#لأنني_يتيمة
الكاتبة زينب النعيمي
بارت 5
كمل الغدة كمت اغسل مواعين وتضفت المطبه كالت نضفي الاستقبال
وغرفتنا لما كملت صار العصر كالت غسلي هدوم هلكت كمت كوة امشي
صحيح اشتغل بيتنا بس مو هيجي
لاءن العدد قليل مو مثلهم
مااحس الا كضى النهار وصار الليل وعشة ومواعين وكل الشغل علية عدها بنات بس كلهن
متزوجات الحمدلله جان همين مثل امهن
لما خلص هذا اليوم هلكت اول مطبيت للغرف نمت اجة ابن عمي حسن كعدني
- ها شكو
- باعي راح اكلج شي بس فدوة لا تكولين
- كول فضني اريد انام تعبانة
- ابوية معاقبني وما ينطيني اكل
- شنو ضليت صافنة واني اكول ليش اكو لا غدة لا عشة
- وانت ليش متجي للبيت تاكل
- هو مانعني بس يدري يموتني والله هو يخوف
- تريد اسويلك اكل
- اي فدوة والله ميت جوع بس لا تكولين
- رحت مخليت شي مسويتة كل مااسوي شي اكول حسبي الله ونعم الوكيل عليك يا عمي انت مو اب شلون هيج تسوي بابنك
دخلت وكعد ياكل بسرعة، امك متدري بسالفة ابوك مانعك من الالكل
- لا تدري بس هي ما تحجي
- ليش
- ما تحبني ودائما تضربني
- ليش ابوك هيج يسوي
- يكول انت علة ع كلبي اني ماادري شبية ليش يكرهوني بس والله احبهم
- انت ليش متروح انت تاكل بليل بدون محد يدري ليش تكعدني احجي ويا واني ميتة نعس
- لا مو صار اكثر من مرة سويتها وابوية يلكفني ويشبعني كتل بالحزام حتى حركني من ايديعاد من يشوفج تاخذين اكل ميحاجيج
- لا اله الا الله حسبي الله ونعم الوكيل
لتخاف اكل اني بعد اضملك اكل بالغرفة
- انتي حبابة
- اي حبابة بس حظي فكر
- ليش
- متشوفني جيت يمك جنت عايشة مدللة اوف وينك يا يابة تعال شوف الضيم الي اني بي
- انتي بالمدرسة
- اي كملت سادس وصرت دكتورة
-صدك
- بس بعدني مدارسة كلية
- كلية شنو
مثل المدرسة، وبديت احجيلة شوية عن الاجواء، انت بالمدرسة لو لا
- لا
- ليش
- ابوية ما سجلني
- لعد منين عرفت اكو مدرسة
- سمعت اصدقائي يحجون من بجون يمي
عدهم قلم شكد حلو
- من باجر اعلمك القراية والكتابة
- شلون يعني
- باجر افهمك راح انام هسة
من خلال حجيي ويا حسن حسيتة هو يستوعب ويفتهم بس المشكلة عندة تقوس برجلة
ووجههة مبين اكو خلل بي مال اعاقة
بس يفتهم من احجي ويا
كعدت هم نفس الحالة طبخ تنظيف مسح كنس خبز وامي مريضة بس ما بيدي شي عيها
كم مرة اطب منة يوديها للطبيب ميقبل
اخير شي طكت روخي كمت اصيح كتلة راح تموت جرني من شعري وضربني
ومرتة هم ويا تضرب بية امي ما تكدر تدفع بي وهو دفعهة ووكعهة بالكاع
كمت اصيح شبعوني كتل نهوني لحد متعبو دخلوني للغرفة شبعت بجي واردد
حسبي الله ونعم الوكيل
ولك ليش هيج عمي ليش مو اني يتيمة ليش والله موصي باليتيم
هاي واني بنت اخوك لعد لو غريبة شسويت بية اوووف يدولاب الدنيا
قبل كم شهر جنت بس اضحك هسة بس ابجي " حسبي الله ونعم الوكيل " دائما اردد هذه الكلمة
نزلت راسي اتذكرت قوله تعالى ( لا تحزن ان الله معنا) صدق الله العضيم
وقوله ( ادعوني استجب لكم) صدق الله العضيم
كمت دعيت من الله يفرج همي وشكيتلة حالي بس هو اعلم
شجاي يصيرلي
كعدت يم الشباك الشباك يطل ع مزرعة ع خضار والاشجار
تذكرت ابوية ختنكت تذكرت ايامنا الحلوة شوكت ترجع
عود هم ترجعلي الضحكة من بعدك يا بوية اوووف
اه كم اشتاق ايام ابي
ذلك الرجل الرهيب العصبي العصبي
انه اورثني الحزن ولكن مدني بالعزم والعزة والصبر الابي
فحملت العبئ طفلا ودموعي لعب
وبكى حين رأني ناجحا
ورضا عينيه اطفئ تعبي
انما كان ابي قاسيا فعلا
ويخفي حب نهر عذب
قلبه قلب صبي
صبره صبر نبي
رحم الله ابي
يتبع
---
