#لأنني_يتيمة
الكاتبة زينب النعيمي
بارت 6
ضليت محبوسة يومين همزين عندي حمام داخل الغرفة متت من الجوع منعو علية الاكل
ورة يومين عمتي فتحت الباب وكالت ها تعلمتي درسج محجيت شي
كالت كومي شتغلي يلا
كمت كوة امشي كمت اشتغل كوة واكفة ع رجلية اجتني امي سودة علية حضنتني وتبجي
كلتلها يمة مي خالف لا تبجين اتحمل بس علمودج خما اذوج كالت لا
وديتها لغرفتها ورجعت اشتغل
هناك وتذكرت رنا شكد مشتاقتلهة عمي ميخليهة تدخل البيت
حسبي الله ونعم الوكيل
كملت اجة حسن
- شلونج دودة
- دودة شو
- شدلعج لعد
- دودة بكيفك
- انت شلونك
- زين
- وين نمت هل يومين
- نمت بالصالة بس متت جوع
- مرحت للمطبخ اكلت
- اي مو حظي الثول دخلت واجتي اموب موتتني من الكتل وضليت جوعان لحد ثاني
يوم رحت يم اصدقائي
- اووف شلون ام حسبي الله
- اني اليوم ضميتلك اكل طلعتة اله وكام ياكل
سويت جدول شلون انضف البيت سويت وقت لحسن كمت اعلمة الشي الصح من الغلط
اعلمة شلون يحجي ويتعامل علمتة القراية والكتابة كمت امتحنة حسيتة اخوية الصغير
بدة يتحسن ويعرف شلون يتعامل ويا اهلة بس ابوه وامه يكرهونة والله متعجبة اكو
احد يكره ضناه وما زالو يحبسونة مرات او ما ينطونة اكل يكلولة روح اكل من المزبلة
ما يدرون بية اشيلة اكل لو يدرون انذبح
واني ضاع مستقبلي اني الدكتورة هيج يصير بية هذا التعب والضيم وتالي
تركت وما كملت واختي ما نعرف اخبارهة
لا عدنة هاتف ولا اي مرسال نوصلة
امي حالتهة تسوء كوة وديناهة للمستوصف عمي يكول ما عندي فلوس بس يعير بينة
وهو كله راتب ابوية هو يستلمة
راح كال اني المسؤل عنهن وكام هو يستلمة ومشايفين فلس احمر بس البيت بقة
من سئل عمي كلنالة ايجار ميدري ملك والغراض كنالة نطيناهن لرنا
قبل ميجون ياخذونة بيوم رتبنة امورنة بس هو ضل يغلط بدال متنطونة النا منطينا لهاي الساقطة
ما قبلت ع اختي يغلط
كام وضربني وحبسني موتني كل يومية. لازم يضربني ومرت عمي تضرب وماعدا الحجي والغلط وتتهمني بأشياء اني ما مسويتهة
ما سألتو ليش ما حجيت عن امير اووف يا امير شالع كلبي بكل لحضة اتذكرة ما كدرت انساه
كلت من ابتعد انسة بس ما نسيتة
باليوم اموت الف موتة بس اتمنى اشوفة جنت متخيلتة بس اعجاب طلع حب واكبر من هل شي
اوف لو بجي يشوف حالي يومية اهاين ورزايل وكتل حتى جواني بأيدي بالجكارة لحد الان
موجود اثر بأيدي
موتوني واني عايشة
بس كدرت اسوي شي اني بيتهم انو غيرت حسن شوية مر سنة اني ع نفس الضيم
كمت اريد الوكت يمر مرت 3 سنوات تخيلوو واني بعذاب
طبعا اختصرت احداث هواية بس مااريدكم تملون من مواقفي المحزنة الي بكلبي
علمت حسن كلشي حسن تغير مو هو الي اعرفة لا صار شخصيتة قوية
وترجيتة يطلكني وعلا وافق بدون تردد وطلكني كال لو ما انتي جان اني مصرت هيج طبعا هو تعالج جان يشتغل حمال عمالة بالفرن اي شي لحد مجمع فلوس وتعالج
يتبع
---
