#لأنني_يتيمة
الكاتبة رينب النعيمي
بارت 2
موعد استلام النتائج جنت خايفة
صاحو الاسماء اريد اسمي يجي
ماكو راح انجلط صاحو اسمي كالت مبروك ناجحة
مشيت اخذت النتيجة طلعت ناجحة الحمدلله
بس درجاتي قليلات بالفيزياء والكيمياء
هذولي العلة مالتي
رجعت للبيت جنت فرحانة امي باركتلي جانت فرحانة حيل
بنجاحي
وابوية هم فرح
كال اريد معدل اعلى بالوزاري
كتلة ان شاء الله
مرت الايام وامتحانات وقراية وكذا اجتي العطلة
مال المراجعة
كامت نرجس تجي يمي لو اني اروح يمهم
بيوم رحت دكيت الباب
طلع اخوهة امير لابس فانيلة كيمونة لون اسود وبرمودا اسود
كمت مااعرف احجي ارتبكت
السلاام عليكم
- عليكم السلام
- نرجس موجودة
- فوتي هسة اصيحها
- يا الله شكلة شكد مغرور وشايف نفسة بس حلو شكلة يا اللله
عيونة يخبلن ابيض ولحيتة الخفيفة الي راح تموتني
صدوك اتذكرت شو اني ما وصفتلكم شكلي
اني طولي مناسب لا اني طويلة ولا قصيرة بس بالنسبة الامير
هو اطول مني بشرتي لون ابيض جسمي رشيق مو هلكد سمينة
عيوني لون عسلي شعري طويل واصل لجوة خصري بس
طبعا اني محجبة بابا ميقبل
كطعت تفكيري نرجس الثولة
- ها ولج وين صافنة
- وجعا الواحد يسلم
- انتي الجاية علية لو اني غير انتي تسلمين
- ديلا نجبي حبي وامشي خل نقرة
- حبي اي انتي هم انجبي وامشي كدامي يلا
- دخلنة من باب المطبخ هو جان كاعد ع ميز الطعام
دياكل بيض لعبت نفسي جانت الدنيا عصر صراحة مااحب البيض
هواي اكلات مااحبهة الي يشوفني مااحب اكلات هواي يكول تتبطرين
بس والله ما اتقبلهن
بس شكلة حلو هو وياكل من شافني باوع علية ورفع حاجبة
جنت مدنكة واباوع بطرف عيني
كمنة نقرة ونسولف ونضحك ونذكر المدرسة رغم تعب وقهر
بس تبقى النا احلى ذكريات مهما مرت الايام
خلصت ورجعت لبيتنة هم قراية دك متت
اخير شي كلت الامي
- ماما
- ها عيني
- ماما فدوة خل نروح للسوك نتمشى واشتري كم شغلة والله ضايجة
- بس خل نكل الابوج بالاول
- هو وين
- طالع عندة شغل
- اتصلي بيه
- دروحي بدلي قابل مراح يقبل بس ننطي خبر
- رحت ممصدكة اركض راح اطلع من هذا لجو الكئيب
لبست بنطرون نيلي وقميص اصفر ورهمت الشال والحذاء وطلعنة
اول مطلعت طبكنة الباب التافيت
يمة كلبي راح اوكع منو هذا 😍😍 هذا امير يمة فديتة يخبل لابس بنطرون نيلي
وقميص زيتوني وعيونة الي مثل السحر واكفين يمة اصدقائة بس والله
منتبهت عليهم بكدة هو هم ضل يبااوع منزل راسة
خفت من امي نزلت راسي. 😍😍😍😍 يمة يمة فديتة
هاي شبية شنو فديتة خيولي هذا ابو البيض
اكو واحد ياكل بيض العصر هاي شبية كمت اخربط
رحنة للسوك اشتريت كم حاجة وامي نفس الحالة جانت الدنيا صيف
رحنة كعدنا بمطعم طلبنة موطة افيييش تخبل بردت كلبي بهذا الحر
ورة شوية كلت الامي خابري ابوية بلكي يجي خابرتة كاللهة فد نص ساعة واني يمكم
ضلينة نسولف لحد مااجة ابوية
كال وين تريدون نروح
- اريد نروح للمتنزه اركب سكة الموت
- لا يمعودة ما بينة حيل ليروح يصير بيج شي
- اي بلكت اموت قبل لا امتحن علمود اخلص
- انجبي ولا تحجين هيج اسم الله عليج بنيتي
- فديتك بابا يعني اذا مطلعت معدل عالي متزعل
- ليش ازعل اصلا اذا الله كاتبلج هذا الشي بي خير الج ليش ازعل
- دمعت عيوني مااعرف لمن ابوية يحجي هيج اريد بس ابجي حضنتة ودمعاتي
كاتمتهن بطرف عيني
- يلا خل نروح
- رحنة للمتنزه دنمشي شفت امير 😍😍😍
يمة كلبي طلعت هل كشخة عندة طلعة، طلعة مال مسدس 😂
اليوم شبية امكن فرحانة طلعت
اريد اصعد بس ابوية مخلاني بسكة الموت ولا ديلاب الهوى ولا سفينة نوح لعد شبقيت
يكول هذولي عاليات لتروحين تتخربطين
اخير شي اختاريت سيارات تصادم اخذت بطاقة بابا كال روحي واني وامج كاعدين هنا
رحت طبعا امير احسة يلاحكني
دخلت وانطيت البطاقة واجواي امير واصدقائة خفت بالعبة اني وبنت ثانية والباقي ولد
شنو هاي اخجل
بدت اللعبة وهذا واحد كل شوية داعمني موتني جانو مطلعين اغنية مااذكر اسمها
بس هي بيها ردح
الولد الي ويا امير يلعبون ويركصون استغفر الله كوة الضحكة😂😂 تجيني واصير بوجه امير
وهو معبس ميضحك بس يلعب صفنت عليه
مااحس الا هو دعمني واني محاسة 😳
كملت اللعبة بس تعبت صار هواي ملاعبة اي شي بس كاعدة واقرة
رجعت يمهم كعدنة نسولف وابوية يضحكنة تمنينة اختي رنا ويانة
نداريت لكيت امير كاعد وصار مقابيلي اوو شلون اليوم منخلص
ارتبك من اشوفة
رحنة تعشينة وضلينة نفتر بالمولات صار شكد مطالعين بسبب شغل ابوية
الي متعبنا ويا
خطية عندة قضايا تشيب الراس وهو ميقبل يتنازل عن شي اهم شي يكون عادل
حاولو تهديدة اكثر من مرة بس ابوية ممهتم. رجعنة للبيت احلى يوم ماانساه بعمري
شكد ضحكني ابوية واكول الحمدلله الله رزقني بهيج اب حنين
نمت من التعب وكعدت من الفجر اقرة ثاني اجتني نرجس
وهم ع نفس الرنة لو هي تجيني لو اني اروح
دائما من اروح اشوف امير بس احاول اني اتصرف ممنتبهتلة
بس اني احبة حييل وخافية هل شعور
ومأجلتة بنفس الوقت من ورة السادس
يتبع
---
