملا طعام العشاء للضيوف الاتراك ...

جسور:... اسف يا جماعة على التاخير بس الجو بره واضح انو فى نوه قادمة ..

لم تفهم عايشة .. كلمة نوه.. اى دى .

فسر لها جسور نوه يعنى موجه أمطار شديده بتيجى مرة واحده .. وختم كلامه اتفضلوا العشاء...

نزلت الفتيات على صوت جسور وحضرا الطعام وجلسا جميعا فى جو يسوده الدفء و يتناولان العشاء..

بعد الانتهاء من تناول العشاء ... أوصلت روح وزمرده الاسرة الى غرفتهم وذهبت كلا منهم الي جسور و ادم ..

ادم:... ها حضرتيلنا انهى اوضه .. ترد وتتظاهر بالصدمة حضرتلنا قصدك ايه ..

قصدى طبعا بما ان حضرتك يا أستاذة اتسحبتى من لسانك وقولتى اننا أزواج لازم نبات الليلة دى بس قدام الاغراب دول مع بعض عشان نتقي الشبهات انا مش ناقص ..