......
زهره, خية كومي خلي نصب العشة كومة زلم عدنه عدهم طلابه.
مسحت دموعي وكمت وياها ودتني ع غرفه خليت غراضي و نزعت العباية لبست تراكسود بلوزه طويل صح ضيق بسس شسوي فكرت البس العباية بسس تلعب النفس لفيت الشال عدل طلعت عليهم لكيتهم يشيلون بالاكل وكفت يم الباب شافوني كبل صاحولي جانو الولد واكفين يم باب المطبخ ومرت عمي اسماعيل هي تناوشهم الاكل ردت اروح انيي زهره كلتلي ميقبلون ديله طلعت عقدهم بقيت وياهم صح تعبنه خلصنة صبينه النه اكل كعدنه بالغرفه الشفت بيها بيبيتي وكعدنه ناكل جان اكل كلش ثكيل ع حسب حجي البنات كلساع ذابحين ...
,يمة يمة.
سمعنة صوت رجال كامت مرت عمي ام صكر .
زهره, ياا ستار اخاف من صكر منن يريد شي فجاة .
, ليش فجاة عادي?
جان كلتلي
نوره, فدوه اروحله ميحب يكوم احد من الاكل.
,هاا.
رجعت ام صكر
, عمة سماره تروحين لبيت ابوج?
, لااا عمة ابقه هنا.
زهره, ليش خية تعااي وياي عفيه كتلتني الضوجة وحدي.
باوعتلها محجيت شي.
, يده عوفيها ع راحتها .
سكتت زهره بسس حسيتها ضاجت
, زهره خليني استوعب كم يوم.
كبل رفعت راسها ابتسمت.
كملنة شلنه الاكل و الولد لمو الاكل هم سمعنة صوت رياجيل يغسلون كبال باب المطبخ كبل اجه صكر ركع الباب بوجهي .. ايي بوجهي جنت واكفه داشوف شيسوون .. وجععة كلبي شبي هذا خبل. عفته ساعدت البنات نسوان عمامي كعدو يم بيبي. جان المواعين كبار عبالك صينية و كلهن دهن تخيلو كوة نظفتهن بسس هن متونسات و يضحكن عادي .. كملنة رحنة للديوانية ع كولتهم شفنه ابوي و و ابراهيم و صكر و ولد كومة و 2 كبار فاتو البنات اني بقيت واكفه صاحلي واحد, تعاي عمي تعاي .
رحت عليه
, اني عمج اسماعيل تعاي احبج.
تقربت بوسته.
و صاحني لاخ طلع عمي سالم و عمي رسلان جان ولد شاب تذكرت حجي ابراهيم كعدني بصفه.
خله ايده ع جتافي.
, اييي عموو شلونج تعرفتي ع هلج?
هزيت راسي متعجبه شلت راسي شفت هذا نسر يباوع عليه و يخنزر هذاا شبي ي ربي.
بقو يضحكون و يتشاقون و نسر مدري شسمة يتبسبس ويه ابوي مبين علاقتهم قوية.
, بوية صدك تبقين هنا ?
انتبهت ع ابوي
هزيت راسي هو ابتسملي. اتمنه احضنه اكعد يمة بسس مغلوله منه.
, يله يمة ديري بالج عليها خاف رسلان ياكلها.
بيبي ضحكت
, ديله عبدالله شكلولك عليه اكل لحوم البشر بعناادك سمسم صارت صويحبتي بعد عمها .
ضحكت
, فدوه لعينك عمو.
بسرعه باس راسي والولد ضحكو.الا صكر. مدري حمامة مداحفظ اسمه مدري اعاند روحي.
شفت زهره تبتسم لواحد كبالها كاعد عرفته احمد خطيبها بسس شكد حلو النوب كلهم حلوين معسلين سمر و طول و شخصيات.
عاد كام عمي اسماعيل
, يله بويه نروح لابيتنه .
كامت مرت عمي و نوره هم كامت و كامو 6 ولد صلاوووات.
و عمو سالم هم و ابوي راح زهره بقت يمي كلتله و قبل كبل.
بقه عمو رسلان و صكر راح وراهم طلع وياهم رحت كعدت بصف زهره
, شدعوووه شكت حلكج الابتسامة.
كبل ضحكت باوعت عليها شالت راسها فوك ضحكت بصوت و نزلته عيونها تلمع ضربتني ع رجلي
, زهره شهل ضحك.
شفنه صكر كبالنه .هي عدلت كعدتها
, اعذرني خوية .
هز راسه وراح صعد فوك.
