#لأنني_يتيمة
الكاتبة زينب النعيمي
بارت 4
صارت الفاتحة واني جسد بلا روح اصدقاء ابوية ومعارفة هوااي
خلصت الفاتحة ورة 3 ايام اجة عمي اخو ابوية
سلمت عليه مع انو اول مرة اشوفة كال اني قررت مااعوفكم وحدكم
واساعدكم واي شي تحتاجوه اني مااقصر
بنفس اللحضة اجتي اختي رنا هي وزوجها وبنتها سلمت ع عمي
بس مااعرف ليش مستضرف زوجها بابا دائما جان يكول ميحب عائلة زوج رنا
مرت الايام واني كئيبة وحزينة مااسوي شي وامي شحجيلكم ع وضعها فقدت اهم شي بحياتها
بس تتخربط علينا يومية واني وحدي وياها
رنا دائما تجينا تعزل وياية وتساعدني وتروح متكدر تبقى وعمي هم مرات يسئل
بس حسيت اكو شر بداخلة
بيوم اجتي رنا وكالت عندي موضوع وياج ويا ريت توافقين
وسام حماي يريد يتزوجج وزوجي كيف كال ما تلكة احسن منها
فكلنة تتزوجينة وامي هم تعيش يمنة احسن متبقون وحدكم وامي اي ساعة تتخربط
وانتي وحدج متكدرين فكرت
رجعت بية الذكريات لامير صار شكد مشايفتة بس نرجس تجيني تكول
مريض ما نعرف شبي
كلتلهة ماادري افكر اوف اوف يالقدر ليش هيج كتبتلي اعيش بهل حزن
ورة فترة سمع عمي انو اخو زوج رنا يريدني
اجة كلب الدنيا فوك روسنة وكال دموع متصير غير بس الابني
ضليت صافنة هو منيلة ولد بس الاعرفة عندة واحد عمرة 13 سنة ما معقولة هذا
شبي تخبل لو اني تخبلت كمت اضحك بلا وعي
طلعت السالفة حقيقية اني عمري 18 وهو 13 تخيلو ولكم جاهل شنوو تريدون تخبلوني
كمت اعيط واصرخ وامي شكل عدها السكر والضغط
رنا معافتنة حجو ويا عمي كالولة اذا متريد متزوج اخو رنا بس لزوجهة الابنك كال
لا ابني نهة عليها هاهية
تخبلت كمت ابجي حييل بحيث كل الجيران صارت تعرف قصتي راح اتزوج واحد عمرة 13
الله يرضاها كال مهلة لحد ماامي تطلع من العدة نتزوج وفعلا ورة مطلعت العدة مالت امي
باسبوع اجوي واخذونة غصبا علينا
لا رنا ولا زوجهة كدروا يسوون شي اني وامي ورنا غير بس الدموع الي تواسينا
لمينة كم غرض نمشي نفسنا بيهن طلعت من البيت
اول مرة اطلع بعد وفاة ابوية واعتب باب البيت
رجعت الذكرياتي فتحت الباب شفت امير. 😭 اووف يدنيا ليش تقهريني ليش
شفتة ضعفان لحيتة بأيدة جكارة اول مرة اشوفة يدخن واكف يمة صديقة
من شفتة لا اراديا دمعت وهو عيونة صاون حمر حسيت هاهية اخر مرة اشوفة 🙁
هو هذا حل عمي يزوجني الابنة ؟ بس فهموني رحنة للريف العيشة صعبة بنفس اليوم جابو شيخ وعقدلنا ما عقدنا محكمة حتى لتصير الي حقوق امي بس دموعهة يجرن
ما بيدهة شي. امي من يوم الي تزوجت ابوية ساكتة متحجي شي رغم المشاكل متدخل
عاد هسة ابوية ماكو وتدخل
ليش رحت يا بوية ليييييش
عمت عين المكابر التاخذ بس الزينيين
لكن سأكتفي فقط " حسبي الله ونعم الوكيل "
جابولي بدلة عبالك جيس كامن يلطخن بية الوان احمر واخضر
دخلت للغرفة اجة ابنة الشفية يضحك طلع جاهل هل كدوتة وكف يضحك
كال يبنية شسمج
اسمي كبر وموت وكلشي شتريد
شبيج انتي ترة اني حباب والله بس ماادري ليش تصيحون علية كلكم
- وهسة شتريد
- كالولي روح نام
- اي وما تنام نام بالكاع
- بس اني ما نعسان
- و تالي شتريد شسويلك يعني
- اكلج ليش منطلع بالحديقة نلحب حويدان
- استغفر الله ربي هذا شبي 😂
- اكلج ليش تضحكين ها نسيت اكلج اني نعسان
- هذا شبي ياالله طلع مو بوعية مختل عقليا خطيتة وخطيتي بركبة ابوو
الله لا ينطي
عمي جاي ينتقم من ابوي من عندي بس همزين هذة ما عندة عقل
ميكدر يسويلي شي
رحت بدلت وغسلت لعبت نفسي من الالون جيت تمددت ع سرير وهو بالكاع
مااحس الا ع صوت كعدني
- يبنبة يبنية
- شكو شبيك
- والله جوعان
- وشسويلك بيتي لو بيتك
- روحي سويلي شي
- مااعرف اطلع انت سوي لنفسك
- فدوة فدوة راح اموت ما تغديت ولا تغشيت
- ليش
- مو ابوية كال راح ازوجك ما قبلت ضربني ومنعني من الاكل
- باوعت عليه استخطيتة وبكلبي اكول حسبي الله ونعم الوكيل عليك
رحت للمطبخ لكيت جبن وخبز وخيار جبتهن اله لكيتة نايم كعدتة مقبل عفت الصينية
ونمت
كعدت ع صوت عالي لكيت مرت عمي يمة تخوف الواحد يصبح بوجه خلو
مو مثل وجه هاي استغفر الله
شكو
- وجع كومي اشتغلي لو بس جاية تنامين
- طلعت غسلت وهي بعدها تصيح عفتها رحت صبحت ع امي
وضلت تصيح وتعيط كالت يلا ابدي لكيت مواعين كومة مال عشيرة كمت اغسل
بيهن ضهري انكسر وميخلصن
كالت وياج سوي الغدة واستعجلي وراج خبز امي اجتني للمطبخ كوة تمشي شافتني اون
من ضهري كالت فدوة تحملب ولا تسوين مشاكل ترة والله ما يرحمونة فدوة لعينج
- شعندي غير الصبر بس حسبي الله ونعم الوكيل الله يشوفني بيهم يوم
اوف يا عمي اوف ليش ابوي شسوالك وخلاك هيج تكرهة وتنتقم ما بكلبك رحمة
كملت المواعين مكعت تمن كلتلها شسوي غدة كالت شموجود بالثلاجة لكيت دجاجة سويتها تشريب
وركبت التمن والنوب كالت تعاي خبزي كلتلها مااعرف
كالت تتعلمين والنوب تنور طين متت من الحر
كملنة صبيت الغدة عائلتهم جبيرة كومة جهال عدهم وولد خوات مرت عمي وخواتها
وازواجهم متت بس يتأمرون وامي كاعدة وحدها بالغرفة متقبل تطلع
اهم شي محد يحاجيها عايفينها بحالهة
يتبع
---
