.....
صكر: ييي علواه بسس موو هسة .
, ي بالليل بسس حاول تبتعد عني.
ومشة الوقت وحاولت اتناسه و اٌضـحك وي خواتي صار الليل الكل راح بقيت كاعده منتظره صكر فات سلم و كعد انداريت عليه
, صكر حججي وابد لاا تحاول تقاطعني.
هز راسه
كملت حجي
, تدري امي تزوجت و رجلها راضي كلش موو خوش تدري جنت البس ملابس كومة داخفي جسمي تدري جنت اصخم وجهي حت لاا ينظرلي و تدري سنين محد ذاكرني بهدمة وامي نفسها وتحجي ع ابويه زين تدري اخر يوم هناك امي طردتني لاان رجلها راد يعتدي عليه و صدكته و جذبتني! ...
طول ماحجي صكر صافن عليه واني ابجي واحجي مكدرت اكمل خليت وكمت
صكر: انتظري بت عمي.
مسحت دموعي وانداريت عليه.
, هسة اطمنت انيي مراح اخرب بناتكم!
نزل راسه وكام تقدم عليه خله ايده ع راسي و باسها
, ينكص لسانه اليحجي عليج بعد انيي سندج وابن عمج و هاي بست راسج لاان بقيتي رافعه راسنة.
ابتسمتله وهزيت راسه ورفعت حواجبي
, ابن عمي واخوية.
هوو ضحك وكلي
, خلي كلشي بوكته بتتت عمي.
, يَعّنُـيْ بعد متحاربني.
, افااا ابد والله وباجر ملابسج عليه ديله .
, يَعّنُــني دترشيني.
, ههههههه لااا والله احتمال بسس اقشمرج.
, ههههههه ديله اوك تصبحح ع خيرر باجر حضر فلوس حتنقط.
, فددوا عادي تلاكين الخير.
ورحت نمت محسيت ٱڵـڝُـبح الاا ع هوسة زهرة خبصتني كمت بسرعه مدري شلووون بدلت جينز و عليه قميص طويل لفيت شال و حذاء وجنطه و شوية كحل و حمره خفيفه طلعت كام صكر شافني ذب السويج ع قنفه ورجع كعد
زهره : شكووو صكرر دكوم حنتأخر.
خله رجل ع رجل و رجع راسه ليورة
وغمض عينه و ايدي قابضهن عبالج ديضرب احد بوكس
صكر: زهره كولي لاختج تفوت تمسح وجهة و تلبس عباية لاا اسوي عرسكم عزا.
زهره ضربت ع صدرها
, ياااخوية كول ياا الله هسة تفوت تسوي شتريد.
بقيت واكفه صافنه زهرة تأشرلي ولااا جني فتح عيونه باوعلي كام جر ايدي وكفت كبال باب غرفتي
صكر : سمعتي شكلت?
نزلت راسي خللي اتمسكن احسسسن
, صكر فدواا حباب خللي بسس هلمرة والله بقت بنفسي اطلع هيج متأنقة فدواا حباب.
ورمشت بعيوني عبالك ارنب 😂 ابتسم وكلي
, اخخخ منج ولج تتمسكنين ديله اعرف دماراتجن مسحي الحمرة وامشي.
فتت بسرعه مسحت الحمرة و طلعت لكيتهم توهم ديطلعون باوعتلي زهرة انصدمت غمزتلها مشت بصفي
, يااا فلك طرج شلوون قنعتي.
ضحكت, سررر المهنة حبيبتي.
ضربتني ع ايدي مشينة وكفنه كبال السياره
, زهرة صعدي انتتي بشرفج خاف اصعد واسوي شييي وهذاا ابن عمج يلزكني بالجامه.
