ماعرف شحجي صفنت عليه مثل المضروب ع راسه
،شنو صكر بت عمك ك....
باوعلي مسح وجهة بايده وكعد بصفي
لزم ايدي و باسها كبل جريتها داكوم سحبني حضني حاولت اسحب نفسي مكدرت خنكني
،ولج يول انتي غير تمشين بدمي ول ياب سميره شسويلج حرت وياك
،عوفي وارتاح
،قصدج اموت يا ارتاح
معرفت شكول بقينه شويه ع هلحاله تالي كام و جرني وياه نام ع جربايه جرني بصفه خله راسه ع ايدي حسيته انخبط ويايه بقه يشم بيه واني ساكنه محجيت غير انه حاضنته كل قوتي ماريد اضيع ولا لحظه وهو هيج حسيته نفسه انتظم باوعتله نايم نزلت راسي بسته بلا ميحس كبل فتح عينه وباسني حار وين يبوسني نزعني الحجاب و بسرعه كام
، كومي عدلي ملابسج خلي نرجع
كمت بلا ولا حجايه بسرعه للحمام طلعت لكيته معدل نفسه
لزم ايدي و نزلته صعدنه بالسياره ومحجينه ولا كلمه رجعني لبيت اهلي وراح فتت للبيت جانو الكل موجودين بس محد منتبه ع غيابنه فتت بدلت و طلعت لبيت عمي دنساعدهم لكيت صكر واكف بالباب اول مشافني ضحك نزلت راسي وفتت ابد مدافتهم شي صكر شيريد ماعرف
اول مفتت جرتني زهره
، ولج يا صخم وين وليتي كلساع احد سأل عليج ،
ضحكت
، هههههه لج وي صكر تصالحنه
، جذببب ولج شسوالج ورضيتي
،هههههه شويه قله ادب و رضيت .
باوعتلي ب صدمه و لطمت ع خدهاً
، دهررر بس لا
، لاا لاا هي بوسه وهاي هي
، اي خيه ديري بالج مترهم عدنه هنا
هزيت راسي و فتنه سوه جانو شاعلين اغاني و يركصون ركصنه وياهم فاتو الشباب هم يركصون احلى شي ب فرحتهم ماكو عيب كلهم سوه اني داركص جرني صكر خلاني كباله صدره ع ظهري حت احس ب دكات كلبه عبالك كلبي معقوله هلكد يحبني وخله ايده ع خصري الكل انتبه و فرحولنه
،والله ياخويه اني هم خطبولي جا بس ياسر .
الكل ضحك ع عمي رسلان بابا جاوبه
، اتدلل باجر رايحين للغربيه نخطب الك و ل صكر
كبل جسمي رجف داسحب نفسي بس صكر جعص خصري حت اتأذيت
، عمي السموحه انا غير سماره ماريد
، شلون بويه
، عمي اهم مايدرون يعني ماكو اشكال
هز راسه ابويه واني جتني البجيه انداريت عليه نزل راسه عليه
، صكر ايدك دتأذيني
كبل وخرها جر ايدي صعدني فوك ع غرفة ياسر فوتني و سد الباب ب سركي
بقيت واكفه اجه تقربلي
,دحكي هوني ترا انا مو مخبل تذكرين من اختلفت عليج وانا بداخلي ميت عليج رحت لبغداد شافني صديق الي مجان مقتنع اخذني لابو شربني شي كبل رديت من راسي كالي انت مشرب سحر محبه و تفريق المهم فتحلي السحر بس وحق الله والنبي واني مسحور و كلبي يمج ولا لحظه غبتي عن خاطري سماره حبي الج مو اليوم والبارحه انتي وي روحي نفس صاير ول يابه راحتلج روحي ٧ فدوات .
هو يحجي واني ابجي وكلش تخربطت الامور براسي
، بسج بجي عاد جاي اموتلج ويه كل دمعه يول انا زلمه يحلفون ب حجايتي يمج صرت جاهل اضحك لضحكتج وابجي لبجاج سماره انا اعشكنج .
متحملت كبل حضنته وهو رفعني عليه بسته بركبته
نزلني و خله راسه ع راسي
، شيخ حياتي و كلبي احلى ضحكه عرفتها انت احلى عيون عيونك حليت دنيتي ب دورت وجهك صكر انا اعشكنك.
