كرة النااار🔥🔥
روچين v.s ادم😂😂😂"٣"
"محدش عارف قدره شاب زى الفل جاى يتجوز هيروح مسلوخ وان لله وان ليه راجعون "
هتف بها آسر اخو روچين ليهبط الدرج يساعد اخته المكلوبة تعيسة الحظ !!
اخذت دقائق لتستوعب ..انها سقطت وسعلت و...و...و انها تقريبا تحمل وزنها كله على ذاك السمج الذى سرعان ما استفاق رغم المه ونظر لها بتعجب وذهول لتنهض روچين بسرعة من عليه لتمسك خصرها بألم وتهتف " اه يا ضهرى..مش تفتح يا اعمى ! ايه فاتح عالبحرى ليه فاكر نفسك فى مارثون مش تحاسب مش فى ناس عايشة هنا فى البيت طبعا ما انت فى القطب الجنوبى كنت براحتك " ضرب كفيه بحنق وحيرة ليهتف بتعجب ساخر " يا ربى انتى كانوا بيرضعوكى ايه وانتى صغيرة بنزين ..فحم ، جاز !؟ ارحمى نفسك اهدى دا انتى لسانك اطول منك ...خلاص ربنا خد من عقلك واداكى فى لسانك "
رفعت حاجبها لتهتف بتذمر " ال يعنى لو كسرت جمجمتك هلاقى مخ ؟؟"
تعجب منها " اومال هتلاقى ايه ؟ كليتى ولا طحالى "
" لا وانت الصادق هلاقيه فاضى!! وانت هتحتاجه فى القطب ليه انت بتاكل وتصقف وتقول أووو أوو "
زفر وكاد يجيب وصبره نفذ ليدخل آسر بينهما وهو يهتف " وربنا ما انت رادد حقك عليا انا اسف .. هى متقصدش !!" ثم التفت الى روچين الثائرة بعنفوان وهتف بسخرية " يا غبية كلب البحر هو الى بيصقف ويقول أوو أووو البطريق بيتزحلق بس !! " ضحكت روچين وازداد غضب ادم ليهتف " انتى فعلا انسانة قليلة الذوق ..حتى صفة التأنيث خسارة فيكى ! قولت يمكن بتحب تهزر لكن صدقينى انتى لا تطاقى واقل بكتير منى ارد عليكى او انزل من مستوايا ليكى ! بدل ما تشكرينى لحقتك بدل ما كان عظمك يتكسر عضمة عضمة بتطولى لسانك ..كله من ذوقك يا محترمة " ودون ان يسمح ان يكون للكلام بقية تركها وصعد لغرفته متضايق وسعيد انه الجمها ليلتفت لها آسر متعجب من هدوئها وجدها مذهولة تحاول تجميع الكلام كاد يهتف اخييييرا احد ألجم روچين وأسكتها !! ولكن يا حسرتاه فرحته لم تدم حين تسائلت بصوت مبحوح " هو هزأنى بالنحوى ولا انا بيتهيألى !"
رفع حاجبه ويكاد ينفجر منها " دا الى همك هزأك بالنحوى ولا لا اااه يا روچين هزأك !! وعنده حق اهبطى شوية وبطلى طلعتك دى حرااام قطعتى خلف الواد !! نجوزه ازاى دلوقتى !؟"
هتفت بصوت مبحوح تستوعب قليلا ما قيل لها " لا بس خدت بالك وبيقولى مستوايا ومستواكى ...اخر مرة حد هزأنى بالنضافة دى كان مدرس العربى فى تالتة ثانوى قبل ما اسيبله الحصة وازوغ منها الصراحة !!"اغمض عينيه يحاول التنفيس عن حرقة اعصابه وهو ينفض يدها التى اعتلت كتفه فجأة ليهتف بها " شوفى دا انا لو ابوكى كنت ربطك بحبال وجريتك مربوطة فى شنطة العربية لحد ما تسلخى ويبقى قدامى مرهم واسيبك تتعذبى "
نظرت له من اعلى لأسفل تسير مبتعدة عنه "بس يا بابا !! مبقاش الا انت تهزأنى هو انا بقيت ملطشة فى بيتنا ولا ايه اوعى خلينى اطلع ورايا محاضرة اوعاااا"
وسارت تعرج بشكل يضحك وهى تمسك خصرها المتألم ليهمس فى داخله " جالك الموت يا تارك الصلاة "
واستدار ليزيل اثار الحادثة الرائعة التى حدثت كى لا تصاب امه بجلطة او بدخل ابيه السجن فى اخته !!
