"مش تحاسب " صرخت روچين به فبعد ان كادت تصدمه ..صراحة تصدمه هى كلمة صغيره هى كانت ستفنيه من على وجه الأرض! "انا الى احاسب ! مين فينا الى كان هيخبط مين بالظبط " "ايوا انت كنت ماشى سرحان وبتسمع اغانى فاكر نفسك فى المالديف وبتعدى الطريق ولا البطة فبياتها الشتوى " هتفت به تضع كفيها فى منتصف خصرها وشعرها الأحمر النارى شاركها جرأتها ولسانها كالعادة انفرط وله الله من يقف امامها " وربنا ! يعنى انتى مش ماشية بسرعة زى ما تكونى سارقة بنك يعنى مش عارفة انك فى بلد ايا كان مقفولة اييه فاتحة عالبحرى ليه وبعدين لما انتى مبتعرفيش تسوقى بتركبيها ليه !" "اركبها ولا لا هي من جيبك! شخص سمج زى البطريق " " اهبطى بقى ! غلطانة وبتقل ادبها " غطت ملك صديقة روچين ورفيقتها فى السيارة عيناها فواضح بل اكيد ومؤكد وحتمى ان هذا الشخص امه دعت عليه وربما يكون اليوم حظه وسعده ليلتقى بروچين فى اجمل حالاتها ! هبطت ملك من السيارة تحاول ايقاف المدفع المتمثل فى روچين من الإنفجار فى اى احد ! " انت زودتها انا قليلة الادب هو ...." ملك : " حقك عليا يا روچين انا الى قليلة الأدب ..هو ميقصدش انتى الأدب كله " والتفتت لذلك الشاب الوسيم امامها لتبتسم قائلة " وانت يا حضرة حقك عليا انا اسفة وكويس انك سليم خلاص بقى روح " "عشان خاطرك بس يا انسة واضح فعلا انك محترمة " صرخت روچين " شوفى بيغلط!! اهوه بيغلط قصدك انى مش محترمة ! انت قصدك انى مش محترمة صح دا...." وضعت ملك يدها على فم روچين وهى تهتف " لو خايف على نفسك وكرامتك امشى حالا! وانتى يا روچين ابوس ايدك كفاية ! " تحرك الشاب الوسيم من امامها لينظر لملك بابتسامة مَلِك وهتف برقة " شكرا لذوقك يا انسة..بس نصيحة عالجى صحبتك هتلسع قريب دا لو مكنتش لسعت " وتحرك فى طريقه نحو مقصده ..لتهدأ روچين وتصرخ بها ملك " ارحمينى مرة واحدة متتخانقيش ...مش كفاية انك سارقة عربية ابوكى وهو حالف ليبلغ عنك ..كمان تتخانقى روچين انتى معكيش رخصة ..لو انجريتى عالقسم دلوقتى هيبقى كويس ..اتفضلى اركبى خلينا نروح زمان صاحب ابوكى دا جه وابوكى هيخنقك " "وانا مالى استقبل صاحبه ليه هو رئيس جمهورية كينيا " صرخت بها ساخرة تتحرك نحو سيارتها بعد ان انفض الجمع القليل من حولهما لتضحك ملك مشاكسة " اشمعنى كينيا " سخرت روچين " عشان عندهم كناغر كتير وانا بحبهم " ملك بحنق ساخر " والله مفيش منك فايدة " ركبتا السيارة لتهتف ملك " دى روچين الى كانت خارجة مضايقة من الإمتحان ..يا سبحان الله عمرى ما شفت واحدة بتفرح لما تتخانق " " هو الى تعيش مع جوز البغال يوسف واسر الى بابا مخلفهم دول تطلع رقيقة بردك " " امشى يا روچين روحينى خليكى تروحى لابوكى يلا دمى اتحرق خلاص!" اوصلت روچين ملك الى بيتها وقضت معها حوالى نصف ساعة يتحدثان عن الإمتحان القادم لتنصرف روچين نحو بيتها وصلت روچين المنزل ادخلت السيارة لمكانها وعلمت ان والدها عرف ! دخلت الصالة فوجدت امها تدور ذهابا وايابا واسر يضع يده فوق كتف يوسف مبتسمان بتشفى يشمتان بها وابوها مديرا ظهره لها لترى يدا اخوتها ترتفعان ليتحركها على رقبتهما كعلامة الذبح !! لتهتف روچين برقة غريبة عليهم " عصر الخير يا جماعة ! سلام عليكم " سخر والدها ليهتف بحنق " وعليكم السلام ! شرفت يا ابنى التالت !! روچين انا مية الف مرة اقولك ملكيش دعوة بعربيتى ولا بعبية اخوكى صح ولا مش صح " رفعت روچين