- انتَ مهدود ، مكسور و تعبان
تقريباً انتَ كل ليلة بتحس إنه فش فيك حيل تتحمل يوم واحد زيادة ع هالأرض خلص !
بس في اشي غريب هالمرة ؟!*
غير عن كل المرات الي انتَ نكسرت فيهم بحياتك !
الغريب إنك كل يوم قاعد بتصحى و بتلاقي حالك مكمل و عم بتحاول و مش موقف ولا مستسلم ولا مقتنع أساساً إنه في اشي اسمه استسلام ؟!
و كإنك شخص تاني تماماً غير يلي كان ليلة مبارح بأضعف حالاته و بعز هشاشته و قمّة يأسه !! 😳
عم بتكمل و انتا مش منتبه ع حالك ! ولا قادر تمنعها ..
*اذا انتَ عايش هاي الحالة جد ، فهاد يدل ع شغلتين تنتين ، تنتين بس !
• الشغلة الأولى ؛ إنو حلمك و هدفك هالمرة حقيقي و بيستحق هالتعب ، انتَ داخل بمرحلة عشق لهاد الحلم ، لدرجة إنك مخلي حياتك و وجودك و سعادتك مرتبطين بتحقيقه ! لدرجة إنك عم بتبديه ع نفسك و ع مخاوفك و ع صحتك !
• الشغلة التانية يلي بتدل عليها هاي الحالة ؛
إنك رح تحققه ، آه راح تحققه لحلمك .
و رح تاخده بعيونك و كفوف ايديك و أصابعك ! غصب عن أكبر عقبة فيكي يا حياة .
