مخلوق ارعبني

7-اخترت

حازم مشي فطلعت اوضتي وقررت انا هختار حياة حازم سامحني يا حبيبي بحبك وخلاص هعمل كلامهم دخلت جبت موس من بتوع عمر وانا بفكر في ان موتي حرام بس بردوا بحبك يا حازم فقررت اعمل حاجة حازم تحت كتبت رسالة لحازم بقوله فيها'انا عشان بحبك اوووي هحميك مش هقدر اقولك من ايه بس اللي اكيد انا بحبك وعايزاك متنسانيش انت اكتر حد حبيته في حياتي ومحبتش حد غيرك ادعيلي ربنا يغفر لي' ومسكت الموس وقطعت شرايني وبعتله الرسالة الدنيا اسودت في عنيا و حسيت برعشة في جسمي

......حازم مع الدكتور
"الدكتور":انتوا تحمدوا ربنا انها لسة عايشة
"حازم":هي انتحرت ليه
"الدكتور":كنت هسالك نفس السؤال هي عندها مرض نفسي او اي حاجة
"حازم":لا خالص بس انا هدور علي السبب المهم هتصحي امتي
"الدكتور":هكون صريح معاك هي نزفت كتير فدخلت في غيبوبة بعد كده والغيبوبة ملهاش مدة ممكن يوم يومين سنة الله اعلم بس اهم حاجة انها حالتها مستقرة
"حازم":ان شاء الله هتفوق قريب انا حاسس
"الدكتور":ربنا يقدم اللي فيه الخير عن ازنك
"حازم":اتفضل

حازم بعد ما الدكتور مشي كان حاسس ان في حاجة في المدرسة هي السبب راح المدرسة ومش عارف يبدء منين استأذن من المديرة انه جي ياخد استقالة مريم عشان نسيتها وهو ماشي عدي علي غرفة الاخصائية وطلب منهم الاستقالة وقال يسال هناك
الاخصائية :اهلا وسهلا اتفضل هو حضرتك ولي امر طالب عندنا
حازم:لا حضرتك انا جي اخد استقالة خطيبتي مريم
هدي:هي مريم خطيبتك هي عاملة ايه دلوقتي  بقت احسن
حازم:اه الحمد لله بس عرفتوا ازاي دا لسه امبارح
هدي:ايه الي امبارح دي بقالها شهر على الحال ده لحد ما قولتلها تستقال احسن لها
حازم:قصدك علي ايه ممكن توضحي
هدي:هي كانت بيتهيأ لها حاجات غريبة كانت بتكلم طفل مش موجود بس مش عارفة ايه حصل
حازم :طفل ازاي مش موجود يعني
هدى:يعني كانت بتكلم خيال
حازم:طب بعد ازنك ممكن اطلع فصلها
هدى:مش مسموح نهائيا حضرتك اسفة
حازم:مريم تعبانة جدا لو سمحتي عشان اعرف انقذها هسال الاطفال مجرد اسئلة ومش هاخد وقت اوعدك
هدي :ماشي بس بسرعة عشان متعمليش مشاكل اتفضل
طلع حازم وهدي وهو مش عارف يعمل ايه بس حاسس انه ممكن يوصل لحاجة
حازم:ازيكو هسالكوا سوال بسيط بس تجوبوني بصراحة ميس مريم كانت بتعمل حاجات غريبة
طفل من لاطفال:هي يا مستر كذا مرة تنده علي حد مش موجود وتخرج من الفصل تتكلم مع ان مش معاها حد ومرة ردت هي فاكرة حد بيناديها بردوا واول حصة ندهت على حد وقعدت تساله عن اسمه وتتكلم ومفيش حد بيرد
حازم:كلكوا موافقين على كلامه
الفصل كلو:ايوة يا مستر
حازم:طب حد سمع حاجة من كلامها مع الطفل ده
ولد رفع ايده بتردد:ايوة انا اخر حصة الميس كانت علينا فيها كانت الرابعة اللي هي قبل الفسحة
حازم:طيب تعالي معايا
الولد:حاضر يا مستر بس ميس مريم كانت كويسة اووي رجعهلنا عشان وحشتني
حازم :حاضر بس كمل
الولد:خرجت وندهت ووقفت برة جمب الفصل والميس خرجت الجرس رن لقتها واقفة وبتكلم بس سمعت حجات معينة بس هو عادي اقولها
حازم:قول متخفش بس بلاش الكدب
الولد:انا مبكدبش سمعت الميس بتقول انت عايز مني ايه انا معايا حازم حبيبي انتحر ليه انا بحب حازم سيبوني معاه وابعدوا عني وكمان قالت انت بتحبني اللي بيحب حد مبيعوزش يجرحه وانا بحبه سيبني معاه وكمان قالت حاجة بس مش فاكرها اوي وهي انتحر او حازم يجراله حاجة وقالة حازم ملوش دعوة
.....حازم سمع الكلام ده وهو مش فاهم ولا كلمة بس كلمة بحب حازم فهم انها انتحرت عشان تحميه من حاجة بس هو مش فاهم اي هي بس الي بقا متاكد منه انه بيحبها ومستعد يعمل اي حاجة عشانها ومش هيرتاح غير لما يفهم الموضوع ويطمنها