#لأنني_يتيمة
الكاتبة زينب النعيمي
بارت 3
مرت الايام وخلصت القراية وخلص التعب وهسة صار
وقت الجد
وقت تحديد المصير هسة مصيري معلك بأيدي لو ارفع راس
ابوية الي يحجي عني وين ما يروح ويكول بنتي دكتورة
لو انزل راسة دعيت من الله يحققلي حلمي وحلم ابوية وامي
واكدر اجازيهم بهذا التعب الي تعبو وياية
بدت الامتحانات والقلق والارتباك والخوف
اول امتحان الي مااوصف الشعور طبعا الي امتحنوا سادس يعرفون شعوري
امتحنت والحمدلله جاوبت
بس بقة خوف بداخلي
امتحان ورة امتحان والقلق يزيد
لحد مخلصت الامتحانات اني ضعفت حيل هلكت من كد القراية
بحيث ورة مكملت امتحانات بيومين تمرضت وسخنت
امي تكلي جنتي نايمة وتهلوسين لو تقرين سورة لو تحجين ارقام وقوانين واني ماافتهملج
كله من اثر الدراسة بعدها تحسنت جان رمضان وقت امتحان
وبعد اسبوع ويجي العيد من خلصنة
ابوية طلعنة واشترالي ملابس دنمشي وعجبتني كلادة مكتوب ابي وامي كتلة عليها
شكد حلوة كال مو احلى منج جانت صغيرة وناعمة كوولش
افترينة ورجعنة للبيت وخلص الاسبوع وصار العيد واختي اول يوم اجتي علينا
وضلت يمنة وجوي اصدقاء ابوية طبعا احنة ما عدنة اقارب
غير بس بيت عمي الي كلتلكم عليهم عايشين بالريف ثاني يوم كلنة البابا وطلعنة علمود رنا
صار هواي مطالعة ويانا تونسنة حيل
احلى ايام مرت بكل حياتي ماادري راح تنكلب هذي الايام علية
من رجعنة وصلنة للفرع مالتنة شفت امير واكف بابهم يخابر ويحجي بهمس
عرفت ديحجي ويا بنت كرهتة كلت لازم مااتأمل منة شي
مرت الايام وصار وقت اعلان النتائج يوم المتشاءم يوم الاسود
بين كل الايام كرهت هذا اليوم
رحت دااستلم النتيجة قبل ماكو نت ويطلع عليه النتائج قليل يعني
ماكو يمنة جان وابوية بالشغل وامي واكفة تدعي كعدت من الصبح بدلت
ورحت ع نرجس شافنة امير كال اني اوصلجن جانت بعيدة الا سيارة
صعدنة طول الطريق موجه المراية ويباوع علية ويرفع بحاجبة اووف شكد يرفع حاجبة
اكيد احد كايلة تصير حلو من ترفع حاجبك
وصلنا للمدرسة كال موفقات مو تتأخرن اني عندي شغل وارجع للبيت تعالن وحدجن
بس ديرن بالجن
دخلنة واحنة نرجف بحيث من مشيت خطوة من باب المدرسة مرت علية الاسئلة ودفاتر
الامتحان واني شكتبت بكل مادة بكل سؤال كمت اذكر وصلنة للادارة راح انجلط يارب
كامو يدورون اسامينا موتونة لكو اسمي المديرة عاطت اااالف نبروووك رفعتي راسنة ناجحة وبمعدل 96 ماااعرف شلووون اوصف الفرحة بودي اصرخ بودي اعيط
اخلي الكل يسمعني اخلي الكل يعرف رفعت راس ابوي. بس يا فرحة ما تمت 😣
ونرجس طلعت معدل 85 مذلك فرحت لان تعبنة هواي كمت بس اريد ارجع للبيت حتى
ابشر ابوي وامي
بس نرجس عاندت لاءن شفنة صديقاتنة واخذنة الواهس بالسوالف
رجعنة اريد اوصل عاد صار الطريق شطوولة اهووو شوكت نوصل
وصلنة للفرع نزلنة اشوف سيارات وعالم طابكة بابنا خير يا ربي هاي اول مرة احد يجينة
هلكد خفت كمت مااكدر امشي شفت واحد يبجي طلع من البيت
- نرجس فدوة كوليلي شكو
- والله ماادري دموع امشي خل نشووف
- وج ما بية حيل امشي. كوة مشتني نرجس واجة امير يركض شفتة مدمع
- امير فدوة احجي شكو مااكدر افوت رجلية مدا يتحركن
- فوتي وانتي تعرفين
- دخلت للبيت وشفت رنا وزوجهة وامي يعيطون وكووومة عالم بس ضليت ادور ع شخص
منو؟ ابوية اي ابوية وين شكووو صحت بعلو صووتي جتي حضنتني اختي رنا وكالت ابووي
مات!
هه انتي شتحجين وج البارحة ضل يدعيلي اطلع معدل عالي شتحجين
البارحة ضلينة نسولف ونضحك اني
ما صار هواي من طلعنة وين راحت الضحكة وين
نمت ع تابوت وكمت اعييط حيل والطم واخرمش بنفسي هذا ابوي ولكم ابوية ما مات
منو موتة يااا رب ليش هيج يعني المكابر بس وكفت عليك ليش هيج يااربي ليش اخذتة
منو بقالي هو روحي بهل دنيا يا بوية الله يخليك كوم متت حسرة وقهر عليك يا بوية شوف اني راح اصير دكتورة
فدوة كوم والله العالم ما ترحم ليش عفتني ليييش يااااربي اخذو التابوت واني اعيط مثل المخبلة وامي تخربطت رنا حايرة داريني لو داري امي وتواسيها
رنا جانت الوحيدة بينا قوية كمت اركض ورا التابوت واصيح حررررام تاخذوه هذا الاوكسجين
الي اتنفسة ليش تكطعون النفس عني لييش
اجة امير دفعني جوة واني اعييط صار قريب مني صاح ع نرجس اخذتني دخلتني عشت
بكئابة
اووف يا دنية تنطين شي لازم تاخذين شي يا فرحة ما تمت
كوم يا بوية اجيتك ناجحة
وبمعدل عالي جيت
كتلي اريدج تصيرين دكتورة وانا دكتورة صرت
الوادم تحسدني وتكلي عندج بخت
هذا يا بخت وانا يتيمة صرت
والفرحة الي ما تمت
ماريد البخت خل ياخذونة
بس اريد انام بين ضلوعة
يا بوية ليش عفتني ورحت
ما تدري البنية مثل الحمامة
من يموت ابوهة ينكسر جنحانها
يتبع.
اكتب وميتة بجي ع دموع الله يساعدهة
---