________
"جننها !!" هتف مالك صديق ادم من على الهاتف فبعد ان حكى له ادم ما حدث واصرار والده على البقاء فى هذا المنزل واجباره على خطبة هذا الكائن الغير مصنف بعد لا يعرف غاية والده من ذلك ولكن من سابع المستحيلات ان يرتبط بكلب البحر هذه !!
" اجننها ازاى!" تسائل ادم !
" انا بردو الى هقولك العب عليها يا ادم وربيها !! واضح انها رفضاك وبتعمل كل دا عشان تطفشك اقوم اييه انت متطفش؟!"
"متطفش ازاى بقولك لو قعدت معاها اكتر من كده يا هخش السجن يا هخش مستشفى امراض عقلية "
"طب والى يدخلهالك مستشفى الأمراض العقلية !! اسمع بس يا بنى دا نوع جديد عليك انا هقولك تتعمل ازاى وبعد كدا ابقى اخلع !!"
" خلينى معاك لحد الآخر " اجاب بيأس
________
انهت روچين كليتها على خير دون اى احداث مشوقة مخططة تكتيكية لتذهب الى الساحة تستقل سيارة اجرة تقلها للمنزل فوالدها صباحا ازال بطارية السيارة تماما كي تتوقف عن قيادتها !!
ولكنها توقفت حين رأت سيارة ابوها تقف امامها وامها تحادثها من النافذة بلهجة رسمية آمرة " اركبى حالا "
تعجبت روچين وركبت السيارة لتغلق الباب فقالت امها " يلا يا عامر اطلع على بركة الله"
تعجبت روچين وتسائلت " احنا رايحين فين يا جماعة مش بعادة حد يوصلنى يعنى !!"
هتفت امها بحنق " لو عليا عايزة اجرك بالعربية !! والله اسر عنده حق "
رفعت روچين حاجبها وتعجبت !! أسر ...سيارة ، اجرك هتفت " هو لحق حكالك !!"
" هو الى عملتيه يتحكى !! دا يتعمل مسلسل ! اعمل فيكى ايه الطم ويقولوا الولية اتجننت !! اشق هدومى واخرج من الدين خالص!! اولع فى نفسى اعمل ايه عشان تبقى بنت !"
" بنت ..بنت ..بابا يقولى بنت وانتى تقوليلى بنت والسمج يقولى بنت واسر يقولى بنت ايه هو انا فاقدة الذاكرة ولا الدكتور ضحك عليكى فى الصونار وقالك هتجيبى ولد !"
عامر " متحرقيش دمك !! مش هتسكت انتى عارفاها احنا هنفذ الى عزمنا عليه "
هتفت بذعر مصطنع " هتخلصوا عليا !! "
عامر بتحسر " لا وانت الصادقة انتى الى هتخلصى عليا "
وصلوا وصف السيارة فى مرفق احد اكبر التجمعات التجارية فى البلدة ليهبطوا جميعا لتهتف " طب انا جاية اعمل ايه انتوا هتتسوقوا انا مالى "
هتف عامر " اصلنا عايزينك كموديل امشى يا روچين والنبى انا ضغطى عالى لوحده "
تقدمتهم دعاء امها تجرها من يدها ليتناولوا المتاجر متجر متجر كل ما لزم روچين من ملابس واكسسوارات وعطور وكماليات بالوان زاهية وردية وحمراء وسماوية وفساتين سهرة وغيرها عملية مريحة لتهتف روچين وهى ترمى بجسدها على مقعد احدى المقاهى فى المركز التجارى " ياااه جايبين هدايا لوحدة نفس مقاسى فى كل حاجة !! بس واضح انها مهمة اوى" هتف عامر بها متعجبا " روچين انتى بتتعاطى حاجة من ورانا !!"
