مخلوق ارعبني

2-حقيقي ولا خيال

صحيت وجهزت بس قررت اعدي علي بابا ف الشغل انهاردة عشان اتكلم معاه شوية نزلت من اوضتي بسرعة وسلمت علي ماماوعمر اخويا  23سنة بس انا مبقعدش كتير في البيت عشان الشغل وبابا وماما منفصلين فاوقات بعدي علي بابا و بعد كدة بروح انام علي طول المهم سلمت علي عمر وهزر معايا شوية روحت لبابا الشغل سلمت عليه هو شغال محاسب ف بنك فطبعا مكنش فاضي يتكلم معايا عشان الشغل ولو عديت عليه في البيت مراته مبتسبليش فرصة اكلم كلمتين علي بعض مشيت منغير ما نتكلم في اي حاجة.
روحت ع الاخصائية وانا هتجنن ما انا منستش الموضوع اصلا كنت هتجنن من القلق روحتلها لقيتها قاعدة

"مريم":ازيك
"الخصائية":تمام الحمد لله
"مريم":ايه اخبار الولد طلع ماله؟
"الاخصائية":انا اول مرة في حياتي اشوف حالة كدا
"مريم": ليه فيه ايه؟
"الاخصائية":الولد بينكر اصلا انه كلمك
"مريم":يعني ايه؟
"الاخصائية":بصي انا سالته انت شوفت ايه لما كانت ميس مريم في الفصل وقالي انه مشفش حاجة عشان اطمن هكلم مامته وهطلب منها تاخده لدكتور نفسي بس انا بيتهيالي هو معندوش حاجة بس الدكتور يقدر يطمنا اكتر مني اكيد
"مريم":شكرا ليكي معلش تعبتك معايا
"الاخصائية":ولا يهمك بس هتجنن هو ليه انكر اما سالته لو شاف حاجة وانتي في الفصل
"مريم":معرفش انا بحمد ربنا ان حصتي انهاردة بعد الفسحة عشان اكون فهمت منك بس بردوا انا كدة متلغبطة رايك اتعامل معاه ازاي
"الاخصائية": عادي جدا زيه زي اي طفل كأنه مقلش حاجة مع انه ممكن يكون فعلا كدة
"مريم":اصدك اتجننت يعني مبقتش افرق بين الخيال والواقع عن ازنك
"الاخصائية":ءآآ.. انا مقصدش كدة

***********
ومشيت من غير ما اسمع منها ولا كلمة كلامها دا قلقني اشمعنا الولد دا اسمعه بيقول كده اكيد مش خيال وانا هثبتلها روحت علي الفصل وفي فكرة جتلي في دماغي قولت انفذها شرحت الدرس عادي وخلص ومسكت موبيلي وندهت ليوسف فتحت التسجيل

"مريم":ازيك يا يوسف
"يوسف": انا زعلان منك
"مريم":ليه؟
"يوسف": عشان انتي مش مصدقاني
"مريم":مش مصدقاك ... علي ايه؟
"يوسف":عمو بيقولي كدة
"مريم": طب هو هنا
"يوسف": اه واقف اودامي وبيقولك انك هتشوفيه قريب بس لازم تصدقيه
"مريم": اصدقه!!.... مفيش حاجة يا حبيبي دا خيال مش حقيقة انا مش شايفة حاجة ولا اي حد شايف حاجة دا خيالك
"يوسف":لا مش خيالي عمو بيقولك هتشوفيه بس متحكيش لحد حاجة
"مريم":طب عاوز حاجة, سلام
"يوسف":صدقيني

***********

مشيت وانا بحاول اقنع نفسي ان الولد ده مجنون واني مش هشوف حاجة افتكرت التسجيل سمعته تمام اهو الدليل اني بعقلي ومتجننتش روحت للاخصائية وانا فرحانة جدا معايا دليل اني تمام.
"مريم": اهو الدليل اللي بيقول اني عاقلة
"الاخصائية": دليل!.. دليل ايه؟؟
"مريم":اسمعيه وهتفهمي كل حاجة

شغلته والصدمة الكبيرة انه مكنش فالتسجيل غير صوتي وانا بتكلم صوت يوسف مظهرش اصلا بقيت هتجنن.

"الاخصائية":فين الدليل دا انتي بتكلمي نفسك خدي اجازة اسبوعين دي اكتر مساعدة اقدر اقدمهالك انك متتكلميش في الموضوع دا تاني وروحي ارتاحي
"مريم": ارتاح ايه الولد يوسف كان بيكلمني
"

الاخصائية": يوسف ايه؟؟
"مريم":يوسف.... مش فاكراه ولا ايه؟
"الاخصائية":طب اوصفهولي
"مريم": هو ولد رفيع جدا وقمحاوي بس عينيه لونها ازرق
"الاخصائية": لونها ازرق انتي متاكدة؟!
"مريم": اه ليه؟
"الاخصائية":لا مفيش حاجة بس اكيد فيه حاجة غلط عن ازنك

مشيت مش فاهمة مالها والي مش فهماه اكتر انا مالي ايه اللي بيحصل وكلام الولد ده معايا حقيقة ولا خيال

__________________
*****************