.....
رسلان, صكررر شبيك شهلحجي السمعته.
, عمي لازم هيج احجي احنه مانعرفها عدل حت نثق بيها هيج.
رسلان, تعاال وينن رايح.
زهره, عمي شبي صكر آٌنا لازم اكولن لابوي ع هلحجي.
, لااا لاا عمي لاا تكولين اكيد صكر مايقصد .
باوعت ع عمي رحت غسلت وجهي منن الدموع رحت ع غرفه سماره
, سماره فتحي الباب.
مردت عليه
سمعت جدتي تصيح عليه رحتلها دامشي و سمعت صوت طلق ع حايطنه تقريبا 5 طلقات كمت اعيط و طلعت سماره تركض و عمي و صكر ركضو بره ....
,زهره زهره هاااي شكووو داعش طبو.
بهلحجي وبهلخوفه ضحك
, ههتتههههه ياا داعش ولج دتعالي.
جرتي ودتني يم جدتي و احنه نرجف رحت للمطبخ شفت كومةةة زلم بالباب واكفين اجني نسوان عمي و خواتي يركضون
, هااا عمة شكووو هاي
ام صكر, عمة والله دكاكة هاي.
, دكاكة شنووو.
, دتعاي عمة خلي نكعد و نفهمج.
رحت وياهم فتنه ع زهره و بيبي كاعدين يتصفنون.
, السلام عليكم.
باوعت شِفْْـٍــْْت مرية غريبه باوعتت بوجهي وضحكت وجهة بشوش.
زهره, هلاا يمة هلااا هاي سميرة خيتنه.
هزت راسها و مدتلي ايدها رحت بوستها.
ككعدت و حجت ام صكر
, الدكاكة يعني انذار ع شي.
, و شسوينة احنة عمة.
زهره, سمسم خية ماندري احنه متعودين ع سوالف اكيد الولد عدهم شغله شيي.
صفنت مفهمت شي منن الخوفه نسيت حت حجي صكر.
انداريت ع زهره و شاورتها
, زهرة ابن عمج السكط شحجه عليه.
, ولجج خية احنة بيا حال بسس فدوهه بعدد اختج لاا تكولين لاحد اكيدد صكر مايقصد.
باوعتلها صفح
مرت ابوية حجت
, يوم سماره خلي تفض هلشغيله و روحي وي زهره اشتري ملابس.
, لاا يوم عنددي شكررا.
, لااا يمة ملابسج ضيجه و انتتي جسمج مااشاء الله مرسوم رسم واحنه مانخله منن الزلم الطابه الطالعه علمودج انيي يوم.
هزيت راسي و سكتت ..معقوله مرت اب تحس ببنت رجلها أإﺣٌُِﮩٌُِﮧٌِ✮ﮩٌِﮧُِﺴٌِـٍﻦ منن الام ...
سمعنة حجي شفنه عمي رسلان و ياسر و عمي سالم وابوي وعمي اسماعيل فاتو يحجون و يصيحون بصووت عالي احنه كولنه كمنه كعدو همة ...مرت عمي اسماعيل كلتلهم
, خوية شني السالفه دكاكة?
ابوي, ايي خوية دكاكة ياسر موو باع المحطة مالته ب 100 مليون الجماعه اطو 50 مليون وبعد 50 مليون كلوله منردها رجعلنه فلوسنة رجع 30 مليون وبقه 20 هددو ومهتم وهاي دكونه كانذار.
, يااا ستار ربي وهسة شراح تسوون.
, الولد حيبقون يحرسون بره خاف احد يجي وراح نسوي فصل باجر هنا و نحل القصه بالخير ان شاء أألله .
, يااااا خيررر عمي اذاا مااشعل ابو عشيرتهم شني سايبه يهدون ع بيت الشيخ.
ابو صكر, بويه صكر موو كلشي بالعصبيه انتت انعرفت بحكمتك.
, بوية جاا يهدون ع بيت بي نسوان?
,بوية هااي اعراف مانكدر نحجي بيها .
هز راسه صكر و سكت باوعلي صفح منن فوك ليجوة اباووع اديه بين العصب بيهن خله و كام ..
