#لأنني_يتيمة
الكاتبة زينب النعيمي
بارت 1
قال تعالى ( فأما اليتيم فلا تقهر) صدق الله العضيم
مجتمعنا صعب الرحمة انمحت اصبحت قلوب البشر قاسية جدا اين الرحمة
اليوم ارويلكم قصة فتاة يتيمة وكيف عاشت بمعاناة وكان كل هذا ما خبئه القدر لها
رجعت من المدرسة للبيت تعبانة اففف سادس علمي صعب شيخلصهة هاي السنة شطولها والله متت تخيلو من نجحت للصف الخامس بالعطلة الصيفية اخذت دروس للسادس وبعدها من نجحت من خامس للسادس هم دروس وقراية وما عدا الدوام والقراية هاي السنة
هاي الدوام مأثر علية نسيت اعرفكم بنفسي اسمي دموع مااعرف ليش هيج سموني امكن يدرون بية ابجي هواي من ورة السادس 😭 صف سادس اعدادي عايشة ويا امي وابوية واختي اكبر من اسمها رنا متزوجة
ابوية محامي شغلتة صعبة حيل حنين ويانة وامي ربة بيت امي ماكو افقر منها
بحيث اي مشاكل تصير متدخل نفسها لو تموت ابوية جان يحبها حيل
ع نياتها وتحب كل العالم ابوية عندة اخ واحد بس هو عايش بالريف صارت مشاكل بينة وبين
ابوية ميتواصلون واحنة عايشين بالمدينة
اصلا مااعرف بيت عمي يعني من ناحية عددهم او اي شي ثاني المهم خلوني اقرة احسن
نسيت مكلتلكم ما عندي حبيب ترة 😜السادس ميخلي احد عندة عقل ويحب
بس ابن جيرانة حاط عينة علية خيولي شعلية بي بس تريدون الصدوك والله حلو وشخصية
بس مااريدة معقد هواي
بس طولة يخبل ولا لعيون الا بشدة
اوي خيولي عقدة كولش وكل النهر معصب
شفتوني هاي اني اضل افكر بمواضيع تافهة بس علمود اخلص من الدراسة
جنت احمد الله ع حياتي مرتاحة حيل
باجر جمعة نمت شوية وكعدت العصر لكيت ابوية يشرب جاي
-شونك بابا
-هلو بنتي شلونج
- الحمدلله
- ادري الدراسة متعبتج بس هذا مستقبلج هسة تتعبين بعدين
تفرحين
- اي بابا
- بابا اريدج تصيرين دكتورة وترفعين راسي
- ان شاء الله ، بابا سؤال
- جواب
- هم تزوجني قبل مااتخرج
- لا ابد تتخرجين وتتعينين يلا اهم شي مستقبلج ولا تتنازلين عن هذا الشي ابد لو مهما يصير
وياج
- ان شاء الله
- بنتي وصيتي الج اذا اموت اقريلي سورة الكهف كل جمعة بس هذا الي اريدة واهديها الي
واني اكثر من مرة وصيتج ع هاي السورة
- بابا لتكول هيج حجي اسم الله عليك الله يطول بعمرك
- حبيبتي كلنة ع هل درب بس اني غير اوصيج،
دير بالج تستسلمين لأي احد ومهما يصر وياج اتحملي واصبري الصبر مفتاح الفرج
لا تنسين الفقير ولا تنسين اليتيم ولا تنسين امج
- من ابوية حجة وياي هيج روحي انقبضت مااعرف شصار بية
رحت لغرفتي وكلماتة تترادد باذاني مكدرت اقرة هذاك اليوم
ثاني يوم سوينة دولمة واجتي اختي وزوجهة
اختي رنا خريجة هندسة بس ممتعينة زوجهة علاء حباب عندة اخ اكبر مني ب5 سنوات
شافو اختي زينة وشايلة البيت طلبوني بس ابوية رفض وكال ماازوجج لكن همة لحد
الان مصرين يريدوني
كعدنة نسولف اني ورنا واحجيلهة ع معاناتي عدها بنوتة مريم تخبل عمرها
6 اشهر ضليت العب وياها للعصر راحو
افف رجعت للقراية ورجعنة للضيم
مرت الايام وصلنة امتحانات نصف السنة جنت خايفة حيل
اليوم اول يوم امتحان خايفة يااارب وفقني
دخلت للقاعة وجهي اصفر عدنة فيزياء 😭 فدوة للفيزياء هي شكد صعبة
اجتي الاسئلة مصخمة مثل مدرستهة
كوة حليت كمت اخربط مااعرف شكتب
بحيث طلعت من الامتحان اخر وحدة
رجعت للبيت اول موصلت تخربطت امي خطية اجتي تركض علية
شممتني عطر صحيت
سوتلي عصير شوية رتاحيت دكت ع ابوية اجة خطية
من الدوام
- شبيج بنتي
- بابا الاسئلة صعبة 😭😭
- بنتي كولي ياالله يعني مجاوبتي
- ماادري كمت اخربط مااعرف شكتب
- مي خالف هاي نصف سنة مو وزاري
- خاايفة 😭😭
- كومي غسلي ورتاحي واقري مو هبالج اليوم مرزلتج هاهية يعني
متقرين
- 😂اي كمت
رحت غسلت وصليت ودعيت وبديت اقرة
بعد مرور الايام خلصت الامتحانات
اجتي عطلة نصف السنة
مطلعنة بيها هواي
بس فقط للمتنزه واختي تجينا بس
كضيتها قراية وادعي ع الي سوو الكتب
الصخام واللطام
ها نسيت اكللكم ع صديقتي نرجس
مو اكللكم السادس ميخلي عقل
صديقتي نرجس اعز صديقة منذ الطفولة وهم مرات اروح عيهة
او تجيني
هي جوارينا واخوها هو نفسة الي اكللكم عليه
حاط عينة علية بس عصبي وعقدة اسمة امير
اجتي علية سولفنة وضحكنة ع اساس نقرة
مرت الايام وخلصت العطلة
واجة اليوم الي بي استلام النتائج
يتبع
---