" حد الله يا حاج مش بنتك دا انا من البيت للكلية ومن الكلية للبيت " هتفت ترفع بدها بإستسلام ساخرة !
" اومال الغباء دا جايباه منين !؟" هتفت دعاء حانقة
" هو مش غباء بس بحاول اكدب نفسى يعنى انكم اكيد مش عايزنى البس وردى وكرانيش"
" كرانيش !!! انتى شايفة نفسك ستارة طموحك بعنى تبقى ستارة ؟" هتف والداها
فأكملت بمرح ساخر " اه مهو ناقص تقولولى اعملى شعرك وحطى احمر والبسى كعب وواحدة وواحدة تقوليلى البسى بينك بلو وبيبى بيربل و بينك بودر ومش عارفة حاجات استغفر الله العظيم "
هتف عامر واستسلم فالضغط جاوز الحد بل انفجرت شراينه بجلطة ثلاثية حادة" لو فاكرة يعنى عيد ميلادك بكرا واحنا عملنا حفلة ليكى وادم هو الى هينظمها عشان تبقى حفلة خطوبتكم بالمرة"
بمرح قالت " ايه الحنية دى وبعدين ايه المميز فى يوم ميلادى عشان نعمله حفلة و.. و.... حضرتك قولت ايه "
امها بلين " روچين اهدى متفرجيش علينا الناس"
" حضرتك قولت خطوبة وفى ضمير مخاطب شبك فى الكلمة دى غلطة املائية ولا انا سمعت غلط "
اجاب بحذر " لا سمعت صح !! ودا اخر كلام عندى "
" مش مشكلة نكمل كلامنا اشارة !! خطوبة مين ..انت عندك بنت تانية غيرى "
هتف ساخرا " كفاية واحدة "
فاجابت بذهول وغضب يتضاعف " طب ايه يا حاج هتسلمنى تسليم اهالى"
هتفت دعاء وصوت ابنتها يعلو ولسانها حتما سيطول عن حده " طب نكمل كلامنا فى البيت !! يلا يا عامر عشان منخرجش من هنا بفضيحة " وساروا نحو بوابة الخروج لتخرج خلفهم وبعقلها الف سؤال وجواب وتوعد وانتقام !!
___
" ادم مين ؟؟"
هتف ادم بتساؤل متعجب محتار
فأجاب صادق " ادم انت ! ايوا بكره خطوبتك على روچين !"
تعجب وصاح مستفسر " روچين مين قول بنزين قول نفثالين اى حاجة غير روچين خطوبة مين وعيد ميلاد مين بابا انت بتهزر صح ؟!"
صاح صادق بحنق يحاول اقناع ابنه العنيد " وههزر معاك ليه صاحبك !! بكرا خطوبتك ودا اخر كلام يا ادم ولو رفضت اعتبر كدا ان ابوك مات !! "
كان ادم اشبه بأسد يزمجر ويزأر يصيح " بابا انا مبحبش الضغط"
لانت نبرة صادق وهو يخبر ابنه " يا ابنى يا حبيبى انت هتحبها !! صدقنى هى مجنونة شوية وعشان كدا علاقتكم هتبقى مميزة !! بس هتحبها اسمع كلام ابوك "
رفع ادم حاجبه ليهتف " احب مين دى ريا وسكينة فى روح واحدة اخاف اتجوزها تحضرلى ارواح "
نهاه صادق عن التمادى " عيب يا ادم دى خطبيتك دلوقتى !"
" يعنى دا اخر كلام عندك يا بابا"
" اه" اجاب صادق بحزم
" ماشى !! وانا موافق " تهللت اسارير صادق وسرعان ما انطفئت مع كلمة ادم " بس تستحمل "
