و لأول مرة اسمع تفسير الشعراوي لكلمة اذا بليتم فاستتروا...الشعراوي بيقول ان اصل الحكاية متعلقة بأية إنما يوفي الصابرون أجرهم بغير حساب....
ان الصابرين دايما راضيين بقضاء ربنا سبحانه وتعالى و بيخافوا من ان الشكوي للناس تبدو و كأنها اعتراض علي قضاء الله او اللسان يقع فيما ينقص ثواب الصبر الجميل...فكانوا بيستتروا عند حصول البلاء حفاظا علي ثواب اجر الصبر الجميل ...و كان فيه قصة مشهورة لاحد الصحابة اللي كان بيمشي علي طول اول ما الصلاة تخلص و لما الرسول صلى الله عليه وسلم لاحظ ده سأله في عتاب رقيق يذيب الحجر( أزهدً فينا) فكان رد الصحابي ان زوجته في انتظاره في البيت عشان تصلي لأنهم معندهمش غير رداء واحد...رداء واحد هيديهولها تصلي فيه...و لما الزوج وصل البيت زوجته سألته اتأخرت بعدد كذا تسبيحه(ظبطه رجوعه علي عدد تسبيحاتها بعد اقامة الصلاة) فحكالها اللي حصل....تفتكروا رد فعلها ايه؟؟؟؟؟؟؟؟؟؟؟؟؟؟
أشكوت ربك لمحمد........
حاجة كدة فوق مستوي البشر...
ربنا يجعلنا من الحامدين في السراء والضراء و لا يجعل مصيبتنا في ديننا و لا يجعل الدنيا اكبر همنا ولا مبلغ علمنا
