يگلها :
زعلي بس ظلّي
أشكي يمي اليوجعنچ
چتفي مخلوق ..
علمود يشيل حزنچ 🖤
...
باوعت ع صوت الطلعت منه العيطه شفت مريه تلطم اباوع الكل ركض عليها يردون يفتهمون شكو من خوفتي وكعت بمكاني خليت ايديه ع اذاني بدون ما احس عطت ركضت عليه زهرة حاولت تحجيني ماكدر احس بعد ما اتحمل احس شي بيه طك احس كلبي ديتكطع مدافكر مدافكر الكم الي داعيشه مداتحمله حسيت عيني دتغمض وحدها وبعد محسيت بنفسي كعدت ه بروده شفت مي ع وجهي غمضت عيني النوب تذكرت المره واسمع صوت ونين فتحت عيني وفزيت باوعتها كاعده ع تخم و كبالها كلاص مي يعني صكر مابي شي ماطول الهم خلك يقدمون حسيت احد لزم ايدي التفت زهرة فتحت حلكي داريد احجي احس حلكي خدران مداكدر افتحه لساني متبنج سكتتني زهره
، خيه ارتاحي هاي من الهبطة لا تخافين عرفنه سبب العركه .
هزيت راسي هي كملت
، هاي المره من عشيرتنه
ابنها عنده صويحب من عشيره '....' و علاقتهم كلش قويه قررو يسوون شغل سوه و صدك سوو ومرة وهمه شباب راحو يسهرون و تدرين السهر بي سكر ف سكرو و تعاركو صاحب الولد شال كلاص ركعه براس صديقه صح تأذه بس مفقد الوعي كامله شال بطل عرك ركعه للولد وهي ضربه هي نشغه ومات .
بقيت صافنه زين صكر شكو
جان كالت
، ادري تردين تعرفين صكر شعليه خيه الولد ابنه طب عليه دخيل ذولاك اهل الولد لحكو لحد بيتنه ضربو طلق وحده وكعت ب رجل صكر و متأذه شخطه بس مفايته وفد شويه يجيبوه للبيت .
حسيت الدم رجع بوجهي باوعت المريه بس تدك وتلطم جزء مني ضايج عليها و جزء حاقد بس هي هم شعليها كعدت اعد الساعات ع رجعت صكر المره راحت وره مأمنت و شافت ابنها صار الليل سمعنه هوسة وناسي تصلي ع النبي مالي حيل اكوم بس كمت ع جفوني ميلت البرده واشوف صكر بطوله الحلو وابراهيم و ياسر ساندي وكومه زلم وياهم كبل ضحكت ونزلن دموعي طببو للديوان ولا ساعه ولا ساعتين ورة العشه وهوسته و خطيه الوكع براس خواتي واني خجلانه منهن النوب صوتي مردلي احس شي جارحني ماكدر احجي سمعت هوسه و جابو صكر فوتو للبيت كامن نسوان وعمي تلوكو و خواتي يهلون بجيته واني ع كعدتي مكمت بس اباوعله وابجي وخرو الكل لمحني صفن بوجهي واجتي امه بوسته حجبت الرؤية
نزلت راسي بقيت ابجي و اشهك بسكوت وهمه فرحانين بي سمعت صوته
، سميره ماناويه تتحمديلي ع السلامه .
باوعت عليه كمت وكفت كباله هو باوعلي ردت احجي مكدرت حجه احمد
، امشي نفوتك خويه لغرفتك و بعدين تغزل .
الكل ضحك هو دنك خجلان فاتو لغرفته الكل مكدرت افوت واني ماحجي طلعت زهرة جرتني خلتني كباله هو هزلي راسه تعاي تقدمت لزم ايدي كبال الكل ف همه واحد ورة الخ طلعو
كعدت يمه وهو منتجي ع مخده وجهة اصفر شعره واكع ع عيونه و العيون حمر دمعت عيني ع تعبه ف حجه هو
، شبيج حبيبتي .
باوعتله هزيت راسي مبيه شي
، ليش متحجين ؟
اشرتله ع بلاعيمي ف جر فونه فتحه كلي كتبلي .
فتحت الفون ع رقمي طلع مسميني حوريتي ابتسمت بداخلي كتبتله
، ما اكدر احجي صوتي مديطلع ماعرف ليش مادري هلكد معيطت و بجيت ماعرف من الهبطه .
قراها انتبهت ملامحه انكلبت
، شكولج هسه ؟! ليش سماره قابل متت .