حاجبها لتهتف بحنق " مهو انت يا بابا سحبت منى عربيتى اعمل ايه يعنى !! " "سحبتها قبل ما تسحبى ارواح الناس انتى اتسحبت رخصتك فى شهر واحد ٣ مرات اعملك ايه اكتر من كدا " اجابت بتملل " وهو يعنى عشان المرور مستقصدنى تقوم تصدقه وتسحب عربيتى " رفع يده للسماء وهتف برجاء " يارب انا تعبت يا تاخدنى يا تاخدها ، روچين معاكى بطاقتك " تعجبت روچين من سؤال والدها الغريب وهتفت " اه ليه ؟" "هاتيها .." هتف والدها اخرجت روچين بطاقتها من جيب البنطال فروچين لا تحب ان تحمل ايه حقيبة ليأخذها عامر بعنف يديرها ويرفعها امامها "شايفة خانة النوع !! يا سبحان الله انثى " هتفت بمرح " يا سبحان الله " هتف بها وقد سلم امره لله وشت عقله منها " شوفو ازاى !! شلينى اكتر شلينى مهى ناقصة !!" اقترب عامر منها وضاقت عينيها خوفا ليقترب منها ويمسكها من ياقة ملابسها كأرنب برى لتوه اصطاده احدهما " بصى يا روچين عمك صادق ومراته فوق ويارب ميكونوش سمعونا وابنهم ادم خرج يتمشى وجاى شوفى عظيم بيمين ابدا لو ماحترمتيش نفسك واتصرفتى على انك بنت مهندسة مش ميكانيكى واحترمتى نفسك كدا وخطبوكى لكون معلق راسك على باب زويلة صدقينى انا خلاص تعبت منك " ضحك اسر ومن خلفه يوسف من منظر اختهما ليصرخ بهما " لو حد منكم بس عرفت او لمحت انه عمل مصيبة هعمل فيكم مذبحة المماليك التانية سامعين " وتركها صاعدا لغرفته لتقترب منها امها وتؤنبها " حرام عليكى يا روچين هتشلينى انا وابوكى ! عشان خاطرى يا بنتى اسمعى الكلام المرة دى بس..فوق هتلاقى فستان وجزمة جداد البسيهم على العشا مااشى اتفضلى اطلعى استحمى وانتى رحتك شحم كدا وبلاش لبس الولاد دا " صعدت روچين متضايقة من تلك المسرحية المتكررة على شرفها لترى وجهى اخويها يضحكان قبل ان يعبسان بسبب صوت امهما " وانتوا يا جوز الخيل تعالوا ساعدونى اهو تعملوا حاجة مفيدة فى حياتكم " صعدت روچين لغرفتها تتأفف لتجد فستان اسود محتشم وغالى على فراشها وكذلك حذاء كعب عال فهتفت بفم مفتوح " دا انا ملبستش كعب فى الأفراح هلبسه للمتعوس الى جاى " التقطت ملابسها تشتمها وبالفعل شعرت برائحة زيت تنبعث منها فدخلت الى الحمام تستحم!! لتنام ساعتين قبل العشاء..استيقظت روچين على صوت يوسف المزعج لتنهض خارجة من غرفتها لتجد اسر يقف حارس على الباب "نعم سيبنى اخرج !" اسر بسخرية مغيظة " ممنوع !" " اسر بطل هزار وسيبنى انزل جعانة " " ابويا حلف على امى لو شافك ببجامة الكستور بتاعتك دى هيطردك من بيتنا وامى عينتنى حارس عندنا ضيوف ومهمين ادخلى اتشيكى وبعدين انزلى " " هى النضافة بالعافية!!" " معاكى انتى اه !!" تافف روچين ودخلت لغرفتها تستعد وبداخلها الغضب يتفاقم ويتضاعف وهى تتوعد لسعيد الحظ المنتظر ! نزلت روچين بفستان هادئ مريح اسود اللون محتشم وشعرها مصفف ومتحرر بدون اى مساحيق تجميل فيعينها العسليتان كفيلتان بكحلهما سحر الكثير رفضت ان ترتدى حذاء بكعب عالى فنزلت بنعل منزلى "شبشب بوردة" لينبهر صادق وزوجته بجمالها وبتعجب ابوها وامها من هدوءها وهما يعلمان علم اليقين انه الهدوء الذى يسبق العاصفة ! هتف عامر " امال فين ادم ؟؟!" اجاب صادق " بيرد على تليفون شغل مهم وجاى " وما اوشك ادم ان يدخل ويرفع رأسه ليحيهم حتى هتف بحنق متعجب " انتى ؟؟" هتفت روچين بتفاجئ وتوعد " يا نهار ابوك مش فايت !!"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