من حجه هيج جسمي انتفض مكلت شي نطيته فونه وكمت وصلن للباب صاحلي عندت وراها حلفني بي رجعت لزمني من وجهي ب اثنين اديه و باس راسي وراها باس خدودي باس خشمي مسح دموع نزلت غصب و باسني صفنت حسيت ابتسم خجلت وخرت منه بس بقه وجهة قريب علية همسلي ، احبج .
ردت ارد مكدرت لزمت ايده خليتها ع كلبي حس ب دكاته وخر ايده نزعني الشال وخر الدشداشه و باسني بكلبي حسيت لثانيه كلبي وكف معرفت شسوي بقيت صافنه عليه سحبني عليه نومني بحضنه حسيت الدنيا هنا والبره جذبه ابد مو دنيا وهم و بس محسيت ع نفسي الا نمت ...
كعدت ع حركه فتحت عيني شفت نفسي مجلبه بركبه صكر وهو ديحاول يوخر بدون ميكعدني كمت باوعت بوجه ضحك
، صارلي ساعه احاول اوخر بلا ما اضوجج .
كمت عدلت نفسي لبست شالي
، صباحك عافيه .
ضحك
، عود تفشليني ولج
، لا والله .
، هههههه ادري صباحي وجهج بويه ساعديني اكوم اغسل اريد اطلع للزلم عيب .
، اهووووو دعوفهم وابقن يمي .
، افه انا حرمه ؟ لاه لاه متوقعتها منج .
، والله مو قصدي انت وزلمه و سيد الزلم هم .
، اي اي تقشمريني ي بت بغداد .
، لا حشا اقشمرك معشت ان شاء الله .
، ههههههه مينكدرلج دتعاي ساعديني عجل جي انا سيد الزلم ي المصريه .
رحت وكفت لزمت ايده نزل رجله و ارتجه عليه ساعدته غسل و طلع بره صبحنه عليهم اخذو الولد كعدو تريكنه و راح بالمضيف تدرون هسه حسيت ع روحي صوتي رجع
رحت ساعدت البنات بقه البيت هوسه اسبوع ناس طابه و طالعه ابوي كال لصكر يتزوجني بلا عرس مقبل كال الا عرس بقيت اداري وابد معفته قبل ميحجي شيريد كباله وهو بالمقابل حاوطني بحبه حسيت روحي طايرة
وبس صكر ويايه حسيته جناحاتي بدون اوكع ع وجهي واموت اليوم جمعه واليوم الفصل منا فصل دكة بيت شيخ و ضربة شيخ و تهديد بيت ماعرف يسموها دوسه مادري ماعرف سوالفهم كوة افتهم كعدنه من 6 نشتغل حرنه شنسوي حضرنه الغدة طلع صكر مبدل اباوعله صدك يعرج العبايه حافاتها ذهبيه وهي اوف وايت خالها ع جتافه الدشداشة بيضه الحذاء جوزية تلمع العكال عبالك فنان مرتبه والساعه والمحبس و السبحه صفنت عليه اريد احفظ هلملامح باوع ع ساعه رفع راسه شافني ب باب المطبخ وشافني اباوع عليه و مبتسمه هبله عبالك اشرلي منتبهت ابد صاحلي مسمعت عبالك متبنجه حسيت ع ضربه سرور
، شكوو .
اشرتلي ع صكر باوعتله اشرلي تعاي رحتله
، عيني؟
، سالمه بله شكو تعاينيلي ترا انا رجال متزوج ومسودن بحب مريتي .
ضحكت
، ههههههههه مجنت اباوعلك بس صفنت
دنك همسلي
، اي صافنه بيه !
وخر مني راح
حيخبلني هلصكر رجعت اكمل الشغل صبينه الغده وكملنه و بدو بالفصل صارت ب 6و همه محد طلع بقينه كاعدين ع نار فات احمد كامتله زهرة
، ها حبيبي بشر .
باوعلنه
، شبشر حرب ......
..................
هلاو شلونكم
صح داتأخر بس ماكدر اكتب شخابيط كلش داركز بيها وبكل تفصيله
صبركم عليه شويه طويلة هلرواية بعد كومه تفاصيل
كلش اتمنى تعذروني ترا دوام وشغل كوه الكه وكت والله 💙
كلش احبكم واحب تعليقاتكم
احجولي رأيكم بكل الرواية كلش احب حجيكم واقره حرف حرف
#علقو
